Morgunblaðið - 02.04.2006, Blaðsíða 72

72 SUNNUDAGUR 2. APRÍL 2006 MORGUNBLAÐIÐ
EcoGreen Multi
FRÁ
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
GÓÐ HEILSA
GULLI BETRI
Vítamín, steinefniog jurtir
APÓTEK OG HEILSUBÚÐIR
Orkubomba og hreinsun
www.nowfoods.is
EFTIR að Jakobínarína hafði
skemmt gestum með villtri spila-
mennsku og magnaðri sviðs-
framkomu birtist Who Knew, fyrsta
sveitin þetta tilraunakvöld. Framan
af fyrsta laginu voru sveitarmenn
heldur óstyrkir, en þegar komið var
fram í mitt lag komust þeir á flug.
Annað lagið var enn betra, fínt gríp-
andi popp og þriðja lagið Jakobín-
urínulegt fjör. Fín frammistaða og
sérstaklega var söngvarinn að
standa sig vel eftir að hann datt inn í
fyrsta laginu, en þrátt fyrir það náði
Who Knew ekki upp sömu góðu
stemmningunni og í undanúrslitum.
Furstaskyttan var nú mun ein-
beittari en þegar sveitin söng og spil-
aði sig í úrslit, hljóðfæraleikur allur
einkar vel útfærður, sérstaklega
fannst mér gítarleikur góður. Titillag
sveitarinnar var skemmtilegast, löng
og snúin saga þrungin dramatík og
spennu sem tónlistin undirstrikaði
vel. Annað lag sveitarinnar var vel
raddað og það þriðja, „danska lagið“
var einnig vel heppnað.
Hafnfirska rokksveitin Própanól
varð fyrir því óláni að söngkona
sveitarinnar lagðist á sóttarsæng
fyrir úrslitin og sveitin því andlits-
laus. Þeir sem eftir voru standandi
létu þó ekki sitt eftir liggja, breyttu
sveitinni einfaldlega í rokksveit án
söngs og tróðu svo upp. Tvö fyrstu
lögin voru þó daufleg fyrir það að
enginn var söngurinn, því þó
frammistaða hljóðfæraleikara væri
með ágætum vantaði töluvert upp á
að laglínan skilaði sér. Þriðja lag
sveitarinnar var best og í raun það
eina sem gekk skammlaust upp.
Það er algengt að ég sé spurður
hverjar séu eftirminnilegustu hljóm-
sveitir Músíktilrauna og á komandi
árum mun We Made God bætast í
þá runu sem ég romsa upp úr mér
við slík tækifæri. Gott ef þeir lenda
ekki líka á listanum yfir bestu
hljómsveitir Músíktilrauna sem ekki
unnu, því þó sigursveitin þetta kvöld
hafi verið mögnuð þá var We Made
God eina sveitin sem ég fékk gæsa-
húð við að hlusta á. Frábær hljóm-
sveit með einkar vel mótaðan hljóð-
heim og skýra tónhugsun. Annað
lag sveitarinnar, það sem framkall-
aði gæsahúðina, var flutt af ótrú-
legri einbeitingu og orku – gríð-
arlega áhrifamikið. Það eina sem
vantaði upp á lokalagið til að þoka
því upp í snilldarflokkinn var smá
söngur, en annars var það mjög
skemmtilegt og síbreytilegt lag, góð
blanda af Sigur Rós og Mínus.
Antík átti ekki auðvelt að fylgja
eftir slíkum tilfinningahita, en gerði
það með glans. Sveitin var vel þétt,
það þarf nefnilega ekki nema tríó
þegar allt kemur til alls, og vel und-
ir tilraunirnar búin. Gítarleikari
sveitarinnar og söngvari þykir mér
efnilegur í meira lagi og hann var
vel öruggur á sviðinu. Þeir kunna
svo sitthvað fyrir sér í lagasmíðum
því lokalagið var skothelt popplag,
drífið það í spilun strákar.
Tranzlokal átti svo lokaorðið fyrir
hlé, pönksveit frá Vestmannaeyjum
sögðu menn, en þeir voru ekki bara
pönkaðir, þeir voru að spila rokk af
bestu gerð, kæruleysislegt en þó vel
þétt. Annað og þriðja lag þeirra fé-
laga var magnað stuð. Sérdeilis efni-
leg sveit sem ég spái frama í næstu
tilraunum.
Eftir vel þegið hlé, fjörið búið að
standa í tvo tíma samfleytt og annað
eins eftir, hristi Ultra Mega Techno-
bandið Stefán menn aftur í stuð með
myljandi technotónlist. Óvenju mik-
ið var sungið í fyrsta lagi sveit-
arinnar en annars voru menn bara á
kafi í vélrænum takti, stuð, stuð,
stuð með þýskum hreim og gríð-
arlega þungum bassatakti. Þriðja
lag þeirra félaga var fantagott, part-
ísveit tilraunanna þetta árið.
Hafi fjörið verið mikið hjá UMTS
var það enn magnaðra hjá The For-
eign Monkeys. Fyrsta lag þeirra fé-
laga var þannig frábært þétt
keyrslurokk, annað lagið enn betra
og það þriðja best. Fín stígandi hjá
þeim félögum og gríðarlega
skemmtilegt. Söngurinn skilaði sér
ekki nógu vel framan af en það kom
ekki að sök því það vantaði ekki
magnaðan, rafmagnaðan, gítarleik.
