Morgunblaðið - 17.06.2006, Qupperneq 4

4 LAUGARDAGUR 17. JÚNÍ 2006 MORGUNBLAÐIÐ
FRÉTTIR
„ÉG vakna við reykinn og fer að at-
huga hvað sé að gerast og þá var
kviknað í,“ segir Guðrún Guðmunds-
dóttir, ábúandi á Hólmaseli í Gaul-
verjabæjarhreppi, sem vaknaði við
það í fyrrakvöld að íbúðarhúsið var
alelda. „Ég reyni að komast út um
gluggann á svefnherberginu en get
ekki opnað hann nægilega né brotið
hann svo ég sting hausnum út til
þess að anda og kalla á hjálp. Þá
komu nágrannarnir að, brutu
gluggann og hjálpuðu mér út.“
Guðrún var farin að hósta ansi
mikið á þeirri stundu og fékk súrefni
í sjúkrabíl þegar hann kom að.
Henni bauðst að leggjast inn á
sjúkrahús en taldi sig ekki það
slæma að hún þyrfti þess.
Mikill eldur var í húsinu og er það
gerónýtt. „Það er allt farið. Ég átti
páfagauka og hamstur sem fórust í
eldinum og það þykir mér sárt en
hundurinn vildi ekki vera inni í nótt
þannig að hann slapp. Það fer eftir
veðri hvort hann vill vera inni eða
ekki á næturnar og miðað við hvern-
ig veðrið var þetta kvöld þá hefði
hann átt að vilja vera inni en hann
hefur kannski fundið eitthvað á sér.“
Guðrún er einstæð móðir og segir
hún það mikla heppni að sonur henn-
ar skyldi fara óvænt til föður síns á
fimmtudaginn. „Hann átti annars
ekki að fara til hans fyrr en í dag
[föstudag]. Ég veit ekki hvernig
hefði farið fyrir honum, ef hann hefði
verið heima, því hann sefur uppi í
koju og ég hefði ekki komist til hans
vegna elds.“
Hólmasel er þríbýli og búa móðir
Guðrúnar og systir þar sín í hvoru
húsinu. Hvorug þeirra vaknaði við
eldinn. „Ég mun búa hjá mömmu
núna til að byrja með og svo fer ég að
líta í kringum mig, annars hef ég
ekki hugsað út í það á þessari stundu
hvað ég geri.“
Guðrún er ánægð með þjónustu
slökkviliðsins sem kom fljótt á vett-
vang. Ekkert liggur enn fyrir um
eldsupptök.
Nágrannarnir opnuðu leiðina út
Ljósmynd/Guðmundur Karl
Guðrún gat ekki opnað gluggann nægilega né brotið hann svo hún stakk höfðinu út til að anda og kalla á hjálp.
Bjargað út um glugga í eldsvoða á Hólmaseli í Gaulverjabæjarhreppi
Eftir Ingveldi Geirsdóttur
ingveldur@mbl.is
Búlgörsk þjóðlög
í Menningarveislu
Sólheima
MENNINGARVEISLA Sólheima er
í fullum gangi og undanfarna tvo
laugardaga hafa farið þar fram vel
sóttir tónleikar. Veislan stendur yf-
ir til 7. ágúst nk. en um hverja helgi
koma fram listamenn og spila í Sól-
heimakirkju.
Á morgun verður hægt að hlýða á
búlgörsk þjóðlög í flutningi þeirra
Gests og Páls, sem voru samnem-
endur í tónsmíðum í Listaháskóla
Íslands. Auk þess eru opnar sýn-
ingar á svæði Sólheima, s.s. í Ingu-
stofu þar sem m.a. eru sýnd óhefð-
bundin hljóðfæri sem unnin eru úr
tré af Lárusi Sigurðssyni. Einnig er
hægt að skoða ljósmyndasýningu
þar sem getur að líta afrakstur íbúa
Sólheima, en tuttugu einnota
myndavélum var dreift til þeirra.
Að sögn sr. Birgis Thomsen, sem
er umsjónarmaður sýningarinnar,
hefur veislan gengið afar vel og
voru m.a. á annað hundrað manns á
opnuninni laugardaginn 3. júní.
Birgir segir menningarveisluna
opna öllum og enginn sé aðgangs-
eyririnn. Búlgörsku þjóðlögin fara
svo að heyrast í kirkjunni um kl.
