Morgunblaðið - 23.07.2006, Blaðsíða 46

46 SUNNUDAGUR 23. JÚLÍ 2006 MORGUNBLAÐIÐ
NÝR þrettán laga diskur kom út í
vikunni og má vænta þess að honum
verði dreift í verslanir borgarinnar á
næstu dögum. Hljómsveitin Dr.
Mister & Mr. Handsome stendur á
bakvið diskinn. Þetta er fyrsti diskur
hljómsveitarinnar, sem hefur vakið
nokkra athygli að undanförnu, og
ber platan heitið Dirty Slutty
Hooker Money.
Kjölfestan í Dr. Mister & Mr.
Handsome eru þeir Ívar Örn Kol-
beinsson (Dr. Mister) og Guðni Rún-
ar Gunnarsson (Mr. Handsome).
Með þeim spila Egill Tómasson gít-
arleikari (sem kallar sig Snake á
plötunni) og Pétur Jökull Jónasson
hljómborðsleikari (Gentleman). Á
plötunni fá þeir einnig til liðs við sig
nokkra þekkta tónlistarmenn, t.d.
Svölu Björgvinsdóttur og Þröst og
Krumma úr Mínus.
Að sögn Ívars hefur hljómsveitin
alltaf leikið frumsamda danstónlist,
en hún var stofnuð í nóvember árið
2004. Á Dirty Slutty Hooker Money
er talsvert mikið talað um krafta-
verkalyfið hans Sigmunds Freud,
kókaín, og auk þess mikið um kven-
fyrirlitningu eins og titillinn vísar til.
Ívar tekur það hins vegar fram að
um sé að ræða svartan húmor.
„Hljómsveitin varð til þannig að ég
bjó til ákveðinn karakter, Dr. Mis-
ter, til að gera grín að þessari
klúbbamenningu hjá hljómsveitum
eins og Scooter,“ segir Ívar. Þegar
gamanið varð að meiri alvöru þurfti
hann að fá annan mann með sér í
dæmið. „Þá datt mér enginn annar í
hug en góðvinur minn Guðni,“ en
Guðni var áður í þungarokks-
hljómsveitinni Klink. Sjálfur hafði
Ívar áður fengist við raftónlist allt
frá því hann var 16 ára.
Á disknum er að finna fjögur lög
sem hafa komist hátt á vinsældalist-
um hjá útvarpsstöðvunum Xfm og
FM 957: „Kokaloca“, „Is It Love?“,
Boogie Woogie Sensation“ og „Was
That All It Was?“. Auk þess hafa
hringitónar með lögum hljómsveit-
arinnar verið vinsælir á www.ogvo-
dafone.is.
Upptökur og hljóðblöndun hófust
sl. vor og tóku stuttan tíma. Ívar seg-
ir samstarfið við Stúdíó Sýrland hafa
gengið vel og einnig við Cod Records
sem gefur plötuna út .
Að sögn Ívars hafa Dr. Mister og
Mr. Handsome mikinn áhuga á að
koma plötunni að erlendis. „Já, það
er alveg pottþétt. Þetta er bara svo
lítill markaður hérna að við verðum
að sækja út til að geta haldið uppi
þeim lífsstíl sem við sækjumst eftir.“
Einnig er á döfinni að fara að spila
erlendis og fá dreifingu á meginland-
inu og í Evrópu. Stefnan er sett hátt
og takmarkið er hvorki meira né
minna en að spila á öllum stærstu
tónlistarhátíðunum erlendis á næstu
árum, að sögn Ívars.
Hér heima hafa Dr. Mister og Mr.
Handsome aðallega spilað á Nasa, en
þeir ætla hins vegar að halda útgáfu-
partíið á Rex í ágúst. Í kvöld verða
þeir svo á Áttunni í Hafnarfirði.
Tónlist | Fyrsta platan frá Dr. Mister og Mr. Handsome komin út
Kóksvart grín að Scooter
og klúbbamenningu
Dr. Mister (í hvíta bolnum) og Mr. Handsome hafa vakið athygli fyrir tónleika á Nasa að undanförnu, en þeir spila
á Áttunni í Hafnarfirði í kvöld.
www.myspace.com/drmistermr-
handsome
Allt stefnir í að yfirvöld í Ark-ansas-fylki í Bandaríkjunum
hreinsi sakaskrá Keiths Richards,
gítarleikara Rolling Stones, en
hann var á sínum tíma tekinn fyrir
vítaverðan akstur í fylkinu. Sak-
aruppgjöfin kemur 31 ári eftir að
brotið átti sér stað. Fyrirgefning
synda Richards er nú í höndum
ríkisstjórans sem sjálfur átti upp-
tökin að því að málið hefur nú ver-
ið tekið upp.
Fólk folk@mbl.is
Tónlistarmaðurinn Victor Willis,sem gerði garðinn frægan á
diskótímabilinu sem „löggan“ í Vil-
lage People, hefur játað á sig sök í
dómsmáli sem höfðað var á hendur
honum. Willis, sem er annar höfunda
hinna hýru smella „In the Navy“ og
„YMCA“, var handtekinn í mars fyr-
ir að hafa fíkniefni og skotvopn í fór-
um sínum. Hann hefur verið góð-
kunningi lögreglunnar allt frá því að
hann sjálfur kastaði lögreglubún-
ingnum og hætti í hljómsveitinni ár-
ið 1980.
Sími - 564 0000Sími - 462 3500
Adam Sandler, Kate
Beckinsale og Christo-
pher Walken í fyndnustu
gamanmynd ársins!
Stay Alive kl. 8 og 10 B.i. 16.ára.
Stick It kl. 4 (400 kr.), 8 og 10
The Benchwarmers kl. 4 (400 kr.) og 6 B.i. 10 ára
Click kl. 6 B.i. 10 ára
Over the Hedge m.ensku.tali kl. 3, 5, 7, 9 og 11
Over the Hedge m.ensku.tali LÚXUS kl. 3, 5, 7, 9 og 11
Over the Hedge m.ísl.tali kl. 3, 5 og 7
Ultraviolet kl. 4.50, 8 og 10.10 B.i. 12 ára
Stick It kl. 3, 5.30, 8 og 10.20
Click kl. 9 og 11.20 B.i. 10 ára
Rauðhetta m.ísl tali kl. 3
Þau ætla að ná aftur hverfinu...
...einn bita í einu!
SÝNDI BÆÐI
MEÐ
ÍSLENSKU OG
ENSKU TALIBLÓÐSTRÍÐIÐ
ER HAFIÐ!
eee
L.I.B.Topp5.is