Morgunblaðið - 27.05.2006, Blaðsíða 2

2 LAUGARDAGUR 27. MAÍ 2006 MORGUNBLAÐIÐ
FRÉTTIR
HAMAS GEFUR EFTIR
Ríkisstjórn Hamas-hreyfing-
arinnar í Palestínu skipaði í gær ör-
yggissveitum sínum á Gaza að draga
sig í hlé en oft hefur komið til átaka
milli þeirra og hinna eiginlegu ör-
yggissveita, sem heyra undir
Mahmoud Abbas, forseta landsins.
Deginum áður hafði Abbas hótað að
skjóta undir dóm þjóðarinnar til-
lögum um þjóðstjórn og um stofnun
palestínsks ríkis ef fylkingarnar
tvær, Hamas og Fatah, kæmu sér
ekki saman.
Björgólfsfeðgar kaupa
Félög í eigu feðganna Björgólfs
Guðmundssonar og Björgólfs Thors
Björgólfssonar keyptu í gær um-
talsverða hluti í nokkrum félögum á
hlutabréfamarkaðnum. Námu við-
skipti þeirra um 14–15 milljörðum
króna.
Kosningar í dag
16.501 nýr kjósandi fær nú að
kjósa í sveitarstjórnarkosningum
sem fara fram í dag, en alls er kosið
um 529 sveitarstjórnarsæti. Rúm-
lega 216 þúsund einstaklingar eru á
kjörskrá, en af þeim hafa 4.468 er-
lendir ríkisborgarar sem búsettir
eru hér á landi kosningarétt. Kjör-
staðir verða opnaðir klukkan níu en
lokað upp úr kl. 22. Alls eru 79 sveit-
arfélög í landinu og eru boðnir fram
listar í sextíu þeirra.
Viðurkenna mistök
Þeir George W. Bush Bandaríkja-
forseti og Tony Blair, forsætisráð-
herra Bretlands, viðurkenndu á
fréttamannafundi í fyrrakvöld, að
mistök hefðu átt sér stað í Írak en
lögðu áherslu á, að umheimurinn
yrði að styðja við bakið á nýrri rík-
isstjórn í landinu. Vöktu ummælin
athygli en Bush nefndi sérstaklega
Abu Ghraib-hneykslið er upp komst,
að bandarískir hermenn höfðu mis-
þyrmt og niðurlægt íraska fanga.
Y f i r l i t
Í dag
Sigmund 8 Bréf 50/51
Fréttaskýring 8 Kirkjustarf 62/63
Úr verinu 16 Minningar 64/70
Viðskipti 18 Myndasögur 76
Erlent 20/21 Dagbók 76/79
Minn staður 22 Víkverji 76
Akureyri 24 Velvakandi 77
Árborg 26 Staður og stund 78
Daglegt líf 28/34 Leikhús 80
Menning 36/37 Bíó 82/85
Umræðan 34/36 Ljósvakamiðlar 86
Menning 40/62 Staksteinar 87
Forystugrein 44 Veður 87
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 



 


 
 



  

 

  

 


 


 !

"
# 
$
% 
 
  


& 

 
 

'() *

 +,,,





 


 








 
 

