Morgunblaðið - 27.05.2006, Blaðsíða 6

6 LAUGARDAGUR 27. MAÍ 2006 MORGUNBLAÐIÐ
FRÉTTIR
TRYGGINGAMIÐSTÖÐIN hefur til-
lkynnt að frá og með 1. júlí nk. muni
iðgjöld ökutækjatrygginga hækka
um 5%. Þar af nemur hækkun lög-
boðinna trygginga 4%.
Í tilkynningu frá TM segir að af-
koma af vátryggingarekstri í öku-
tækjatryggingum hafi versnað und-
anfarin ár og því þurfi félagið að
bregðast við. Ástæða versnandi af-
komu sé tvíþætt, annars vegar hafi
iðgjöld farið lækkandi og hins vegar
hafi tíðni bótaskyldra slysa og sér í
lagi munatjóna aukist verulega að
undanförnu, samfara auknum fjölda
ökutækja í umferð. Áhrif hækkunar
á iðgjöld meðalviðskiptavinar, sem
er með allar tryggingar sínar hjá
TM, eru sögð um 3%. Viðskiptavinir
félagsins í TM-Öryggi munu eftir
sem áður njóta hagstæðari kjara.
Iðgjöldin
hækka hjá TM
GEIRÞRÚÐUR
Alfreðsdóttir
hefur verið ráðin
flugrekstrar-
stjóri Landhelg-
isgæslunnar.
Hún hefur m.a.
gegnt starfi flug-
stjóra hjá
Icelandair, deild-
arstjóra flugöryggisdeildar Flug-
málastjórnar Íslands og verið for-
maður rannsóknarnefndar
flugslysa.
Geirþrúður er með MBA gráðu
frá Háskólanum í Reykjavík, C.S.
próf í vélaverkfræði frá Háskóla Ís-
lands og atvinnuflugmannspróf.
Auk þess hefur hún sótt fjölda nám-
skeiða í flugöryggismálum og flug-
slysarannsóknum.
Nýr flugrekstrar-
stjóri Landhelg-
isgæslunnar
NÝTT afl, stjórnmálaflokkur sem
stofnaður var skömmu fyrir síðustu
alþingiskosningar, ætlar að bjóða
fram í næstu kosningum, þrátt fyrir
að formaður flokksins hafi í gær lýst
yfir stuðningi við framboð Sjálfstæð-
isflokksins í Reykjavík.
Jón Magnússon, formaður Nýs
afls, segir að þar sem flokkurinn
bjóði ekki fram í þessum kosningum
hafi hann ákveðið að styðja við bakið
á gömlum samstarfsmanni, Vil-
hjálmi Þ. Vilhjálmssyni, oddvita
Sjálfstæðisflokksins. Það megi ekki
líta það þeim augum að hann ætli að
ganga til liðs við flokkinn á ný, hann
sé einfaldlega besti kosturinn miðað
við aðra sem í framboði séu í Reykja-
vík. Nýtt afl stefni að því af fullum
krafti að bjóða fram lista til næstu
alþingiskosninga.
Formaður Nýs
afls styður
Sjálfstæðisflokk
MEIRIHLUTI Sjálfstæðisflokks er
fallinn á Álftanesi, ef marka má nið-
urstöður skoðunakönnunar Fé-
lagsvísindastofnunar HÍ. Samkvæmt
henni fær Álftaneslistinn 53,2% fylgi
meðal þeirra sem afstöðu taka, en
Sjálfstæðisflokkurinn fær 46,8%
Verði þetta niðurstöður kosn-
ingana næði Álftaneslistinn manni
af Sjálfstæðisflokki, fengi fjóra bæj-
arfulltrúa gegn þrem fulltrúum
Sjálfstæðisflokks. Vikmörk í könn-
uninni eru þó 4,9% miðað við 95% ör-
yggismörk, svo í raun er ekki mark-
tækur munur á fylgi framboðanna.
Könnunin var unnin af Fé-
lagsvísindastofnun fyrir Bjarna
Berg Elfarsson, Betri byggð. Hringt
var í 600 íbúa á Álftanesi dagana
17.-18. maí, og var svarhlutfallið
60%. Um 8% sögðust ekki ætla að
kjósa, eða ætla að skila auðu, óá-
kveðnir voru um 10% og 7% neituðu
að gefa upp afstöðu. Um 45% af úr-
takinu tóku því afstöðu til spurning-
arinnar.
