Morgunblaðið - 02.09.2006, Blaðsíða 4

4 LAUGARDAGUR 2. SEPTEMBER 2006 MORGUNBLAÐIÐ
FRÉTTIR
NIÐURSTÖÐUR athugana Vega-
gerðarinnar á mögulegum kostum á
vegabótum á veginum um Óshlíð til
Bolungarvíkur munu liggja fyrir í lok
október og verður þá hægt að taka
afstöðu til þeirra kosta sem fyrir
hendi eru og kostnaðar við þá.
Gísli Eiríksson, umdæmisstjóri
Vegagerðarinnar á Ísafirði, sagði að
unnið væri að rannsóknum og tillögu-
gerð um jarðgöng. Rannsóknirnar
væru langt komnar og þess að vænta
að niðurstöður lægju fyrir í þessum
efnum í lok október. Þá væri hægt að
gera samanburð á þeim kostum sem
fyrir hendi væru og á grundvelli þess
taka ákvörðun um hvaða leið yrði far-
in.
Gísli sagði að fyrir áramótin hefði
samgönguráðherra og ríkisstjórn
ákveðið að veita fé til framkvæmda
vegna einna stuttra ganga, sem hefðu
ekki verið fullnaðarlausn á vegabót-
um þarna, en hefðu getað verið hluti
af boðlegri framtíðarlausn. Þeirri
framkvæmd hefði síðan verið frestað
og ákveðið að fara í frekari rannsókn-
ir, en þau göng hefðu verið um 1,2
kílómetrar að lengd.
Gísli bætti því við að ein möguleg
lausn í þessum efnum væri að gera
tvenn gögn af þessari lengd ásamt
frekari vegabótum. Auk þess væri
einnig verið að skoða möguleika á
göngum sem væru um fjórir kíló-
metrar að lengd og þriðji möguleik-
inn væri göng sem væru um sex kíló-
metrar að lengd.
700 milljónir hver kílómetri
Gísli sagðist hafa trú á því að farið
yrði fljótlega í framkvæmdir í þess-
um efnum þegar niðurstaða rann-
sóknanna lægi fyrir og tekin hefði
verið afstaða til þeirra valkosta sem
fyrir hendi væru. Gera mætti ráð fyr-
ir að framkvæmdatími gæti verið 3–5
ár að því gefnu að fjárveiting fengist
til framkvæmdanna, en gróflega
mætti áætla að hver kílómetri í jarð-
göngum kostaði um 700 milljónir
króna.
Þrír kostir skoðaðir
varðandi jarðgöng
Niðurstaðna rannsókna að vænta í lok október

 


 
 
! "#
$
 % 

  

 



 
 















  
 

 
 









   







  





 

