Morgunblaðið - 14.01.2006, Qupperneq 11

MORGUNBLAÐIÐ LAUGARDAGUR 14. JANÚAR 2006 11
FRÉTTIR
VERIÐ er að lengja togskipið Frá
VE í Skipalyftunni í Vestmanna-
eyjum og á hann að verða tilbúinn á
veiðar í febrúar.
Stefán Jónsson, yfirverkstjóri í
Skipalyftunni, sagði að Frár yrði
lengdur um þrjá metra, úr 26 m í 29
m og hófust framkvæmdir í nóv-
ember.
„Líka verða gerðar breytingar á
millidekki, lestin endurnýjuð að
öllu leyti og útbúinn nýr klefi,“
sagði Stefán. Verkið var boðið út og
er Skipalyftan aðalverktaki. Aðrir
sem koma að verkinu eru Geisli,
Steini & Olli og Stoð og stytta.
Frár er einn fárra skipa í Vest-
mannaeyjum í einkaeigu en eigandi
hans er Óskar Þórarinsson skip-
stjóri sem að mestu er hættur og
tók Sindri sonur hans við skip-
stjórninni.
Morgunblaðið/Sigurgeir
Frár í lengingu
ÚR VERINU
„ÞAÐ vita allir að ég hef verið
óskaplega hræddur við flottrolls-
veiðar í gegnum tíðina en ég hef
veitt loðnu bæði í troll og nót. Mín
reynsla er sú að lóðning sem gefur
400 til 500 tonn í nót gefur kannski
ekki nema 5 til 10% af því í troll. Svo
er spurningin hvað verður um mis-
muninn. Lifir hann af? Svo er annað
í þessu en það er óskaplegt áreiti á
lóðningarnar með þessari trollveiði,“
segir Grímur Jón Grímsson, skip-
stjóri á Antares, í viðtalið við blaðið
Fréttir í Vestmannaeyjum.
„Þegar veitt er í nót þá veiðist það
sem er inni í hringnum. Trollið er
hins vegar að taka hluta af torfunni
og skipin eru allan sólarhringinn að
toga fram og til baka. Loðnan kemur
upp að landinu til að ganga á sínar
hefðbundnu hrygningarstöðvar. Ég
horfði hins vegar á loðnu, sem var að
koma upp í Reyðarfjarðardýpið, fara
út aftur þegar farið var að toga.
Sambærilegt við þetta gæti verið
þegar laxinn safnast fyrir utan ár-
ósinn. Það er spurning hvort hann
myndi guggna á því að ganga upp
árnar ef hann fengi svona yfirhaln-
ingu eins og loðnan. Ég er alveg
skíthræddur við þetta og veit að Ís-
félagsmenn hafa mælt með því við
ráðherra að flottrollsveiðar á loðnu
verði ekki leyfðar.
Loðnan sem kemur að vest-
anverðu virðist alltaf í svipuðu
standi en hún hefur ekki orðið fyrir
flottrollsáreiti og í fyrra bjargaði
hún því sem bjargað varð. Það er í
flestum tilfellum minna magn sem er
þeim megin en virðist halda sér og
það gæti verið vísbending um að við
sem erum á móti flottrollsveiðum
höfum rétt fyrir okkur.“
Er rólegur yfir þessu
Hvað með stöðuna núna?
„Það hefur engin loðna fundist
ennþá en þó að svo sé skulum við
vona að við séum ekki búin að kras-
sera þessu. Aftur á móti eru þeir
sem eru búnir að vera á loðnu enn
lengur en ég með ákveðna kenningu
um þetta. Hún gengur út á það að
loðnan komi upp að landi fjörutíu
dögum fyrir páska. Það er staðreynd
að venjuleg vertíð stendur yfirleitt í
fjörutíu daga, það er tíminn frá því
hún kemur upp á grunninn. Sam-
kvæmt þeirra kenningu tengist loðn-
an páskum og þeir eru seint í ár og
þá ætti hún að koma upp á grunnið í
kring um 6. mars. Það er spurning
hvort þessi kenning stenst. Annars
er ég rólegur yfir þessu. Ég man að
eitt árið, þegar ég var skipstjóri á
Ljósfara, þá vorum við hæstir með
70 tonn í janúar þannig að það er
ekkert nýtt að ekkert hafi fundist í
janúar,“ segir Grímur Jón í viðtal-
inu.
