Morgunblaðið - 17.06.2006, Blaðsíða 57

MORGUNBLAÐIÐ LAUGARDAGUR 17. JÚNÍ 2006 57
DAGBÓK
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Hverjir bjuggu
í skálanum? thorhallur.heimisson@kirkjan.is
• Samskipti hjóna.
• Leiðir til að styrkja hjónabandið.
• Orsakir sambúðarerfiðleika.
• Leiðir út úr vítahring deilna og átaka.
• Ástina, kynlífið, hamingjuna og börnin.
Á námskeiðunum er m.a. fjallað um:
Leiðbeinandi á námskeiðinu er
sr. Þórhallur Heimisson
Upplýsingar og skráning á
Skráning stendur yfir
á sumarnámskeið
um hjónaband og sambúð
í Hafnarfjarðarkirkju
Sr. Þórhallur
Heimisson
Framtíðarlandið – félag áhugafólks umframtíð Íslands – verður stofnað í dag,17. júní. Stofnfundur félagsins verðurhaldinn í Austurbæ, Snorrabraut 37, og
hefst kl. 12.
„Við munum þar koma saman, hópur fólks úr
öllum stigum þjóðfélagsins, og stofna formlega
þetta félag. Um er að ræða fjölbreyttan og þver-
pólitískan hóp fólks sem á það sameiginlegt að
þykja vænt um Ísland, og langar að búa hér, en
finnst að sama skapi komið nóg af röngum ákvörð-
unum stjórnvalda. Við hyggjumst knýja fram
breytingu, standa saman og styðja stjórnvöld til
góðra verka,“ segir Birkir Björnsson, einn skipu-
leggjenda fundarins í dag.
„Við höfum fengið nóg af fátæklegum hug-
myndum um atvinnulífið, og hvernig búið er að
leiða íslenskan efnahag allan í eina átt. Við erum
komin með nóg af því að vera ekki treyst til að
gera hlutina sjálf,“ segir Birkir. „Félagið mun
skoða í heild þá þætti er lúta að sjálfbærri þróun,
umhverfi og félagsleg gildi.“
Flutt verða stutt erindi og tónlistaratriði fyrir
fundargesti. Ósk Vilhjálmsdóttir flytur erindið
„Frjó hugsun er hreyfiafl“. Dr. Þóra Ellen Þór-
hallsdóttir prófessor í grasafræði flytur erindið
„Pennastrik eilífðarinnar“ og Reynir Harðarson,
deildarstjóri hjá CCP, flytur erindi sitt „Fram-
tíðin er núna“. Leikkonurnar María Ellingsen og
Margrét Vilhjálmsdóttir kynna dagskrána.
Birkir vonar að sem flestir sjái sér fært að
mæta á fundinn: „Við munum síðan nota sumarið
til að skipuleggja starfið, móta stefnu þess og
mynda vinnuhópa, þankateymi, sem vinna að
ákveðnum málefnum, s.s. náttúruvernd, sam-
félagi, velferðarmálum, og efnahagsmálum. Þann-
ig geta áhugasamir fundið farveg sínum skoð-
unum fyrir þau mál sem þeir leggja mesta áherslu
á. Í haust höldum við stórt haustþing þar sem aus-
ið verður úr viskubrunnum.“
Birkir leggur áherslu á að mánuðirnir fram-
undan muni reynast afdrifaríkir fyrir framtíð
landsins: „Ísland er hreinlega á teikniborðinu á
næsta ári, verið að mæla landið upp og tengja við
það voltmæli. Við vonumst til að þetta framtak
okkar verði til þess að gott fólk leggist á eitt við að
hjálpa stjórnendum að gera rétt. Því miður hugsa
ráðamenn þjóðfélagsins iðulega fullþröngt, og er
skemmst að minnast þingmannsins sem fullyrti í
ræðustól á Alþingi í upphafi 8. áratugarins að
hvalaskoðun væri uppátæki sem aldrei myndi
njóta vinsælda,“ segir Birkir.