 »Grjót hefur margsinnishrunið úr Óshlíðinni og
vegfarendum iðulega stafað
mikil hætta af því.
»Bolvíkingar fjölmenntu umÓshlíðina í vikunni til þess
að krefjast úrbóta í samgöngu-
málum.
Í HNOTSKURN
LIÐIN voru 100 ár frá reisugildi
Ráðherrabústaðarins í Reykjavík
í gær og af því tilefni var efnt til
hátíðarhalda á Sólbakka á Flat-
eyri í gærdag. Ráðherrabústað-
urinn stóð upphaflega á Sólbakka
á Flateyri og var íbúðarhús
norska hvalfangarans Hans Ell-
efsens. Gaf Ellefsen þá húsið vini
sínum Hannesi Hafstein, fyrsta
ráðherra Íslands, og var húsið
flutt og reist við Tjörnina í
Reykjavík 1906.
Níu Norðmenn á landinu
í tilefni hátíðarhaldanna
Bústaðurinn hafði staðið í 14 ár
á Sólbakka en húsið kom tilsniðið
frá Stokke í Noregi – fæðingarbæ
hvalfangarans.
Í tilefni af hátíðarhöldunum
komu til landsins níu Norðmenn
frá Stokke og Vestfoldfylki og
munu dvelja hér á landi til 3.
september í góðu yfirlæti í boði
Önfirðingafélagsins. Í hópi Norð-
mannanna er fólk úr fæðingarbæ
Ellefsens, menn frá hvalveiðisafni
í Sandefjord ásamt tveimur af-
komendum Ellefsens.
Að sögn Björns Inga Björns-
sonar, formanns félagsins, hefur
ferðin gengið vel og þegar Morg-
unblaðið náði tali af honum var
hópurinn að koma af slóðum
hvalfangara í Dýrafirði. Skoð-
aðar voru minjar um hvalveiðar,
s.s. kirkjan á Mýrum og hval-
beinið í hliðinu að þjóðgarðinum
Skrúð. „Svæðið skartar sínu feg-
ursta, smá gola og sól. Reyndar
var smá stormur í nótt en við
segjum bara að það hafi verið
náttúran að minna á Hannes Haf-
stein og hans glæsilega ljóð, Ég
elska þig stormur,“ segir Björn
Ingi.
Hans Ellefsen reisti húsið sem
glæsilega forstjórahöll á Sól-
bakka þar sem hann var með
hvalveiðistöð sína frá 1889 til
1902. Á þeim tíma var stöðin
stærsta atvinnufyrirtæki á Ís-
landi, þar sem um 200 manns
störfuðu.
„Við lítum á [bústaðinn] sem
frægasta brottflutta Önfirðing-
inn,“ segir Björn Ingi. „Hann var
kominn á fermingaraldur þegar
hann flutti að heiman, búinn að
standa hér í fjórtán ár,“ segir
Björn Ingi.
„Frægasti brottflutti Önfirðingurinn“
Hundrað ár frá reisugildi Ráðherrabústaðarins í Reykjavík
Íbúðarhús hvalfangara Ráðherrabústaðurinn stóð upphaflega á Sólbakka
á Flateyri og var íbúðarhús norska hvalfangarans Hans Ellefsens.
FJALLGÖNGUMENNIRNIR Hall-
grímur Magnússon og Leifur Örn
Svavarsson komust í gær í 5.600
metra hæð á Leníntindi í Pamir-
fjallgarðinum í Kyrgyzstan. Tind-
urinn er í 7.134 metra hæð og tekur
ferðin frá grunnbúðum um 22 daga.
Slæmt ástand var í tjaldbúðunum
í gærmorgun vegna torkennilegrar
eitrunar og lögðust flestallir leið-
angursmenn veikir. Gripið var til
þess ráðs að hella öllu vatninu sem
þeir höfðu soðið daginn áður og
sjóða nýtt í staðinn.
Þeir félagar vonast til að hækka
sig í 6.400 metra hæð í dag, laug-
ardag, en þeir verða héðan í frá
með mjög þunga bakpoka svo
gangan verður erfið. „Við erum
með vistir til fjögurra daga og gæt-
um alveg þraukað lengur,“ sögðu
þeir á vef Útiveru sem fjallar um
leiðangurinn á vefsvæðinu
utivera.is.
Ljósmynd/Björn Ólafsson
Komnir í 5.600 metra hæð
FYLGI Vinstrihreyfingarinnar –
græns framboðs hefur aukist um
2% samkvæmt nýrri skoð-
anakönnun Gallup og er fylgi
