Morgunblaðið - 02.09.2006, Qupperneq 26

bækur
26 LAUGARDAGUR 2. SEPTEMBER 2006 MORGUNBLAÐIÐ
Áhverjum armi er úr, upp um allaveggi hanga klukkur og á hverjumsíma eða tölvuskjá blasir tíminnvið. Við reynum að nýta þennan
tíma sem best; borðum hratt, hugsum hratt,
göngum hratt og vinnum hratt og engin mín-
úta má fara til spillis. Breski blaðamaður
Carl Honoré lifði slíku lífi eða þangað til
hann rak augun í frétt um það að foreldrar
gætu stytt kvöldsöguna fyrir börnin sín niður
í eina mínútu. Þar sem hann skipulagði
hvernig hann gæti rutt út úr sér nokkrum
sögum á innan við tíu mínútum fyrir son sinn
áttaði hann sig á því að líf hans snerist orðið
um að gera eins mikið og hann gæti á sem
stystum tíma. Þá fór hann að velta fyrir sér
af hverju okkur lægi alltaf svona á og hvern-
ig væri hægt að draga úr hraðanum. Hann
sá að við höfðum þróað innra með okkur sí-
fellt vaxandi hraðaþörf sem gengur út á að
spara tíma og hámarka afköst. Út frá þess-
um vangaveltum skrifaði Honoré bókina Lif-
um lífinu hægar sem var að koma út hjá
Eddu útgáfu í íslenskri þýðingu Geirs Svans-
sonar.
„Eftir að ég sá að ég var fastur í fimmta
gír ákvað ég að gera eitthvað í því og þar
sem ég er blaðamaður fann ég að mig lang-
aði til að skrifa um það líka og reyna að ná
utan um þetta hegðunarmynstur nútíma-
mannsins. Í þessari bók er ég ekki að hugsa
fyrir fólk heldur er ég bara að segja frá því
sem ég komst að um þennan hraða,“ segir
Honoré.
Fullnæging á 30 sekúndum
Lifum lífinu hægar nýtur mikilla vinsælda
og hefur nú verið þýdd yfir á 26 tungumál.
„Hraðinn er alheimsvandamál og það er eins
og allir vilji hægja á sér og minnka áreitið en
viti ekki hvernig þeir eiga að fara að því.
Bókin kom út á réttum tíma, fyrir 15 til 20
árum hefði hún vakið áhuga nokkurra grúsk-
ara og útbrunninna viðskiptamanna á fimm-
tugsaldri en á seinustu árum, með spreng-
ingu í efnahagslífinu og miklum
tækniframförum, hefur hraðinn auk-
ist. Í upphafi gerði hraðinn meira
gott en slæmt en á undanförnum ár-
um hefur það snúist við.“
Honoré segir alla smitaða af hraðavír-
usnum. „Nýlega sá ég tímarit þar sem fyr-
irsögn sagði; „Fáðu fullnægingu á 30 sek-
úndum“, við erum meira að segja farin að
elskast eftir skeiðklukku. Það þarf ekki að
hægja á sér í öllu en það er skynsamlegra að
gera margt hægar.“
Honoré segir að auðvitað sé erfitt að
hægja á sér ef enginn í kringum mann gerir
það. „Heimurinn mun aldrei vera þannig að
allir geri allt á hárréttum hraða en við mun-
um komast á stig þar sem margir reyna að
gera hlutina hægar. Ég sé að fólk er ekki
eins hrætt og áður við að hægja á sér þótt
aðrir í kringum það geri það ekki. Jafnvel
stórfyrirtæki sem þrífast á hraða eru farin
að skipa starfsmönnum sínum að fara í frí.“
Kaldhæðnin í þessu að mati Honoré er að
við erum svo óþolinmóð að við viljum jafnvel
hægja á okkur hratt. „Þetta er langtíma-
uppreisn sem gerist smátt og smátt. Við
njótum ekki lífsins í dag þótt við höfum það
efnahagslega gott, við erum óheilbrigð, ekki
tengd ástvinunum og höfum ekki tíma fyrir
börnin eða makann. Heimurinn verður að
endurhugsa samband sitt við tímann.“
Líf Honoré hefur breyst heilmikið eftir út-
komu bókarinnar. „Áður var ég alltaf að
reyna að gera eitt í viðbót eða tvennt í einu
og gera það hratt, en núna tek ég gæði fram
yfir magn, minna er meira. Ég geri færri
hluti betur og nýt lífsins í leik og starfi. Ég
hætti að hafa áhyggjur af hverri mínútu og