„Við viljum virkja það jákvæða fólk sem vill
gera Ísland að mannvænu, vistvænu, skapandi og
skemmtilegu landi. Framtíðarlandið er vettvang-
ur þeirra sem efast um að framtíðaráform stjórn-
valda séu þjóðinni fyrir bestu. Með samtakamætti
má hafa raunveruleg áhrif og stuðla að því að
sveigt verði af rangri braut.“
Stjórnmál | Stofnfundur Framtíðarlandsins, félags áhugafólks um framtíð Íslands, í Austurbæ
Mótum framtíð Íslands á betri veg
 Birkir Björnsson
fæddist í Reykjavík
1975. Hann lauk stúd-
entsprófi frá Mennta-
skólanum við Sund
1996 og leggur stund á
tölvunarfræði við HR.
Hann hefur auk þess
sótt ýmis sérfræði-
námskeið á sviði forrit-
unar. Birkir stýrði Int-
ernetþjónustu Nýherja,
síðar Titan, starfaði sem gagnagrunns-
sérfræðingur hjá Teymi (Oracle á Íslandi)
2003–2005 og frá 2005 sem gagnagrunns-
sérfræð. hjá Miracle Iceland.
Birkir er kvæntur Lindu Björk Ingimars-
dóttur kennara og eiga þau einn son.
Góð þjónusta í
Vinnufatabúðinni
ÉG fór í fyrirtæki um daginn sem
heitir Vinnfatabúðin við Laugaveg.
Ég þurfti að fá mér föt eins og svo
margir aðrir. Ég velti því fyrir mér
hvort ég þyrfti ekki að fara á sauma-
stofu til að láta stytta og breyta bux-
um sem ég var að kaupa, en þá sagði
Margrét, sem er þarna afgreiðslu-
stúlka: Nei, við sjáum um alla þjón-
ustu á fötum hér, þú þarf bara að
koma og sækja þau. Ég var með bíl
þarna beint á móti á stöðumæli og
hún sá að ég var orðinn áhyggju-
fullur yfir því og rétti hún mér þá 50
kr. og sagði mér að láta í stöðumæl-
inn og miðann í bílinn og koma aftur
og slaka á hjá þeim. Þetta er fram-
úrskarandi þjónusta og eiga þau
hrós skilið.
Hafliði Helgason.
Líkingamál er fagurt
en vandmeðfarið
ÖMURLEGT er að heyra málfar
sumra fréttamanna ríkisútvarpsins.
Ekki eru þeir barnanna bestir, sem
heita fornnorrænum mannanöfnum.
Óðinn, sá sem heitir nafni alföður, er
ekki barnanna bestur. Hann talar
um að „draga lappirnar í viðræðum“.
Í fyrsta lagi ganga menn á fótum og
eiga fótum fjör að launa, en flýja
ekki á löppum. Auk þess fara við-
ræður ekki fram á gönguför heldur
við fundarborð og þar tefja menn
mál með þrasi og málalengingum, en
rökræða einnig af viti og þekkingu.
Líkingamál er fagurt en vand-
meðfarið.
Pétur Pétursson, þulur.
Hver þekkir Marinó?
SONY stafræn myndavél fannst í
Nauthólsvík í maí. Í vélinni var þessi
mynd. Þeir sem kannast við að eiga
vélina eru beðnir að hafa samband í
síma 569 1324.
Keyrsla
HR. skipstjóri Kristján Guðmunds-
son hefir hér á síðum blaðsins gagn-
rýnt nýútkomna siglingahandbók.
Það er alveg rétt hjá Kristjáni að
svona bækur verða að vera vel skilj-
anlegar og allir verða að leggjast á
árar við að viðhalda okkar merkilega
tungumáli. Vandasamt verk er að ís-
lenska svona efni eins og alþjóða
siglingareglur.
