Morgunblaðið - 02.09.2006, Blaðsíða 11

MORGUNBLAÐIÐ LAUGARDAGUR 2. SEPTEMBER 2006 11
:
Skóverslun - Kringlunni
Sími 553 2888
Teg. 68745
Stærð: 36-41
Litur: Brúnt og
svart
Verð: 14.995
Teg. 031
Stærð: 36-41
Litur: Svart og
brúnt
Verð: 8.995
Teg. 25365
Stærð: 36-41
Litur: Svart og
brúnt
Verð: 17.995
Teg. 12905
Stærð: 36-41
Litur: Svart og
brúnt
Verð: 13.995
Teg. 31513
extra víð
Stærð: 36-42
Litur: Svart
Verð: 28.950
Nýjar
haustvörur
Mikið úrval
Eftir Jóhann Magnús Jóhannsson
johaj@mbl.is
SJÁLFSTÆTT starfandi sérfræð-
ingar í hjartalækningum sögðu sig
af samningi við Tryggingastofnun
ríkisins (TR) 1. apríl á þessu ári.
Samdægurs tók gildi reglugerð sett
af heilbrigðis- og tryggingamála-
ráðherra um greiðsluþátttöku TR
vegna þjónustu þeirrar sem hjarta-
læknarnir, sem eru án samnings við
TR, veita.
Samkvæmt reglugerðinni endur-
greiðir TR hluta kostnaðar sem
sjúklingar þurfa að leggja út fyrir
þjónustu sem sjálfstætt starfandi
hjartalæknar veita, að fullnægðum
ákveðnum skilyrðum. Er það skil-
yrði endurgreiðslunnar að fyrir
liggi tilvísun á sérfræðiþjónustuna
frá heilsugæslulækni eða heimilis-
lækni.
Vilji hjartasjúklingur fá endur-
greiðslu þarf hann því fyrst að fara
til heilsugæslu- eða heimilislæknis
og fá tilvísun, síðan fer hann til
hjartalæknis og leggur út fullt verð
fyrir þjónustunni samkvæmt gjald-
skrá. Hjá TR fær sjúklingurinn
endurgreitt gegn framvísun reikn-
ings fyrir þjónustuna hjá hjarta-
lækninum auk tilvísunarinnar frá
heilsugæslu- eða heimilislækni.
Sjúklingur hefur þ.a.l. val um það
hvort hann leitar tilvísunar heilsu-
gæslu- eða heimilislæknis áður en
hann fer til hjartalæknis, en sam-
kvæmt reglugerðinni er endur-
greiðsla hluta kostnaðar sjúkra-
tryggðra úr hendi TR bundin því
skilyrði að tilvísun frá heilsugæslu-
eða heimilislækni sé framvísað.
Útgjöld TR hafa lækkað
Útgjöld Tryggingastofnunar rík-
isins vegna hjartalækna hafa að
sögn Jóns Sæmundar Sigurjóns-
sonar, formanns samninganefndar
heilbrigðis- og tryggingamálaráð-
herra, lækkað mikið frá því að
hjartalæknar sögðu sig af samningi
við TR.
„Það eru ýmsar ástæður fyrir því
að útgjöld TR eru miklu minni en
þegar hjartalæknar voru á samn-
ingi við okkur,“ segir Jón Sæmund-
ur. „Fjöldinn allur af þeim skoð-
unum sem hjartalæknar
framkvæma er heilsugæsla sem
heilsugæslulæknar eiga að sinna og
sinna í öðrum löndum. Því kemur til
greina að færri sjúklingar fari til
hjartalæknis eftir að hafa farið til
heilsugæslulæknis. Sumir þeirra
sem til hjartalækna leita sækja
ekki endurgreiðslu sína til TR, til
dæmis vegna þess að upphæð end-
urgreiðslu yrði svo lág að það þykir
ekki fyrirhafnarinnar virði að ná í
hana. Eins getur verið að fólk komi
sjaldnar í eftirlit, til dæmis tvisvar
á ári í staðinn fyrir fjórum sinnum.“
Jón Sæmundur segist ekki vera
hrifinn af tilvísanakerfinu að því
leyti til að það sé önugt að gera
sjúklingum jafnerfitt fyrir með
snúningum og tilheyrandi fyrir-
höfn. Kerfið geti aftur á móti ekki
boðið upp á annað ef kostur á end-
urgreiðslu eigi að vera fyrir hendi.
Með setningu reglugerðarinnar
var að sögn Jóns Sæmundar komið
til móts við sjúklingana með því að
opna endurgreiðslumöguleikann.
Ef hún hefði ekki verið sett hefðu
sjúklingar ekki átt rétt á endur-
greiðslu frá TR fyrir þjónustu hjá
samningslausum hjartalæknum.
Endurgreitt er samkvæmt gjald-
skrá sem hjartalæknar og TR
sömdu um og fylgdi reglugerðinni.
Sjálfstætt starfandi sérfræðingar
sem samningsbundnir eru TR eru
bundnir af gjaldskrá en það eru