13.30.
Nýr aðstoðarmað-
ur borgarstjóra
JÓN Kristinn
Snæhólm hefur
verið ráðinn að-
stoðarmaður Vil-
hjálms Þ. Vil-
hjálmssonar
borgarstjóra.
Á vef Reykja-
víkurborgar
kemur fram að
Jón Kristinn hafi
starfað sem
verkefnisstjóri hjá Umhyggju, fé-
lagi til stuðnings langveikum börn-
um. Jón var í kosningastjórn Vil-
hjálms í prófkjöri Sjálfstæðis-
flokksins sl. vetur.
Jón Kristinn
Snæhólm
FULLTRÚAR Íslandsvina, Alcoa-
Fjarðaáls, Bechtel, Landsnets,
Landsvirkjunar og sýslumannsins
og lögreglunnar á Seyðisfirði fund-
uðu á Hótel Sögu í gær. Tilefni fund-
arins voru fyrirhugaðir „Friðsam-
legir fjölskyldudagar“ Íslandsvina
sem haldnir verða undir Snæfelli við
Kárahnjúka dagana 21. til 31. júlí nk.
Að sögn Helenu Stefánsdóttur Ís-
landsvinar gekk fundurinn afar vel
en tilgangur hans var að reyna að
greiða fyrir samskiptum hagsmuna-
aðila. „Við vorum sammála um að
vera ósammála,“ segir Helena og
hlær við. „En það er afar mikilvægt
fyrir okkur, sem erum að standa að
fjölskyldudögunum, að vera í sam-
skiptum við t.a.m. lögregluna og að
hún sé með okkur í liði.“
Helena segir það afar mikilvægt
að andstæðingar stóriðju fái viðhorf
sín viðurkennd og það hafi allir verið
sammála um það á fundinum.
Hver að verða síðastur
Tilefnið með fjölskyldudögunum
er að skapa vettvang fyrir þá sem
vilja sýna hug sinn varðandi stíflu-
framkvæmdir Landsvirkjunar á
Kárahnjúkum á friðsamlegan hátt.
Hefst dagskráin með dagsferð um
svæðið sem fer undir vatn ef Hálslón
verður fyllt en einnig verða þar ýmis
umhverfis- og náttúruverndarsam-
tök með aðstöðu í upplýsingatjaldi
og geta gestir kynnt sér áhrif stór-
iðju á samfélag og umhverfi. Ýmsir
góðir gestir, bæði tónlistarmenn og
fræðimenn, munu auk þess heiðra
fólk með nærveru sinni meðan á dög-
unum stendur. Í tilkynningu frá Ís-
landsvinum segir að enginn Íslands-
vinur ætti að missa af þeirri
stórkostlegu upplifun að berja þess-
ar náttúruperlur augum, ekki síst
þar sem hver fari að verða síðastur
til þess.
Ræddu framkvæmd
mótmæla við Kárahnjúka
Morgunblaðið/ÞÖK
Fundur Íslandsvina með þeim sem tengjast Kárahnjúkavirkjun í gær fór
fram á kurteislegum nótum. Menn voru sammála um að vera ósammála.
GEIR H. Haarde
forsætisráðherra
hefur veitt Jóni
Sigurðssyni
launalaust leyfi
frá störfum sem
bankastjóri
Seðlabanka Ís-
lands frá og með
15. júní til 31.
ágúst. Ingimund-
ur Friðriksson, aðstoðarbankastjóri
Seðlabankans, hefur tekið við stöðu
Jóns í bankastjórn á sama tímabili.
Athygli vekur að Jón skuli ekki
láta af störfum hjá Seðlabankanum
formlega en í samtali við Morgun-
blaðið sagði hann þetta vera eðli-
lega atburðarás á meðan menn
ræddu launakjör og annað slíkt og
hugðist hann ekki fara aftur í
Seðlabankann í lok sumars. Að-
spurður um hvort að hann hygðist
fara í framboð fyrir Framsóknar-
flokkinn í næstu kosningum sagði
Jón ekki sitt að svara því heldur fé-
lagsmanna og að hugur þeirra
kæmi í ljós fyrir kosningar.
Jón Sigurðsson í
launalausu leyfi
frá Seðlabanka
Jón Sigurðsson
Getur verið að þú sért með ofnæmi?