  Voltaren Dolo® (díklófenak kalíum) 12,5 mg töflur. Notaðar við vægum eða frekar vægum verkjum, svo sem höfuðverk, tannpínu og tíðaþrautum.
Verkar einnig hitalækkandi. Dragi ekki úr einkennum á nokkrum dögum, skal leita til læknis. Þeir sem eru með eða hafa haft sögu um maga- eða
skeifugarnarsár eða skerta lifrarstarfsemi ættu að ráðfæra sig við lækni áður en lyfið er notað. Þeir sem þola ekki acetýlsalisýru, íbuprófen eða
önnur bólgueyðandi lyf eða eru með astma eiga ekki að nota Voltaren Dolo®. Notið lyfið ekki á meðgöngu nema í samráði við lækni, en aldrei á
síðasta þriðjungi meðgöngu. Leitið ráða læknis eða lyfjafræðings um milliverkanir við önnur lyf. Lesa skal vandlega leiðbeiningar á umbúðum og
fylgiseðli. Geymið þar sem börn hvorki ná til né sjá.
Voltaren Dolo
fljótvirkt, bólgueyðandi verkjalyf
MIKIÐ sandfok hefur verið víða á
Suðurlandi undanfarna daga, einkum
í Eldhrauni á Síðu þar sem mikill jök-
ulaur liggur yfir svæðinu og á svoköll-
uðu Hagavatnssvæði í Árnessýslu.
Sveinn Runólfsson landgræðslustjóri
segir að sandfok sé ekki óalgengt í
maí þegar þurrt sé í veðri, en ástandið
síðustu daga sé búið að vera sérstak-
lega slæmt.
„Síðari hluti maímánaðar er búinn
að vera gróðri ansi erfiður, eins og oft
vill verða hér á Suðurlandi. Það koma
oft þurrir norðaustan-vindstrengir
sem standa dögum saman.
Þessi svæði, sem eru gróðurlítil,
hafa afskaplega litla vörn við þessar
aðstæður. Oft á tíðum er þá snjóleysi,
jarðvegurinn hefur frosið og þiðnað á
víxl og síðan hefur hann molnað í
frostþenslum. Viðkvæmur jarðvegur
er þá berskjaldaður gegn áhrifum
sterkra, þurra vinda.“ Sveinn sagði að
ástandið væri búið að vera mjög
slæmt í Eldhrauni á Síðu í Skaftár-
hreppi og reyndar víða út frá Skaftá á
afréttum Skaftfelllinga.
Ekki eru margar vikur síðan hlaup
kom í Skaftá og Sveinn sagði að í
hlaupinu hefði komið óvenjulega mik-
ið af fíngerðum sandi, en minna af
jökulleðju. „Undanfarna daga hefur
verið mikið sandfok í Eldhrauninu.
Þarna er ein stórfenglegsta náttúru-
perla landsins, þ.e. hið mosavaxna
Eldhraun sem víða er nú orðið sandi
orpið.
Þar hefur verið veitt jökulvatni yfir
mosavaxin svæði sem nú eru orðin lítt
gróin og, undir áhrifum af þessum
jökulaur, spanna hundruð hektara.“
Sveinn sagði að Rangárvellirnir
hefðu hins vegar sloppið mun betur.
Ástæðan væri fyrst og fremst sú að
þar væri búið að vinna mikið upp-
græðslu- og landgræðslustarf á liðn-
um áratugum. Mikið sandfok hefði
verið með ströndinni, eins og á Land-
eyjasöndum, en sá sandur hefði fokið
á haf út og ekki valdið vandræðum á
gróðurlendum.
Sveinn sagði að það hefði hins veg-
ar verið talsvert mikið sandfok á heið-
um í vestanverðri Árnessýslu, á svo-
kölluðu Hagavatnssvæði suður og
suðvestur af Hagavatni við Langjök-
ul. „Þaðan kom gríðarlegt sandmagn
um daginn og blés yfir byggðirnar.
Þetta er svæði sem við ætlum að
horfa til í sumar og á næstu árum.
Landsnet leggur m.a. fram fjármuni
til upphafsaðgerða. Við viljum reyna
að stöðva helstu uppsprettur sand-
foksins á þessum slóðum.“
Sveinn sagði að að þetta veður
sýndi vel þann árangur sem búið væri
að ná í landgræðslu á Suðurlandi á
undanförnum áratugum, sérstaklega
á Rangárvöllum á mörkum afrétta og
byggða og einnig á Haukadalsheiði
þar sem mikið væri búið að vinna í að
hefta sandfok. „Ég man 40 – 50 ár aft-
ur í tímann og fullyrði að ef svona veð-
ur hefði komið hér á Rangárvöllum
upp úr 1960 hefði dimmt að degi,
þannig að menn hefðu þurft að notast
við ljós innan dyra. Mökkurinn hefði
oft verið verið slíkur, sérstaklega í
maí.“
