Morgunblaðið - 02.04.2006, Blaðsíða 80

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 2. APRÍL 2006 VERÐ Í LAUSASÖLU 350 KR. MEÐ VSK.
UNNIÐ er að því að taka upp ákvæði
úr reglugerðum Evrópusambandsins
um merkingu matvæla, sem innihalda
erfðabreyttar lífverur og afurðir
þeirra, á Íslandi. „Þessari vinnu er
ekki lokið og að svo stöddu ekki hægt
að gefa upp nákvæmlega hvenær
þetta verður tekið upp í EES-samn-
inginn og þá í íslenskan rétt í fram-
haldinu en það gæti orðið innan árs,“
segir Sigríður Anna Þórðardóttir um-
hverfisráðherra.
Hún segir að það muni koma í hlut
framleiðanda eða innflytjanda að
merkja vörur, en ekki stjórnvalda.
„Eftir gildistöku þessara reglna hér á
landi mega erfðabreytt matvæli frá
Bandaríkjunum því aðeins vera á
markaði hér að þau séu merkt sem
slík,“ segir Sigríður Anna. „Innflytj-
endur matvæla frá Bandaríkjunum
verða þá annaðhvort að geta sýnt
fram á að matvælin séu ekki erfða-
breytt eða að þau séu leyfð á Evr-
ópska efnahagssvæðinu. Séu matvæli
erfðabreytt og fullnægi reglum verða
framleiðendur að sjá til þess að þau
séu merkt hvort sem varan kemur frá
Bandaríkjunum eða framleiðendum á
Evrópska efnahagssvæðinu.“
Engin lög gilda nú um merkingar á
erfðabreyttum matvælum og hafa Ís-
lendingar að öllum líkindum haft
erfðabreytt matvæli á borðum í ára-
tug. Jónína Þ. Stefánsdóttir, mat-
vælafræðingur og sérfræðingur Um-
hverfisstofnunar í erfðabreyttum
lífverum, segir að slík matvæli hafi
þurft að uppfylla ákvæði matvælalaga
og reglugerðir, sem settar hafi verið
út frá þeim: „Þau hafa því þurft að
uppfylla skilyrði til dæmis um mat-
vælaöryggi.“
Merking erfðabreyttra
matvæla brátt skylda
Hefði mest áhrif
á innflutning frá
Bandaríkjunum
 Eru erfðabreytt | 10–12
RÚM 44% landsmanna telja að fela eigi einkaað-
ilum ákveðna þætti í heilbrigðiskerfinu í meira
mæli en nú er gert. Þetta er meðal þess sem
fram kemur í könnun sem IMG Gallup hefur
gert fyrir Samtök verslunar og þjónustu.
Þátttakendur í könnuninni voru spurðir: Telur
þú að það ætti að fela einkaaðilum ákveðinn
hluta af þjónustu sem heilbrigðiskerfið veitir,
meira en gert er núna, minna en gert er núna
eða eins og nú er gert? Skv. upplýsingum frá
Samtökum verslunar og þjónustu vildu alls
44,2% þeirra sem svöruðu fela einkaaðilum
ákveðna þætti heilbrigðisþjónustunnar meira en
nú er gert, 15,6% sögðu að einkaaðilar ættu að
sjá um minna af þessari þjónustu en núna og
40,3% að verkaskiptingin ætti að vera óbreytt
áfram.
Mismunandi afstaða eftir búsetu
„Ekki var merkjanlegur munur á afstöðu karla
og kvenna til spurningarinnar, en hins vegar
kom fram marktækur munur á afstöðu fólks eftir
búsetu. Þannig vildu 40% svarenda í Reykjavík
fela einkaaðilum í ríkari mæli en nú er gert
ákveðna þjónustuþætti í heilbrigðiskerfinu. Í ná-
grannasveitarfélögum Reykjavíkur var stuðning-
ur við þetta sjónarmið hins vegar enn meiri því
þar töldu 53% að fela ætti einkaaðilum ákveðna
þjónustuþætti í heilbrigðiskerfinu í meira mæli
en nú er gert. Annars staðar á landinu, utan höf-
uðborgarsvæðisins, töldu 42% þeirra sem svör-
uðu að færa ætti verkefni í heilbrigðiskerfinu í
meira mæli en nú er til einkaaðila,“ segir í frétt
um niðurstöður könnunarinnar.