Það er engin ástæða til að láta sér líða illa á besta tíma ársins.
Komdu og fáðu ráðgjöf hjá okkur.
Við hlustum!
Lóritín og Histasín
fást án lyfseðils
Byrjar þú að hnerra um leið og allt fer
að lifna við á vorin?
Þannig er um marga án þess að þeir átti sig á
því að um ofnæmi geti verið að ræða.
Lóritín 10 mg töflur. Hver tafla inniheldur
10 mg Loratadin. Notkunarsvið: Lóritín
inniheldur virka efnið lóratadín sem hefur
kröftuga og langvarandi verkun við
algengustu tegundum ofnæmis. Lyfið er
ætlað við frjókorna- og dýraofnæmi, sem
og ofnæmi af völdum rykmaura.
Varúðarreglur: Gæta þarf sérstakrar
varúðar hjá börnum með alvarlega nýrna-
og lifrarsjúkdóma. Sjúklingar með skerta
lifrarstarfsemi þurfa minni skammta.
Aukaverkanir: Lóritín þolist yfirleitt vel en
algengustu aukaverkanirnar eru
munnþurrkur og höfuðverkur. Svimi getur
einnig komið fyrir. Skömmtun: Ein tafla af
Lóritíni er tekin daglega. Börnum 2–14 ára
sem eru undir 30 kg að þyngd nægir hálf
tafla á dag. Lyfið er ekki ætlað börnum
yngri en 2ja ára. Lesið vandlega
leiðbeiningar sem fylgja lyfinu. 13.07.04
Histasín 10 mg töflur. Hver tafla
inniheldur 10 mg Cetirizín. Notkunarsvið:
Histasín er ofnæmislyf. Histasín virkar
gegn öllum algengustu tegundum
ofnæmis, svo sem frjóofnæmi og
rykofnæmi. Histasín er líka notað við
ofnæmisbólgum í nefi og
ofnæmiseinkennum eins og útbrotum og
kláða. Varúðarreglur: Lyfið getur dregið úr
viðbragðsflýti og skal það haft í huga við
akstur og nákvæmnisvinnu. Aukaverkanir:
Einstaka sinnum veldur lyfið munnþurrki
og syfju. Skömmtun: 1 tafla á dag fyrir
fullorðna og börn frá 12 ára aldri. Börnum
6–12 ára sem eru undir 30 kg að þyngd
nægir hálf tafla á dag. Lyfið er ekki ætlað
börnum yngri en 6 ára. Lesið vandlega
leiðbeiningar sem fylgja lyfinu. 13.07.04
20 % afsláttur
dagana 16 - 20 júní
HINN 19. júní árið 1915 fengu
konur kosningarétt. Af því tilefni
ætla ýmis samtök um jafnrétti
kynjanna að mála bæinn bleikan
hinn 19. júní næstkomandi. Eru
allir sem vilja sýna stuðning við
jafnrétti í verki hvattir til að gera
eitthvað bleikt þennan dag en það
má útfæra með ýmsu móti, svo
sem að klæðast bleiku eða bera
eitthvað bleikt, flagga bleiku, setja
bleika útstillingu í glugga eða búa
til bleikan drykk.
Dagskrá í tilefni hátíðahalda
verður fjölbreytt. Kl. 15.30 heldur
Anja Andersen stjarneðlisfræð-
ingur fyrirlestur í hátíðarsal að-
albyggingar HÍ sem hún kallar
„Dularfullt hvarf kvenna úr vís-
indum – hvert hafa allar ungu
konurnar farið?“ Klukkan16.45
verður safnast saman við aðal-
byggingu HÍ og haldið í göngu í
Kvosina undir leiðsögn Kristínar
Ástgeirsdóttur í boði Kvenna-
sögusafns Íslands. Dagskrá á Hall-
veigarstöðum hefst kl. 18 og kl.
20.30 Kvennamessa við þvotta-
laugarnar í Laugardal. Um kl. 20
hefjast bleikir tónleikar Ungliða-
hóps Femínistafélagsins á Barn-
um, Laugavegi 22.
Þá verður tímaritinu 19. júní
dreift frítt og bleik armbönd UNI-
FEM verða til sölu á völdum út-
sölustöðum.
Hvetja alla til
að nota bleika
litinn 19. júní