fór að njóta tímans. Í vinnunni segi ég orðið
nei við verkefnum og tek mér pásur en það
gerði ég aldrei áður. Ég nýt þess að lesa
kvöldsöguna fyrir son minn og hann nýtur
þess að ég gefi honum þennan tíma. Farsími
og tölvur eru með off-takka og ég er farinn
að ýta á hann. Ég mæti ekki á alla viðburði
sem mér er boðið á, ég var í of mörgum
íþróttum í frístundum og hætti því að
spila tennis. Það koma hraðar stundir en
ég á orðið fleiri hægari og er orkumeiri
fyrir vikið,“ segir Honoré sem hætti
meira að segja að ganga með úr. „Úr
getur verið eins og ofhert hálsól. Ég hef
góða tilfinningu fyrir tímanum en sam-
band mitt við hann er sveigjanlegra
núna. Það er of mikið af klukkum út um
allt til að stressa fólk upp.“
Haltu í hefðirnar
Vert er að spyrja þennan boðara betra lífs
hvernig fólk eigi að hægja á sér. „Í fyrsta
lagi á að gera minna, vinna hvert verkefni
betur og njóta þess. Þetta er auðveldara en
fólk heldur. Sjónvarpið er dæmi um eitthvað
sem má taka út, en það og netið eru tíma-
þjófar sem fólk verður að stjórna notkun
sinni á. Í öðru lagi á fólk að taka úr sam-
bandi, tæknin er til staðar en maður þarf
ekki að vera tengdur henni allan tímann. Það
á t.d. ekki að hætta í miðjum ástaratlotum til
að svara í símann eða kíkja á tölvupóstinn.
Byrjaðu á sunnudegi, slökktu á símanum og
ekki kveikja á tölvunni, þér mun líða miklu
betur og komast að því að þú ert ekki ómiss-
andi, sem er mjög gott. Í þriðja lagi skaltu
finna eitt athæfi yfir daginn sem neyðir þig
til að slaka á, það gæti verið jóga, hugleiðsla,
göngutúr, bókalestur, fjölskyldumáltíð eða
langt bað. Reyndu að gera þessar stundir að
hefð og þér mun líða betur,“ segir hinn yf-
irvegaði Carl Honoré að lokum.
Hraðinn er vandi sem þarf að laga
Ljósmynd/Kristinn Ingvarsson
Stress Klukkur og úr eru úti um allt til að
minna okkur á hvað tíminn líður hratt.
Morgunblaðið/Sverrir
Afslappaður Carl Honoré, höfundur
bókarinnar Lifum lífinu hægar,
hætti að láta tímann stjórna sér.
Að slökkva á farsímanum og
kíkja ekki á tölvupóstinn í lang-
an tíma virðist mörgum okkar
óhugsandi en samkvæmt bók-
inni Lifum lífinu hægar er það
liður í því að njóta lífsins.
Ingveldur Geirsdóttir hitti Carl
Honoré, höfund bókarinnar, í af-
slöppuðu spjalli.
Jákvæðni Í umferðinni gerir jákvæðni bíltúrinn miklu
skemmtilegri og þú kemur rólegri á áfangastað.
Morgunblaðið/RAX
ingveldur@mbl.is
hönnun
SVALIR morgnar minna okkur á að sumarið er að kveðja og
haustið í nánd. Hlýrri föt eru kannski æskileg en helst ekki dregin
fram fyrr en sumardressið nær ekki lengur að halda þokkalegum
hita á kroppnum. Sólþyrstir og seinþreyttir til vandræða halda Ís-
lendingar því áfram að klæða sig eins og enn sé hásumar og þá
getur verið býsna gott að eiga góða værðarvoð til að skríða undir
þegar heim er komið, kíkja í bók og fá sér kakó. Framundan er
tími rökkurs og rómantíkur, kerta og kósýheita í kólnandi veðri.
Huggulegt
á haustkvöldi
Ljúft Þessi ofurmjúku ullarteppi eru frá Rolf
Benz og kosta 19.900 kr. Fást í Exó, Fákafeni.
Rómantík Kósý ábreiða. Frú
Fiðrildi, Laugavegi, 15.900 kr.
Falleg Hettu-
teppin eru líka til
í barnalegum
stærðum. Fást í
Kisunni, Lauga-
vegi, og kosta
4.600 kr.
Sígilt Alíslensk ullarteppi. Fást í Islandia í
Kringlunni. Kosta frá 5.490–7.360 kr.
Morgunblaðið/Eyþór
Hlýtt Fyrir þá sem vilja sveipa sig alla. Ullarflísteppi með
hettu. Fæst í Kisunni, Laugavegi, og kostar 8.300 kr.
Eftir Katrínu Brynju Hermannsdóttur