Kemur
loðnan 40
dögum fyrir
páska?
Grímur Jón Grímsson, skipstjóri á Antares frá Vestmannaeyjum.
34% hærri laun fyrir sama vinnu-
framlag.
Samkvæmt samkomulaginu er
misjafnt hvernig skipting vinnutíma
kennara er eftir hverjum og einum
kennara og eftir tímabilum. Þannig er
vinnuskipulag allra kennara mjög
sveigjanlegt og einstaklingsbundið og
gerir það kleift að hafa viðfangsefni
kennara ólík. Þetta felur í raun í sér
að starfið er einstaklingsmiðað rétt
eins og það nám sem fram fer í skól-
anum enda kallar skipulag skólans á
mikla samvinnu. Hvernig vinnutími
kennara er skipulagður er ákveðið af
skólastjóra og kennara í sameiningu
og því hafa kennarar sjálfir um það að
segja hvernig skipting vinnutímans
er.
Það sem af er þessu skólaári hefur
enginn kennari í Norðlingaskóla náð
því að kenna 27 kennslustundir á viku
(sem er kennsluskylda kennara sam-
kvæmt kjarasamningi KÍ og LN) þar
sem starfið hefur kallað á að meiri
tími fari til annarra starfa en kennslu
s.s. undirbúnings og skipulagningar
þeirra kennsluhátta sem viðhafðir eru
í skólanum.
Lagt var upp með það að sam-
komulag þetta væri tilraun til eins árs
ara (kennsla, undirbúningstími, verk-
stjórnartími og tími vegna símennt-
unar). Samkomulag milli skóla og
sveitarfélaga skal borið undir sam-
starfsnefnd.“
Við undirrituð fögnuðum þessari
tilraun og litum á hana sem ögrandi
viðfangsefni og átti hún stóran þátt í
því að við réðum okkur til starfa við
þennan nýja skóla. Í kennarahópnum
er góð blanda af reyndum kennurum
og nýútskrifuðum.
Samkomulagið byggir á sama
vinnutíma í viku hverri og kjarasamn-
ingur KÍ og LN kveður á um, þ.e.
42,86 klst. á viku og innan þess tíma
er sú vinna sem starfsemi skólans
kallar á hverju sinni innt af hendi.
Vinnan fer fram á tímabilinu kl. 8–17
á virkum dögum og fyrir þetta eru
greidd 30–35% hærri laun. Öll vinna
umfram 42,86 tíma á viku telst yfir-
vinna. Þessu til áréttingar er hér
raunverulegt dæmi um launahækkun
sem í þessu samkomulagi felst. Kenn-
ari sem hefur samkvæmt kjarasamn-
ingi KÍ og LN kr. 212.259 í mánaðar-
laun fyrir fullt starf fengi miðað við
samkomulagið sem við skrifuðum
undir kr. 285.259. Í þessu felst launa-
hækkun um kr. 73.000 á mánuði eða
SJÖ kennarar í Norðlingaskóla hafa
sent frá sér yfirlýsingu vegna um-
ræðu sem fram hefur farið í fjölmiðl-
um að undanförnu um tilraun á
breyttri vinnutilhögun og kjörum
kennara í Norðlingaskóla.
„Samkomulagið sem um ræðir er
gert af kennurum og stjórnendum
Norðlingaskóla annars vegar og
Reykjavíkurborg hins vegar og að því
standa allir jafnt. Það vekur því furðu
okkar þegar einn af forsvarsmönnum
Kennarasamtakanna kemur fram í
fjölmiðlum og persónugerir sam-
komulagið í skólastjóranum okkar.