Álftaneslistinn
fengi fjóra fulltrúa
ÍSLANDSVINIR, nýstofnuð samtök
ungs fólks sem lætur sig íslenska
náttúru varða, standa fyrir göngu
niður Laugaveg í dag. Gangan hefst á
Hlemmi kl. 13.00 og verður gengið að
Austurvelli. Þekktir tónlistarmenn,
m.a. Sigur Rós, Gus
Gus, Leaves og fleiri,
taka þátt í göngunni. Á
Austurvelli verða síðan
tónleikar þar sem KK,
Hjálmar, Ellen Krist-
jánsdóttir, Flís, Bogo-
mil Font og Steindór
Andersen koma fram.
Einnig verða flutt
ávörp. Fulltrúar unga
fólksins hafa boðið
Halldóri Ásgrímssyni,
forsætisráðherra, að
taka við áskorun í lok
tónleikanna kl. 15.30.
Andrea Ólafsdóttir,
einn af forsvarsmönn-
um Íslandsvina, sagði að
um tugur ungmenna hefði skipulagt
gönguna í nafni Íslandsvina. Gangan
væri fyrsti viðburðurinn í nafni sam-
takanna. Í sumar mun hópurinn setja
upp tjaldbúðir á Kárahnjúkasvæðinu
til að auðvelda almenningi að sjá
svæðið í síðasta sinn áður en það fer
undir Hálslón. Þá má vænta fleiri við-
burða í nafni Íslandsvina í framtíð-
inni.
„Ég er ný í baráttunni og hef ekki
áður verið í náttúruverndarsamtök-
um,“ sagði Andrea. „Ég vaknaði til
lífsins og áttaði mig á því að nú er
mikið að gerast. Risastórt landsvæði,
á stærð við allt höfuðborgarsvæðið,
er að fara undir vatn
vegna raforku til er-
lendrar stóriðju. Að
mínu mati höfum við
ekki mikið við það að
gera.“
Að sögn Andreu er
stefnt að því að Íslands-
vinir verði félagasam-
tök. Samtökin eiga
heimasíðu þar sem m.a.
er hægt að nálgast
bæklinginn Vissir þú? Í
honum eru birtar 35
staðreyndir um stór-
iðjuframkvæmdir og
áhrif þeirra á náttúru og
samfélag. „Við reynum
að vekja fólk til umhugs-
unar um hve mikið er í húfi. Margir
átta sig ekki á því hve margar af nátt-
úruperlum okkar á að leggja í þessa
stóriðju,“ sagði Andrea. „Við Íslands-
vinir vonum að aðrir Íslandsvinir
mæti þúsundum saman í gönguna og
á tónleikana.“
Íslandsvinir með
göngu og tónleika
TENGLAR
..............................................
www.islandsvinir.org
Andrea Ólafsdóttir
HARALDUR Magnússon, bóndi í Belgsholti í Leir-
ársveit í Borgarfirði, segir að skafrenningur hafi
verið á kornökrum hjá sér í vikunni þegar þurr
mold fauk undan hvössum norðanvindum. Hann
segist reikna með að talsvert tjón hafi orðið á ökr-
unum vegna þess.
Haraldur sáði korni í vor í rúmlega 60 hektara.
Hann hefur oft sáð í sandakra, en segir að því fylgi
áhætta því að fok á vorin, áður en fræið kemur upp,
geti spillt uppskeru. „Það hafa stundum komið
svona norðanskot og skemmt þetta stórlega. Ég
veðjaði meira á mýrarstykki núna. Svo gerðist það í
vikunni að það var bókstaflega skafrenningur á
sumum stykkjunum. Það skóf yfir veginn og það
var því eins og að keyra í gegn um skafbyl. Fínasta
rykið er í skurðunum. Þetta var allt orðið svo þurrt
og svo fór vindur hér upp í 30 metra. Við erum hér
rétt handan við Hafnarfjallið og þar er stundum
sterkur strengur,“ sagði Haraldur.
Haraldur var í vor að taka í notkun nýjan mjalta-
þjón og fékk menn frá útlöndum til að stilla hann.
Þetta varð til þess að sáning tafðist. Lítið af fræinu
var því komið upp þegar norðanáttin skall á.