flokksins nú 22%. Fylgi Samfylk-
ingarinnar stendur hins vegar í
stað og er 25%.
Þá sögðust 53% aðspurðra í
könnuninni styðja ríkisstjórnina.
Fylgi Sjálfstæðisflokksins er nú
41% samkvæmt könnuninni og hef-
ur minnkað um 2% frá fyrri könnun
og fylgi Framsóknarflokksins er
9% og hefur minnkað um 1%. Fylgi
Frjálslynda flokksins mælist nú 3%.
Þetta kom fram í kvöldfréttum Rík-
isútvarpsins.
Fylgi Vinstri
grænna
mælist 22%
LÖGREGLAN á Akranesi hefur
upplýst tvær af fjórum íkveikjum
á Akranesi í sumar. Upplýst er að
ungir drengir voru að verki í
tveimur brunum, þegar kveikt
var í áhaldahúsi vinnuskóla bæj-
arins annars vegar og hins vegar
í húsi Síldarmjölsverksmiðjunnar.
Lögreglan segir að um óvitaskap
hafi verið að ræða hjá drengj-
unum sem ekki hafi gert sér
grein fyrir alvarleika málsins.
Lögreglan segir drengina langt
undir sakhæfisaldri og því sé
málið nú alfarið í höndum barna-
verndaryfirvalda.
Ekki er vitað hver eða hverjir
voru að verki í tveimur öðrum
íkveikjum, þ.e. við Sementsverk-
smiðjuna og birgðageymslu Olís.
Tvær íkveikjur
upplýstar
BÍLSTJÓRI ók út af þjóðvegi 1 við
afleggjarann þar sem farið er inn á
þjóðveg 60 að Bröttubrekku á
fimmta tímanum í gær til að forðast
árekstur. Maðurinn var á norð-
urleið og ætlaði hann að taka fram
úr tveimur bílum en lenti í vand-
ræðum þegar þeir beygðu báðir inn
á afleggjarann og í veg fyrir hann.
Maðurinn slapp ómeiddur. Mikil og
hröð umferð var í umdæmi lögregl-
unnar á Hólmavík í gær og voru
bílar m.a. mældir á 110–142 km
hraða.
Ók út af
í Bröttubrekku
RANNSÓKN fíkniefnamálsins á
Litla-Hrauni í síðustu viku er að
mestu lokið og hefur fangavörður
þar játað að hafa átta sinnum flutt
fíkniefni inn í fangelsið gegn pen-
ingagreiðslum. Manninum var
sleppt úr gæsluvarðhaldi á þriðju-
daginn. Gæsluvarðahaldi hefur
sömuleiðis verið aflétt af refsiföng-
unum tveimur sem sátu í gæsluvarð-
haldi vegna málsins.
Lögreglan í Árnessýslu hefur yf-
irheyrt fimm manns sem hafa allir
viðurkennt að hafa afhent fanga-
verðinum fíkniefni til að flytja inn í
fangelsið. Aðilar þessir hafa allir
komið við sögu fíkniefnamála áður
og þrír þeirra eru fyrrverandi refsi-
fangar í fangelsinu. Þegar fanga-
vörðurinn var handtekinn sl. laugar-
dag var hann með um 250 grömm af
ætluðu hassi og um 35 grömm af ætl-
uðu amfetamíni. Lögreglan segist
ekki að svo stöddu gefa upplýsingar
um magn fíkniefna í hverri hinna
ferðanna. Lagt var hald á tiltekna
peningaupphæð á sérstökum banka-
reikningi fangavarðarins.
Lögreglan segir að ekkert hafi
komið fram við rannsókn lögreglu,
sem styðji fullyrðingar sem komið
hafa fram í fjölmiðlum um að fanga-
vörðurinn hafi einnig afhent föngum
síma til notkunar innan fangelsisins.
Lögregla tilkynnti í gærkvöldi að
refsifangarnir tveir sem voru úr-
skurðaðir í gæsluvarðhald til klukk-
an 16 í dag hefðu verið leystir undan
því þar sem rannsóknarhagsmunir
kröfðust þess ekki lengur.
Málið verður sent ákæruvaldinu
til meðferðar innan tíðar.
Viðurkenndi átta
ferðir með fíkniefni
inn í fangelsið
Morgunblaðið/Ómar
Smyglmál Í tengslum við smyglmál fangavarðarins á Litla-Hrauni hefur
verið lagt hald á peninga á sérstökum bankareikningi hans.