Mikið sandfok á Suðurlandi
Eftir Egil Ólafsson
egol@mbl.is
Morgunblaðið/Jón Ragnar
„Ef svona veður hefði komið upp úr 1960 hefði dimmt að degi,“ segir Sveinn Runólfsson landgræðslustjóri.
ENGAN sakaði þegar eldur kom upp í íbúð á
fyrstu hæð fjölbýlishúss við Vesturgötu í Reykja-
vík í gærmorgun. Fimm voru hins vegar fluttir á
slysadeild vegna gruns um reykeitrun en í öllum
tilfellum var um minniháttar eitrun að ræða. Mikl-
ar skemmdir urðu á íbúðinni vegna elds og reyks.
Slökkviliði höfuðborgarsvæðisins barst tilkynn-
ing um eldinn um klukkan 5.30 í gærmorgun. Lög-
regluþjónar voru fyrstir á staðinn en þá voru íbúar
íbúðarinnar, tvær eldri konur, þegar komnir út.
Lögregluþjónarnir fóru þá inn á gang fjölbýlis-
hússins og tóku til við að reyna að vekja íbúa húss-
ins. Urðu þeir frá að hverfa þar sem reykurinn var
orðinn mjög þéttur. Árni Ómar Árnason, aðstoð-
arvarðstjóri hjá Slökkviliði höfuðborgarsvæðisins,
segir mikla mildi að konurnar í íbúðinni hafi kom-
ist út úr eldhafinu af sjálfsdáðum, en mikill hiti var
í húsinu og reykur. Íbúðir á efstu hæðunum stóðu
auðar en þrír þurftu að rýma íbúðir sínar. Voru
fimm manns fluttir á slysadeild Landspítala – há-
skólasjúkrahúss í Fossvogi vegna gruns um reyk-
eitrun í kjölfarið, þar af tveir lögregluþjónar.
Greiðlega gekk að slökkva eldinn, sem var að
mestu staðbundinn við stofu íbúðarinnar.
Eldsupptök ekki kunn
Ásgeir Halldórsson hefur að undanförnu dvalið
hjá móður sinni, Ragnhildi Árnadóttur, í íbúðinni
sem brann, en hann er búsettur erlendis. Hann
var staddur úti á landi þegar ósköpin dundu yfir
en var nýbúinn að kanna aðstæður eftir eldsvoð-
ann þegar Morgunblaðið náði af honum tali. Ás-
geir segir aðkomuna hafa verið afar ljóta.
„Íbúðin er nánast í rúst og það sem ekki brann
lyktar af reyk. Það er því óhætt að segja að tjónið
sé verulegt,“ segir Ásgeir sem þakkar fyrir að
engan skyldi saka í eldsvoðanum.
Samkvæmt upplýsingum frá lögreglunni í
Reykjavík liggja eldsupptök ekki fyrir en rann-
sókn málsins heldur áfram. Aðspurður hvort
möguleiki sé á að kveikt hafi verið í íbúðinni segir
Ásgeir að ekkert í þeim efnum sé útilokað. Íbúðin
sé á jarðhæð og aðgengi að henni því auðvelt.
Mildi að konurnar komust út
úr eldhafinu af sjálfsdáðum
Morgunblaðið/RAX
Ásgeir Halldórsson hefur undanfarið dvalið hjá
móður sinni í íbúðinni sem brann. Hann er bú-
settur erlendis en er í stuttri heimsókn hérlendis.
Eftir Andra Karl
andri@mbl.is
„ÉG OPNAÐI augun, vaknaði við hit-
ann á andlitinu og sá þá gardínurnar og
vegginn logandi,“ segir Ragnhildur
Árnadóttir, sem býr í íbúðinni á Vest-
urgötu sem brann í gærmorgun.
Það fyrsta sem kom upp í huga henn-
ar var að hlaupa fram á gang og ná í
slökkvitæki en hitinn var svo yfirþyrm-
andi að hún varð frá að hverfa. „Ég lét
mér detta í hug að reyna að minnka
eitthvað eldhafið og um leið kom systir
mín, sem býr við hliðina á mér, fram.
Ég bað hana að hringja á slökkviliðið
og reyndi að byrja að slökkva en varð
að hörfa,“ segir Ragnhildur sem komst
út úr húsi ásamt systur sinni og sluppu
þær með minniháttar reykeitrun.
„Þetta var dálítið ónotalegt, að vakna
við svona, ég get ekki neitað því.“
Ragnhildur segir lögreglu og
slökkvilið hafa komið ótrúlega fljótt á
staðinn og því er að þakka að ekki fór
verr. Hún segist jafnframt afar þakklát
fyrir viðbrögð fjölskyldu og vina. „Sem
betur fer á maður góða að sem tóku vel
á móti mér og vilja allt gera fyrir
mann.“
Vaknaði við hitann á andlitinu
„Þetta var dálítið ónotalegt, að
vakna við svona,“ sagði Ragn-
hildur Árnadóttir í gær.
Morgunblaðið/ÞÖK