Morgunblaðið - 29.03.2006, Blaðsíða 36
36 MIÐVIKUDAGUR 29. MARS 2006 MORGUNBLAÐIÐ
MINNINGAR
✝ Arnar FreyrValdimarsson
fæddist í Reykjavík
10. desember 1982.
Hann lést 20. mars
síðastliðinn. For-
eldrar hans eru
Katrín Karlotta
Brandsdóttir og
Valdimar Aðal-
steinsson. Systkini
Arnars eru; Sigríð-
ur Hlíf Valdimars-
dóttir, f. 23.12. 1978,
gift Einari Loga
Sveinssyni, sonur
þeirra er Jóel Snær; Aðalsteinn, f.
12.10. 1987; og Björgvin, f. 29.9.
1994.
Unnusta Arnars er Lilja Særós
Jónsdóttir, f. 27.1. 1983.
Arnar lauk námi í vélvirkjun
frá Iðnskólanum í Hafnarfirði ár-
ið 2003. Verklega
hlutann lærði hann
hjá Ísal. Síðustu
mánuði starfaði
hann hjá Kerfóðrun.
Aðaláhugamál
Arnars voru bretta-
íþróttir, bæði hjóla-
bretti og snjóbretti,
sem hann keppti og
starfaði við. Hann
hafði einnig áhuga á
brimbretta-, mótor-
hjóla- og öðrum jað-
aríþróttum. Bretta-
fatnaður og hönnun
í sambandi við brettaíþróttir var
mikið áhugamál og hafði hann
hannað sitt eigið fatamerki,
Slark.
Útför Arnars verður gerð frá
Hafnarfjarðarkirkju í dag og
hefst athöfnin klukkan 15.
Elsku Arnar minn.
Ég elska þig heitar en orð geta tjáð.
Tár mín svo frosin, orð mín svo tóm þögul
og brennandi heit er mín ást.
Ég man er ég leit fyrst í augu þín vitandi
allt.
Það var ást við fyrstu sýn.
Við eigum svo undurvel saman, við tvö skilj-
um hvort annað og heiminn svo vel.
Sálir sem hittast og heilsast á ný, ég veit ég
hef elskað þig áður og elska þig enn.
( Magnús Þór Sigmundsson.)
Án þín virðist allt svo tómt, ég veit
ekki hvað ég á að gera án þín, þú varst
ljósið mitt, helmingurinn minn og
besti vinur. Með þér lærði ég að elska,
brosa og hlæja. Ég vildi óska að ég
gæti fengið þig aftur, snert þig aftur,
tekið utan um þig aftur, kysst þig aft-
ur, hlegið með þér aftur og sagt við
þig að ég elskaði þig, aftur.
Ég sit bara núna og bíð, bíð eftir að
þú komir og huggir mig, takir utan
um mig, segir mér að allt muni lagast,
sýnir mér, kennir mér og hjálpir mér
hvernig.
En þú kemur ekki.
Presturinn sagði við mig að sorgin
væri svona mikil, vegna þess hve heitt
ég hafi elskað.
Takk fyrir það, ástin mín, takk fyr-
ir að leyfa mér að elska þig, takk fyrir
allar minningarnar og takk fyrir að
hafa verið til.
Ég elska þig alltaf og að eilífu.
Þín
Lilja.
Elsku bróðir minn, þú ert besti
bróðir í heimi og vinur. Ég sakna þín
rosalega mikið. Ég elska þig mikið.
Þú ert fyrirmyndin mín. Nú ert þú á
stað þar sem þú getur alltaf verið á
snjóbretti, hjólabretti og surfbretti.
Minning þín lifir áfram í hjörtum okk-
ar.
Þinn bróðir
Björgvin.
Elsku litli bróðir minn. Það eru
engin orð sem geta lýst þeirri sorg og
söknuði sem ég finn fyrir nú. Bara ef
ég gæti sagt þér einu sinni enn hversu
heitt ég elska þig og hversu stolt ég er
af þér. Þegar ég sit hér og skrifa þetta
hellast allar minningar yfir mig og ég
mun geyma þær í hjarta mínu að ei-
lífu. Þú varst alltaf svo glaður og
brosmildur. Þú ert ekki bara litli
bróðir minn heldur líka besti vinur.
Það var ómetanlegt að geta leitað til
þín ef eitthvað var að og alltaf fengið
hreinskilið svar, þú varst aldrei
hræddur við að segja þína meiningu.
Um jólin 2004 þegar ég var búsett í
Danmörku og gat ekki komið heim
um jólin komst þú til mín, elsku Arn-
ar, og varst hjá mér til þess að við
værum ekki ein, fyrir mig var það
ómetanlegur tími sem við áttum sam-
an. Það eru ótal minningar sem ég
gæti talið upp en ég mun geyma þær í
hjarta mínu um aldur og ævi. Jóel
Snær, litli frændi þinn, lítur svo upp
til þín og veit ég að þú átt eftir að vaka
yfir honum. Mun ég deila öllum minn-
ingum sem ég á um þig með honum.