hjartalæknar ekki. Hjartalæknar
starfa á frjálsum markaði og ráða
sjálfir því verði sem þeir krefjast
fyrir þjónustuna sem þeir veita.
Dýrara og tímafrekara
„Tryggingastofnun myndi endur-
greiða sjúklingi áfram samkvæmt
umsaminni gjaldskrá ef hjarta-
læknir myndi hækka taxtann hjá
sér umfram gjaldskránna. Sjúk-
lingurinn myndi því greiða þann
mismun sem kæmi til af því að
hjartalæknir hækkaði sinn taxta
umfram það sem samningsbundnir
læknar gera,“ segir Jón Sæmund-
ur.
„Okkur hafa borist miklar kvart-
anir út af þessu greiðslufyrirkomu-
lagi. Þetta fyrirkomulag er bæði
dýrara og tímafrekara, sérstaklega
fyrir eldra fólk sem hefur ekki bíl.
Þessi þróun er til þess verra, það
fer ekkert á milli mála,“ segir Mar-
grét Margeirsdóttir, formaður fé-
lags eldri borgara í Reykjavík, um
tilvísanakerfi hjartalækna.
Fulltrúar félagsins hafi farið á
fund heilbrigðisnefndar Alþingis og
gert þar grein fyrir athugasemdum
sínum.
Segir hún kvartanir hafa borist
bæði vegna aukins kostnaðar við
ferðir og vegna þess að nú þurfi að
leggja út fyrir allri þjónustunni.
Tekur hún fram að um sé að ræða
kvartanir sem borist hafi skrifstofu
félagsins en engar kannanir hafi
verið unnar á því hvernig öldruðum
hafi tekist að aðlaga sig nýja
greiðslufyrirkomulaginu.
Endurgreiðsla bundin tilvísun
ÁRIÐ 2005 störfuðu 339 sér-
greinalæknar eftir samningi við
Tryggingastofnun ríkisins um sér-
fræðilæknishjálp. Alls 22 hjarta-
læknar sögðu sig af samningi við
stofnunina 1. apríl sl. og því má ætla
að nú starfi 317 læknar samkvæmt
samningnum. Geðlæknar eru flestir,
37 talsins, en þar á eftir koma
barnalæknar, augnlæknar, kven-
læknar og skurðlæknar. Að sögn
Kristjáns Guðmundssonar, for-
manns samninganefndar læknanna,
hefur keyrsla einstakra sérgreina
umfram fjárheimildir aðallega átt
sér stað meðal skurðlækna, augn-
lækna, meltingarlækna, geðlækna
og þvagfæraskurðlækna. Hann telur
að umframkeyrsla skurðlækna nemi
um 20% og um 14% hjá augnlækn-
um, sé miðað við fyrstu sex mánuði
ársins.
Aðskilja beri
hlutverk ráðherra
Sigurbjörn Sveinsson, formaður
Læknafélags Íslands, segir rót
vandans vera að magn þeirrar þjón-
ustu sem heilbrigðisyfirvöld ákveða
á hverju ári sé minna en eftirspurn
eftir henni. „Þetta er ein hliðin á af-
leitu fyrirkomulagi fjármögnunar
þjónustu ríkisins, þ.e.a.s vanáætlun
alls sem ríkið þarf að greiða,“ segir
Sigurbjörn. Spurður um hvernig
ráða megi bót á kerfinu segir Sig-
urbjörn fyrsta skrefið í átt að bættu
kerfi vera það að aðskilja hlutverk
kaupanda og seljanda heilbrigð-
isþjónustu. Með því móti væri ekki
sami aðili sem bæri ábyrgð á því að
heilbrigðisþjónusta er veitt og
standi á sama tíma fyrir rekstri
þjónustunnar.
„Eðlilegast er að skipta þessu
hlutverki ráðherra upp, þannig að
annar ráðherra eða stofnun beri
ábyrgð á að þjónustan sé veitt og
geti keypt þjónustuna annaðhvort af
ríkinu eða einkaaðilum,“ segir Sig-
urbjörn og tekur undir hugmyndir
um sérstaka innkaupastofnun heil-
brigðisþjónustu, sem hugsanlega
gæti samanstaðið af aðilum frá rík-
isspítölunum og Tryggingastofnun.
„Það skortir svolitla djörfung og
áræði í nýrri sköpun á þessu sviði.
Við viljum halda hlífiskildi yfir hvert
öðru þegar eitthvað bjátar á, en það
þýðir ekki að útiloka eigi við-
skiptalögmálin,“ segir Sigurbjörn.
„Það er hægt að vera góður maður
þó að maður láti ágóðann ráða svo-
lítið um reksturinn, hvort sem um
kúabú eða spítala er að ræða,“ segir
Sigurbjörn að lokum.
Um 320 læknar starfa eftir samningi
 &%