UMTS var stuðhljómsveit sem
gerði ekki síst út á glens og grín en
Le poulet de romance gekk enn
lengra í þá átt, lögin sungin á eins-
konar golfrönsku og hegðan og
framkoma forsöngvara sveitarinnar
ýkt og tilgerðarleg. Lögin sem
sveitin flutti voru þó engin tilgerð,
grípandi og skemmtileg, ekki síst
titillag sveitarinnar. Þeir félagar
sýndu það svo í síðasta laginu að
þeir kunna vel að spila, bassi frá-
bær, gítarleikur í góðu lagi og söng-
urinn hreint fyrirtak.
Í úrslitum sýndu sumar sveitir
betri frammistöðu en flestar fannst
mér heldur lakari, streitan kannski
að segja til sín eða menn hafi ein-
faldlega æft yfir sig, spilagleðin má
ekki gleymast. Mér fannst reyndar
lítið vanta uppá í spilagleði hjá þeim
Modern Day Majesty-félögum, en
þeir voru aftur á móti ekki eins
sannfærandi og í undanúrslitum,
lögin gengu ekki eins vel upp, voru
kannski að vanda sig of mikið. Loka-
lag þeirra félaga fannst mér svo af-
leitt og skemma mikið fyrir.
Sveet Sins voru dæmi um hljóm-
sveit sem stóð sig mun betur í úr-
slitum en undanúrslitum, gríðarlega
skemmtileg sveit með vel samin lög.
Söngkona sveitarinnar fannst mér
til að mynda standa sig frábærlega
vel, sérstaklega söng hún síðasta lag
sveitarinnar af mikilli innlifun. Mjög
skemmtileg hljómsveit sem á eflaust
eftir að ná lengra. Það munaði ekki
svo miklu að þau kæmust á verð-
launapall.
Lokatóna Músíktilrauna að þessu
sinni sló og söng hljómsveitin The
Ministry of Foreign Affairs, sú
hljómsveit sem var næst því að vera
tilraunasveit, ef við túlkum heiti
keppninnar svo að hún eigi að ýta
undir tilraunir. Þeir MoFA-félagar
eru vel mótaðir í því sem þeir eru að
gera, tilraunakennd lágstemmd ind-
ítónlist, en eiga það líka til að
spretta úr spori ef sá gállinn er á
þeim. Síðasta lag þeirra, sem byggt
er á lágstemmdri gítarfléttu, var
hreint frábært og mjög vel flutt.
Yfirleitt hefur það verið svo að á
úrslitum eru dómnefnd og salur
sammála í meginatriðum en svo fór
ekki að þessu sinni, atkvæðagreiðsla
í sal var töluvert frábrugðin því sem
gerðist innan dómnefndar. Skýrist
kannski að einhverju leyti af því að
Loftkastalinn tekur færri gesti en
til að mynda Austurbær. Hvað sem
um það er að segja þá sigraði The
Foreign Monkeys, Ultra Mega
Technobandið Stefán varð í öðru
sæti og We Made God því þriðja.
Tími, miðstöð um tímalistir, valdi
hljómsveitina ekkium athyglisverð-
ustu hljómsveit tilraunanna að
þessu sinni.
Efnilegasti bassaleikari var val-
inn Guðmundur Einarsson úr Le
poulet de romance, efnilegasti
hljómborðsleikari Sonja Geirsdóttir
úr Kynslóð 625, efnilegasti söngvari
Magnús Bjarni Gröndal úr We
Made God og efnilegasti trommu-
leikari Víðir Heiðdal úr The Foreign
Monkey. Þegar kom að því að velja
efnilegasta gítarleikara var úr
vöndu að ráða og fór svo að þeir
skiptu með sér verðlaununum fé-
lagarnir úr Perlu Davíð Sig-
urgeirsson og Steinþór Guðjónsson.
Fjölbreytt
skemmtan
Efnilegustu hljóðfæraleikarar Músíktilrauna 2006: Víðir Heiðdal úr TheForeign Monkeys trommuleikari, Sonja Geirsdóttir hljómborðsleikari,Guðmundur Einarsson bassaleikari, Davíð Sigurgeirsson og Steinþór Guð-jónsson gítarleikarar og Magnús Bjarni Gröndal söngvari.
Annað sæti: Ultra Mega Technobandið Stefán. Þriðja sætið: We Made God.
Mikil fagnaðarlæti brutust út þegar tilkynnt var um sigursveit Músíktilrauna 2006, The Foreign Monkeys.
Morgunblaðið/Björg Sveinsdóttir
Sigursveit Músíktilrauna 2006: The Foreign Monkey – fremstir meðal jafningja.
TÓNLIST
Loftkastalinn
Músíktilraunum, hljómsveitakeppni
Tónabæjar og Hins hússins, lauk í Loft-
kastalanum sl. föstudagskvöld. Þetta ár-
ið keppti 51 hljómsveit um sæti í úrslit-
unum vikuna 20. til 24. mars og tólf
sveitir komust svo í úrslitin, Própanól,
Tranzlokal, The Ministry of Foreign
Affairs, Antik, Sweet Sins, We Made
God, Who Knew, Modern Day Majesty, Le
Poulet de Romance, Furstaskyttan,
Ultra Mega Technobandið Stefán og The
Foreign Monkeys.
Músíktilraunir 2006
Árni Matthíasson