Ég ætla ekki að segja bless því að ég
veit að við munum hittast aftur, elsku
fallegi bróðir minn, þegar minn tími
er kominn.
Þín systir
Sigríður Hlíf.
Elsku Arnar.
Það eru erfiðir tímar og engin ráð
þeir sem að lifa, lifa fyrir guðs náð.
Enginn veit og enginn sér
allt fram streymir og fer sem fer.
(Kr. Kristjánsson.)
Það er erfitt að skilja þegar ungur
maður eins og þú ert tekinn frá okk-
ur.
Okkur langar bara til að þakka þér
fyrir allt sem þú varst.
Þakka þér alla ástina og umhyggj-
una sem þú sýndir henni Lilju okkar.
Hún á ósköp bágt núna en við lof-
um þér því að passa hana vel.
Elsku Arnar, fjölskyldan þakkar
þér fyrir að fá að þekkja þig. Við von-
um að þér líði vel í nýjum heimkynn-
um og þú getir rennt þér á bretti með
hinum englunum.
Aðkoman var hrikaleg
englar himins flykktust að
englar himins grétu í dag.
Allt var brotið, hljótt og kyrrt
veröldin sem viti firrt
englar himins grétu í dag
sorgin bjó sig heiman að, í dag.
Allt var kyrrt og allt var hljótt
miður dagur varð sem nótt
sorgin bjó sig heiman að
englar himins grétu í dag.
Allt var kyrrt og allt var hljótt
öllu lokið furðu fljótt
englar himins grétu í dag.
(Kr. Kristjánsson.)
Elsku fjölskylda, við sendum okkar
innilegustu samúðarkveðjur og vitum
að allar góðu minningarnar um Arnar
eiga eftir að lifa með okkur öllum um
ókomin ár.
Guð blessi ykkur.
Jón, Drífa og fjölskylda.
Elsku Arnar.
Stundin líður, tíminn tekur
toll af öllu hér.
Sviplegt brottfall söknuð vekur
sorg í hjarta mér.
Þó veitir yl í veröld kaldri
vermir ætíð mig
að hafa þó á unga aldri
eignast vin sem þig.
(Hákon Aðalsteinsson.)
Við viljum þakka þér fyrir að koma
inn í líf okkar og gera okkur að betri
manneskjum.
Þakka þér alla gleðina sem þú
færðir okkur og þá ást og hamingju
sem þú færðir Lilju systur. Það eru
margar góðar minningar sem Lilja og
við öll eigum um þig og munu aldrei
gleymast.Við skulum passa Lilju fyr-
ir þig, það er loforð.
Hugur okkar er hjá þér, fjölskyldu
þinni og vinum.
Jón Helgi og Jóna Kristín.
Í minningu kærs frænda og vinar:
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þín verður sárt saknað í frænd-
systkinahópnum, Arnar minn.
Þökkum allar góðu stundirnar.
Þínir frændur og vinir
Brandur, Gunnbjörn,
Vignir og Sindri.
Elsku Arnar minn. Ég trúi því ekki
að ég sitji hér og skrifi mín hinstu orð
til þín, svo snögglega hvarfstu úr
þessum heimi. Ég er búin að óska
þess heitast að þetta sé bara vondur
draumur sem ég sé alveg að fara að
vakna af. En raunin er víst önnur.
Ég man nú yfirleitt ekki mikið úr
æsku minni, en ég gleymi þér seint,
elsku ljúfurinn minn, enda fylgdu þér
oft skrámur og marblettir, þú varst
mesti ofurhuginn í hverfinu. Ég man
svo vel eftir okkur sem krökkum, á
flottu hjólunum okkar, ég á splunku-
nýju BMX-hjóli og þú fékkst mig til
að gera allt. „Helga, taktu tilhlaup,
þarna efst í Stekkjar-hvamminum, og
stökktu svo yfir þennan pall og
skransaðu svo í sandinum!“ Ég lék
allt eftir þér. Eftir að þú fluttir í
Lækjarbergið var mamma dugleg að
heimsækja mömmu þína og mér þótti
voða sport að heimsækja þig. Við stál-
umst til að sulla í læknum og lékum
okkur. Við fjarlægðumst svo í nokkur
ár, hittumst stöku sinnum uppi í fjöll-
um og náðum þá að fylla upp í eyð-
urnar.