'
&%

(#&%

)* &%

+ , 
&%

'&%
&%

-%
&%

$&%

-*& #&%

$.,  , "# 
&%

+ / 0  #
/
+ / 0 #&%

+ / 0 ##
&%

1#&%

/
/
    
/


2*# &
&%

+ / 0 %3/
+4&%

)
!! &%

'
,"# #/ # /
5%&%

+ / 0 ! 
/
+ / 0 4
&%

56# &%

+ / 0 " / "# &/
78

&%

+ / 0  

-
/
        
/
/












       
 !!" #$   -* 968 -* 968
$ 8: 15 %

###*
„SJÚKRATRYGGING fólks er í fullu gildi. Það var
gerður samningur við sérfræðilækna fyrir tiltölulega
stuttu síðan. Það kemur mér frekar á óvart ef læknar
vilja almennt fara aðra leið núna,“ segir Siv Friðleifs-
dóttir, heilbrigðis- og tryggingamálaráðherra, aðspurð
um fréttir af því að bæklunarlæknar íhugi að segja sig
af samningi við Tryggingastofnun ríkisins.
„Hjartalæknar völdu að ganga af samningi sjálfir.
Ákjósanlegast hefði verið að þeir hefðu verið áfram á
samningi. Ég vona að aðrir sérfræðilæknar segi sig
ekki af samningi en ef þeir kjósa að gera það þurfum
við að skoða viðbrögð til að tryggja endurgreiðslurétt
sjúklinga. Þá hlýtur meðal annars að koma til skoðunar
sama fyrirkomulag og er gagnvart hjartalæknum,“
segir Siv og tekur fram að framundan séu viðræður við
bæklunarlækna.
Sjúkratryggingin er í fullu gildi
»Greiða þarf fullt verð fyrirþjónustu hjá sjálfstætt starfandi
hjartalæknum.
»Tryggingastofnun ríkisins end-urgreiðir hluta kostnaðar gegn
framvísun reiknings frá hjarta-
lækni og tilvísun frá heimilis- eða
heilsugæslulækni.
»Sjálfstætt starfandi hjartalækn-ar eru ekki bundnir við gjald-
skrá þá sem TR endurgreiðir eftir.
»Færi svo að hjartalæknarhækkuðu taxta sinn umfram
gjaldskrá myndu sjúklingar greiða
mismuninn.
»Dýrara og tímafrekara, segirtalsmaður eldri borgara
Í HNOTSKURN
Morgunblaðið/Árni Torfason
Fréttaskýring | Tilvísanakerfi hefur verið við lýði vegna þjónustu sjálfstætt starfandi sérfræðinga í hjarta-
lækningum síðan þeir sögðu sig af samningi við Tryggingastofnun ríkisins í apríl síðastliðnum