Í apríl 2005 þegar auglýst var eftir
skólastjóra og kennurum til starfa við
nýjan skóla í Norðlingaholti var tekið
fram að áhugi fræðsluyfirvalda í
Reykjavík væri á að unnið yrði eftir
bókun fimm í Kjarasamningi KÍ og
LN frá 17. nóvember 2004, en hún er
svohljóðandi: „Samningsaðilar eru
sammála um að skapa tækifæri á
samningstímabilinu fyrir grunnskóla
að taka upp í tilraunaskyni til eins árs
í senn, hliðstæð vinnutímaákvæði og
gilda hjá öðrum háskólamenntuðum
starfsmönnum sveitarfélaga þ.e. á
bilinu 8:00 til 17:00 og innan þeirra
tímamarka sé öll vinnuskylda kenn-
og að hún þjónaði þeim tilgangi að
prófa annars konar útfærslu á vinnu-
tíma og starfskjörum kennara. Það er
að okkar mati tímabært að slík tilraun
sé gerð enda kalla nýir tímar á nýja
sýn á skólastarf. Gengið er út frá því í
samkomulaginu að óhlutdrægir aðilar
meti það þegar tilrauninni lýkur.
Að lokum ítrekum við furðu okkar
á afstöðu forsvarsmanns Félags
grunnskólakennara því hér er um að
ræða félagsmenn í Félagi grunn-
skólakennara sem sjálfir vilja taka
þátt í tilrauninni og eru mjög sáttir
við hana að öllu leyti. Með því að sam-
þykkja ekki tilraunina sem við stönd-
um öll heilshugar að sjáum við ekki
annað en að stéttarfélagið okkar vinni
gegn okkar hagsmunum.
Þá hvetjum við alla sem áhuga hafa
á að kynna sér samkomulagið en það
er að finna á heimasíðu Norðlinga-
skóla á slóðinnihttp://www.nordlinga-
skoli.is
Ágúst Ólason
Bryndís Brynjarsdóttir
Edda Ósk Smáradóttir
Hermann Valsson
Linda H. Þórðardóttir
Ragna Þ. Karlsdóttir
Þóranna R. Ólafsdóttir“
Yfirlýsing kennara Norðlingaskóla
SIGURRÓS Þorgrímsdóttir bæjar-
fulltrúi gefur kost á sér í 3. sæti í
prófkjöri Sjálfstæðisflokksins
Kópavogi sem
fram fer 21. jan-
úar nk.
Sigurrós tók
BA í stjórnmála-
og hagfræði,
1990. Að því
loknu fór Sigur-
rós í fjölmiðla-
fræði, sem hún
lauk haustið
1991. Sigurrós
lauk síðan mast-
ersgráðu í opinberri stefnumótun
og stjórnsýslu við Háskóla Íslands
árið 2000.
Sigurrós hefur unnið trúnaðar-
störf fyrir Sjálfstæðisflokkinn í
Kópavogi í mörg ár. Hún var fyrsti
varabæjarfulltrúi Sjálfstæðis-
flokksins í Kópavogi, formaður
bæjarmálaflokksins og formaður
atvinnumálanefndar Kópavogs árin
1994–1998. Síðan 1998 hefur Sig-
urrós verið bæjarfulltrúi. Hún var
formaður leikskólanefndar frá
stofnun hennar til ársins 2002.
Hún er formaður lista- og menn-
ingarráðs Kópavogs, formaður
skólanefndar Menntaskólans í
Kópavogi, stjórnarmaður í SORPU,
er í stjórn Námsgagnastofnunar og
situr í stjórn EES-nefndar sem er
á vegum Samband ísl. sveitarfé-
laga.