Ég var ekkert smá glöð þegar leiðir
þínar og Lilju minnar lágu saman,
þessi yndislegi strákur sem hafði svo
góða nærveru og var ekkert nema
brosið, var loksins kominn í vinahóp-
inn. Ég hef aldrei séð vinkonu mína
eins hamingjusama, enda komstu
fram við hana eins og drottningu. Þið
smulluð saman eins og púsluspil og
ástin skein af ykkur. Þú varðst mjög
fljótlega „einn af stelpunum“ og það
má nú alveg teljast afrek út af fyrir
sig, enda erum við kvenfólk frekar
erfiðar víst. Við stelpurnar erum svo
heppnar að eiga margar góðar minn-
ingar um þig, enda vorum við dugleg
að gera eitthvað sniðugt saman. Þú
varst alltaf svo glaður, góður og ein-
lægur, talaðir aldrei illa um neinn og
komst fram við alla sem jafningja.
Aldrei hefði ég trúað því í þar síðustu
viku þegar við vorum í keilu, að ég
myndi aldrei sjá þig aftur.
Þú varst uppskriftin að sönnum
vini, það var hægt að tala um allt við
þig, treysta þér fyrir öllu og sama
hvað það var þá gafstu mér alltaf góð
ráð. Mér þótti alveg rosalega gott að
tala við þig og ég ætla að halda því
áfram. Ég kunni líka vel að meta að
þú leitaðir svo oft til mín ef eitthvað
bjátaði á.
ARNAR FREYR
VALDIMARSSON Elskuleg eiginkona mín, móðir okkar, tengda-
móðir og amma,
SIGRÚN LILJA EIRÍKSDÓTTIR,
Vatnsholti 3a,
Keflavík,
verður jarðsungin frá Keflavíkurkirkju föstudaginn
31. mars kl. 14.00.
Andreas Færseth,
Óli Jóhann Færseth, Jóhanna M. Karlsdóttir,
Jónína Guðrún Færseth, Jóhannes Helgi Einarsson,
Björg Linda Færseth, Einar S. Sveinsson
og barnabörn.
Ástkær eiginkona mín, móðir okkar, tengdamóðir
og amma,
ÁGÚSTA ÞYRÍ ANDERSEN,
Fjallalind 66,
Kópavogi,
verður jarðsungin frá Digraneskirkju föstudaginn
31. mars kl. 13.00.
Þór Guðmundsson,
Willum Þór Þórsson, Ása Brynjólfsdóttir,
Örn Þórsson, Regína Björk Jónsdóttir,
Valur Þórsson, Helga Margrét Vigfúsdóttir,
Willum Þór Willumsson,
Brynjólfur Darri Willumsson,
Þyrí Ljósbjörg Willumsdóttir,
Daníel Helgi Arnarson,
Ísar Logi Arnarson,
Ernir Þór Valsson,
Viktor Orri Valsson.
Ástkær sonur minn, bróðir okkar, barnabarn og
frændi,
HAUKUR KRISTÓFERSSON,
Fossatúni 14,
Selfossi,
sem lést sunnudaginn 19. mars sl., verður jarð-
sunginn frá Selfosskirkju fimmtudaginn 30. mars
kl. 11:00.
Sigríður Herdís Leósdóttir, Kristinn Magnússon,
Rannveig Brynja Sverrisdóttir, Björn Heiðberg Hilmarsson,
Katrín Ingibjörg Kristófersdóttir, Birgir Guðmundsson,
Leó Kristófersson,
Haukur Kristófersson,
Margrét Hauksdóttir, Bragi Kr. Guðmundsson,
Guðrún H. Hauksdóttir, Jóhannes B. Jóhannesson,
systkinabörn og
aðrir aðstandendur.
Hjartkær eiginkona, móðir, tengdamóðir og
amma,
RÓSA EIRÍKA INGIMUNDARDÓTTIR
(THORSTEINSSON),
Baltimore, Maryland,
Bandaríkjunum,
andaðist á Harbor Hospital, Baltimore Maryland,
laugardaginn 25. mars.
Útför hefur farið fram í kyrrþey að ósk fjölskyldu. Minningarathöfn
á Íslandi verður auglýst síðar.
Halldór Thorsteinsson,
Guðmundur I. Thorsteinsson,
Þorsteinn E. Halldórsson, Karen L. Thorsteinsson,
Elsa E. Reed, William A. Reed
og barnabörn.
Ástkær systir okkar,
GUNNHILDUR GUNNARSDÓTTIR,
Hafnarbraut 20,
Höfn í Hornafirði,
sem lést miðvikudaginn 22. mars, verður
jarðsungin frá Hafnarkirkju föstudaginn 31. mars
kl. 14.00.
Þeim, sem vilja minnast hennar, er bent á
Krabbameinsfélagið.
Systkini hinnar látnu,
Hafnarbraut 18, Höfn.