Könnunin fór fram í gegnum síma dagana 25.
janúar til 7. febrúar. Haft var samband við 1.300
manna úrtak sem valið var af handahófi úr þjóð-
skrá meðal einstaklinga á aldrinum 16–75 ára.
Svarhlutfallið var 61,6%.
44% vilja að einkaaðilar taki fleiri
verkefni í heilbrigðiskerfinu
DRAGNÓTABÁTURINN Steinunn
SH hefur að öllum líkindum sett
Íslandsmet dragnótabáta nú í
mars en alls landaði báturinn 520
tonnum. Veður hefur verið með
versta móti við Breiðafjörð síðasta
hálfan mánuð, og þegar þessi
mynd var tekin voru 24 metrar á
sekúndu, en Þór Kristmundsson
lætur það ekki á sig fá enda vanur
slíku pusi.
Stærsti róður Steinunnar í mars
var 45 tonn, en alls fór Steinunn í
23 róðra í mánuðinum. Aflaverð-
mætið var yfir 62 milljónir, sem
þykir mjög gott. Alls eru 8 menn í
áhöfn. Í fyrradag landaði Steinunn
17 tonnum sem fengust í fjórum
hölum. „Við tókum daginn bara
rólega,“ sagði Brynjar Krist-
mundsson skipstjóri, „þetta er orð-
ið flott í þessum mánuði, við náð-
um því sem við stefndum að, að fá
yfir 500 tonn, og það tókst.“
Morgunblaðið/Alfons
520 tonn í 23 róðrum í mars
ÞORGERÐUR Katrín Gunnars-
dóttir menntamálaráðherra ætlar
að beita sér fyrir því að styrkja
námsefnissjóði en
fagnefnd á vegum
menntamálaráðu-
neytisins vinnur
nú að endurskoð-
un og skipulagn-
ingu námsgagna-
gerðar. „Við erum
að skoða hvernig
hægt er að byggja
upp sjóði með
þeim hætti að
hægt sé að efla námsgagnagerð á
leik-, grunn- og framhaldsskóla-
stigi,“ segir menntamálaráðherra í
viðtali í Morgunblaðinu í dag.
„Einn hluti er auðvitað endur-
skipulagning á núverandi kerfi.
Annar hluti er að setja aukið fjár-
magn í þessa sjóði,“ segir Þorgerð-
ur Katrín. Hún segir að hún muni á
grundvelli tillagna nefndarinnar
setja fram regluverk, umhverfi og
umgjörð um námsgögn, sem verði
til þess að hér verði gott námsefni
en tekur jafnframt fram að ekki
megi skilja þetta sem svo að hér
ríki ófremdarástand. Staðan á Ís-
landi sé ekki verri en í nágranna-
löndum. | 20
Efla náms-
gagnagerð og
styrkja náms-
efnissjóði
Þorgerður Katrín
Gunnarsdóttir
LJÓSIR litir, kynþokki og rómantík
eru efniviður fatahönnuðanna í vor
og sumar. Snið frá sjöunda áratugn-
um ylja mörgum um hjartarætur;
geimöldin er byrjuð upp á nýtt. Mitt-
ið er í brennidepli sem aldrei fyrr,
buxur eru níðþröngar og kjólar með
víðu pilsi. Fleiri smáatriði eru rykk-
ingar, fellingar, plíseringar,
púffermar og síðast en ekki síst
slaufur. Þessi útlistun á við kventísk-
una. Hjá körlunum eru lykilorðin
tengd eyðimerkurfatnaði, ferðalög-
um og siglingum. Meðal þess sem er
í tísku hjá herrunum eru þröngar,
dökkar gallabuxur, áprentaðir bolir,
gamaldags strigaskór og flug-
mannsgleraugu. | TímaritMorgunblaðið/Kristinn
Vor- og
sumartískan
kynnt