Í Belgsholti er veðurathugunarstöð. Þar hefur
ekkert rignt í marga daga, en í gær gerði þó kær-
komna dembu. Fram að þeim tíma hafði aðeins
rignt 13 millimetra í Belgsholti í maí. Það er raunar
svipað og í maí í fyrra, en þá nýttist rigningin að
ýmsu leyti betur en í vor.
Haraldur ber sig hins vegar vel og segir að land-
búnaður sé að nokkru leyti happdrætti. Maður geti
verið heppinn eða óheppinn með veður og sama eigi
við um skepnuhald.
„Skafrenningur“ á ökrum
Eftir Egil Ólafsson
egol@mbl.is
NÝIR eigendur taka í dag við rekstri
Pétursbúðar, sem hefur staðið við
Ránargötuna síðan 1928. Hjónin
Björk Leifsdóttir og Baldvin Agn-
arsson keyptu nýlega þessa rótgrónu
kjörbúð af Ragnheiði Elínu Ragn-
arsdóttur, sem tók á sínum tíma við
rekstrinum af Pétri Emilssyni, sem
búðin er nefnd eftir í dag.
Ragnheiður segir gaman að reka
kjörbúð, en það sé mikil vinna og
langur afgreiðslutími. „En hverfið er
alveg æðislegt og það er toppurinn að
vinna í því. Fólkið er yndislegt og allir
svo jákvæðir,“ segir Ragnheiður, sem
mun verða hinum nýju eigendum inn-
an handar fyrstu mánuðina. „Þetta er
sómafólk sem er að taka við rekstr-
inum. Ég kom inn í búðina ein á sín-
um tíma, en ég held það sé miklu
betra að það séu samhent hjón sem
vinna við þetta.“
Samhent hjón
„Við vildum bara breyta til og
prófa eitthvað nýtt,“ segir Björk, sem
kveðst hvergi bangin við samkeppni
frá stórmörkuðum eða stærri búðum,
enda sé það ætlunin að viðhalda sér-
stöðu búðarinnar. Þannig verði
áherslan áfram lögð á persónulega
þjónustu við viðskiptavini búð-
arinnar. Undir þetta tekur Baldvin,
sem kveður ríka hefð fyrir slíkri þjón-
ustu hjá Pétursbúð, t.d. heimsending-
um til eldri viðskiptavina og fleira.
Hjónin eru að eigin sögn samhent
og hafa ráðist í ýmis verkefni saman
og hafa þau gengið áfallalaust. „Við
könnumst við hana Ragnheiði og hún
bauð okkur búðina til kaups,“ segir
Baldvin, sem er fyrrverandi sjómað-
ur, en hefur verið í landi í fimm ár.
„Þetta var líka kjörið tækifæri fyrir
okkur hjónin að skapa okkar eigin at-
vinnu. Ég hef trú á því að þetta eigi
eftir að gera okkur gott og við eigum
eftir að kynnast fólkinu í hverfinu og
vegna vel. Við vonum bara að það taki
vel á móti okkur.“
Kaffi og konfekt í dag
Það er vinna að reka kjörbúð og
mikil viðvera. Björk mun standa
vaktina á daginn og mörg kvöld, en
Baldvin hyggst halda áfram í sinni
dagvinnu en koma til aðstoðar á
kvöldin og um helgar. „Svo fáum við
starfskraft til að fylla í þau skörð sem
verða í deginum,“ segir Baldvin.
„Fólk sem þekkir til Bjarkar segir
þetta akkúrat fyrir hana, enda er hún
svo mannblendin og hefur svo gaman
af því að tala við fólk og kynnast því.“
Björk tekur hlæjandi undir þetta,
enda sé hún mikil félagsvera. „Það er
víst alltaf mikið fólk í kringum mig,“
segir Björk sem kveðst hlakka til að
taka við hinu rótgróna starfi kaup-
mannsins á horninu, sem sé síður en
svo deyjandi stétt.
Viðskiptavinir Pétursbúðar eru
boðnir velkomnir í dag, þegar hjónin
taka við rekstrinum, en þau munu
bjóða gestum og gangandi upp á kaffi
og konfekt.
Nýir kaupmenn á horninu í Pétursbúð á Ránargötunni
Hlakka til
að starfa í
vestur-
bænum
Morgunblaðið/Eggert
Björk og Baldvin fyrir framan Pétursbúð. Þau segjast hlakka til að kynnast Vesturbæingum.
Eftir Svavar Knút Kristinsson
svavar@mbl.is