Sigurrós er fyrsti varaþingmaður
Suðvesturkjördæmis og situr nú á
þingi í fjarveru Gunnars I. Birg-
issonar sem fékk leyfi í 1 ár.
Sigurrós er formaður aðalstjórn-
ar Breiðabliks. Fyrrverandi for-
maður Soroptimistaklúbbs Kópa-
vogs og fyrrverandi forseti
Rotarýklúbbsins Borgir í Kópa-
vogi. Hún var umdæmisstjóri Inner
Wheel á Íslandi og fyrsti formaður
Inner Wheel-klúbbsins í Kópavogi.
Sigurrós segir í fréttatilkynningu
að hún leggi megináherslu á velferð
íbúanna og málefni er tengjast fjöl-
skyldum séu mikilvægustu verkefni
sveitarfélaga. Leik- og grunnskóla
þarf að gera sjálfstæðari, bæði fag-
lega og fjárhagslega.
Sigurrós Þor-
grímsdóttir
gefur kost á
sér í 3. sæti
Sigurrós
Þorgrímsdóttir
LUNGA, listahátíð ungs fólks,
Austurlandi, hlaut í gær við
hátíðlega athöfn á Bessastöðum
Eyrarrósina 2006. Eyrarrósin er
sérstök viðurkenning fyrir fram-
úrskarandi menningarverkefni á
landsbyggðinni sem Listahátíð í
Reykjavík, Byggðastofnun og
Flugfélag Íslands hafa sett á
stofn. Verndari Eyrarrósarinnar
er Dorrit Moussaieff forsetafrú.
Í umsögn dómnefndar segir:
„LungA er einkar litrík menning-
arhátíð ungs fólks í tengslum við
listahátíðina Á seyði. Listrænn
metnaður og afar fjölbreytt dag-
skrá með þátttöku innlendra sem
erlendra listamanna dregur at-
hygli að staðnum. Myndlist, tón-
list, sirkus og útiviðburðir tvinna
saman skemmtilega dagskrá, sem
höfðar til fjölmenns hóps heima-
manna og gesta.“
Viðurkenningin er fjárstyrkur
að upphæð 1,5 milljónir króna,
verðlaunagripur eftir Steinunni
Þórarinsdóttur auk flugmiðar frá
Flugfélagi Íslands. Dorrit Mo-
ussaieff afhenti viðurkenninguna.
Þrjú verkefni höfðu áður verið
valin úr hópi fjölmargra umsækj-
enda og voru þau öll kynnt sér-
staklega á Bessastöðum. Hin
verkefnin tvö eru Kórastefna við
Mývatn og Jöklasýning á Höfn í
Hornafirði. Hlutu þau 200 þúsund
króna fjárstyrk hvort og flug-
miða frá Flugfélagi Íslands.
Steinunn V. Óskarsdóttir, borg-
arstjóri flutti ávarp við athöfnina.
Markmiðið með Eyrarrósinni er
að stuðla að auknu menningarlífi
á landsbyggðinni, auka kynning-
armöguleika einstakra sveitarfé-
laga og landshluta og skapa
sóknarfæri á sviði menning-
artengdrar ferðaþjónustu. Eyr-
arrósin er veitt einu afburða
menningarverkefni á starfssvæði
Byggðastofnunar.
Verkefnisstjórn, skipuð for-
stjóra og stjórnarformanni
Byggðastofnunar og stjórnanda
og framkvæmdastjóra Listahátíð-
ar í Reykjavík, tilnefnir og velur
verðlaunahafa.
LungA, listahátíð ungs fólks á Seyðisfirði, hlaut Eyrarrósina
„Einkar litrík menn-
ingarhátíð ungs fólks“
Morgunblaðið/Sverrir
Dorrit Mousaieff forsetafrú ásamt handhöfum Eyrarrósarinnar 2006,
fulltrúum LungA sem voru að vonum ánægðir með viðurkenninguna.