Halldór heitinn Dungal hefði ráðið
við þetta, en dýrt að gera út miðil til
að spyrja Halldór um það sem betur
mætti fara. Nú hafa þrír „Offíserar“
mótmælt málflutningi Kristjáns og
hafa nokkuð til síns máls. Eitt verð
ég þó að taka undir með þeim, en
það er keyrslan á gufukatlinum.
Einfaldast hefði verið að nota orðið
kynda, en þar sem hitaveita er orðin
útbreidd er ekki víst að það skiljist
nógu vel. Katla er vel hægt að keyra,
gamaldags eimreiðar eins og not-
aðar voru við hafnargerð í Reykjavík
eru bara katlar á hjólum. Vitamála-
skrifstofan átti heljarmikinn gufu-
ketil á hjólum, sá stóð upp á endann
og var með bómu sem notuð var til
að hífa grjót. Það er spurning hvort
stórir kranar, sem eru að vinna nið-
ur við sjó, eigi ekki að vera með sér-
stök einkennisljós svo ekki sé villst á
þeim og skipum.
Gestur Gunnarsson.
Armbandsúr týndist
MIÐVIKUDAGSKVÖLDIÐ 7. júní
týndist arbandsúr á Sunnuvegi í
Reykjavík einhverstaðar á milli
húsana númer 1 til 27. Skilvís finn-
andi vinsamlegast hringi í Lilju í
síma 820 2845.
Emil er týndur í Kópavogi
EMIL er 3 ára
smávaxinn svart-
ur og hvítur geld-
ur fress. Hann
hvarf frá heimili
sínu að Tungu-
heiði í Kópavogi
4. júní s.l. Emil
var nýbúinn að týna ólinni sinni, en
hann er eyrnamerktur 1260. Emils
er sárt saknað og biðjum við þá sem
kunna að hafa orðið varir við hann
að hafa samband í síma 554 5462,
694 1116 eða 517 4511. Þess má geta
að hann er oft á varðbergi gagnvart
ókunnugum. Hægt er að lokka hann
með harðfisk!
Velvakandi
Svarað í síma 5691100 frá 10–12
og 13–15 | velvakandi@mbl.is
Árnaðheilla
ritstjorn@mbl.is
90 ÁRA afmæli. Í dag, 17. júní, erníræð Lára Gunnarsdóttir,
fóstra og fyrrv. forstöðukona. Lára
mun vera elsti núlifandi leikskólakenn-
ari á landinu. Hún ver deginum með
fjölskyldu sinni.
90 ÁRA afmæli. Svanhvít Ólafs-dóttir, hjúkrunarheimilinu
Sóltúni, Sóltúni 2, Reykjavík, verður
90 ára mánudaginn 19. júní nk. Svan-
hvít bjó lengst af á Suðureyri við Súg-
andafjörð og var gift Páli Friðberts-
syni útgerðarmanni. Eftir að hún
fluttist til Reykjavíkur bjó hún í Mið-
leiti 7. Hún ætlar að fagna þessum
tímamótum með opnu húsi sunnudag-
inn 18. júní í samkomusalnum í Sóltúni
kl. 16–18. Svanhvít hlakkar til að sjá
sem flesta vini og vandamenn á þess-
um tímamótum og samfagna með sér.
70 ÁRA afmæli. Á morgun, sunnu-daginn 18. júní, er sjötugur
Sævar Magnússon, fyrrverandi garð-
yrkjubóndi, Seljavegi 11, Selfossi.
Eiginkona hans er Karítas Óskars-
dóttir. Þau verða að heiman á afmælis-
daginn.
Háskólaútgáfan
hefur gefið út
bókina Littera-
ture and Visual
Culture í ritstjórn
Dagnýjar Krist-
jánsdóttur. Um er
að ræða safnrit
þar sem bók-
menntir og sjón-
menntir eru skoðaðar frá ýmsum
mismunandi sjónarhornum. Þannig
er bókinni ætlað að veita hjálp í leit-
inni að nýjum skilningi á samspili og
samruna myndar og texta í nútíman-
um, bæði á hefðbundinn og nýjan
hátt.
Bókin er 437 blaðsíður.
Nýjar bækur