Morgunblaðið - 02.09.2006, Blaðsíða 21
MORGUNBLAÐIÐ LAUGARDAGUR 2. SEPTEMBER 2006 21
GLEÐILEGT
NÝTT LEIKÁR!
Opið hús í Borgarleikhúsinu á morgun,
sunnudag, kl. 15.00–17.00
Boðið verður upp á veitingar fyrir unga sem aldna.
Starfsfólk Borgarleikhússins, með leikhússtjórann í broddi fylkingar, bakar vöfflur
fyrir gesti og gangandi. Heitt á könnunni og svaladrykkir fyrir börnin.
Kynning verður á viðburðum vetrarins:
Grettir, Amadeus, Dagur vonar, Mein Kampf, Fagra veröld, Lík í óskilum, Belgíska
Kongó, Viltu finna milljón?, Ronja ræningjadóttir, Sönglist, Íslenski dansflokkurinn.
Leikfélag Reykjavíkur 110 ára:
Um helgina bjóðum við sérstakt afmælistilboð sem leikhúsunnendur
ættu ekki að láta fram hjá sér fara, 3 sýningar á aðeins 3.000 krónur!*
Dagskrá:
Forsalur:
Kl. 15.15 Eggert Þorleifsson og Laddi syngja lag úr Viltu finna milljón?
Kl. 15.25 Hansa syngur valin lög úr Gretti og Paris at night.
Kl. 15.40 Krakkar úr Sönglist syngja.
Kl. 15.50 Ronja, Birkir og Lovísa syngja lög úr Ronju ræningjadóttur.
Kl. 16.00 Ronja veitir verðlaun fyrir teiknisamkeppnina „Ronja í sumarfríi”.
Kl. 16.15 Krakkar úr Sönglist syngja.
Kl. 16.30 Söngatriði úr Footloose.
Kl. 16.45 Lög úr Gretti og Sól og Mána. Arnbjörg Hlíf og Hansa syngja.
Tarzan tekur lagið í lok dagskrár.
Nýja sviðið:
Kl. 15.20 Opin æfing – Íslenski dansflokkurinn.
Kl. 15.50 Opin æfing – Mein Kampf.
Kl. 16.20 Opin æfing – Amadeus.
Opnuð verður myndlistasýning barnanna „Ronja í sumarfríi”.
Hitler, Ronja, Birkir, Tarzan og hjónakornin Mozart og Konstansa heilsa upp á gesti
og gangandi. Geirfuglarnir spila og skemmta á milli atriða af sinni alkunnu snilld.
H
V
ÍT
A
H
Ú
S
IÐ
/
S
ÍA
-
6
6
5
7
*Gildir á Mein Kampf, Dag vonar og sýningu að eigin vali hjá Leikfélagi Reykjavíkur.
Miðasala 568 8000 www.borgarleikhusid.is
Í KVIKMYNDINNI United 93 er
sett á svið það sem átti sér stað um
borð í farþegavél í flugi United-
flugfélagsins númer 93 sem fórst
með öllum farþegum á akri í Penn-
sylvaníu í Bandaríkjunum hinn ör-
lagaríka 11. september 2001. Fjórir
hryðjuverkamenn höfðu þá freistað
þess að taka yfir stjórn vélarinnar
til að brotlenda henni á eða í
grennd við Hvíta húsið, þar sem
forseti Bandaríkjanna hefst við.
Telja margir að farþegum flugvél-
arinnar hafi tekist að yfirbuga
mennina og afstýra með því frekari
hörmungum en áttu sér stað þenn-
an dag.
Samþykki aðstandenda
Breski leikstjórinn Paul Green-
grass byggir sviðsetningu þess sem
fram fór í vélinni að stærstum hluta
á símtölum frá farþegum hennar,
bæði til yfirvalda og ástvina sinna.
Greengrass átti í nánu samstarfi
við aðstandendur fórnarlambanna,
fékk samþykki frá fjölskyldum allra
fjörutíu farþeganna fyrir gerð
myndarinnar og lagði mikið upp úr
að komast sem næst sannleikanum
um það sem gerðist um borð. Hon-
um þykir hafa tekist vel upp og
myndin hefur fengið góðar viðtökur
þrátt fyrir háværa gagnrýni í
fyrstu um réttmæti þess að gera
kvikmynd um atburðinn þegar ekki
var lengra liðið frá honum. Eftir
sýningu myndarinnar á kvik-
myndahátíðinni í Cannes blés hann
á slíka gagnrýni enda væru fjöl-
miðlar búnir að velta sér upp úr
þessum atburðum í fimm ár. Og
þrír aðstandendur, sem komu með
honum til Cannes, tóku undir þetta.
Greengrass sagðist þar ekki hafa
vitneskju um hvað nákvæmlega
gerðist um borð í flugvélinni en vit-
að væri hvað gerðist annars staðar
og byggt væri á því. Hann efast
ekki um að myndin sýni raunsanna
mynd af því sem gerðist, nær því
verði ekki komist.
Vildi alls ekki hlutverkið
Khalid Abdalla leikur einn flug-
ræningjanna í myndinni og sagðist
hann hafa þurft að hugsa sig vel
um áður en hann tók hlutverkið að
sér.
„Ég vildi alls ekki fá þetta hlut-
verk og fór óviljugur í prufu, bæði
vegna steríótýpunnar og hatursins
sem fylgir þessu. En eftir að hafa
séð myndir Pauls og talað við hann
ákvað ég að slá til. Hann spurði
mig meðal annars hvort ég teldi að
það væri mögulegt að gera þessa
mynd rétt.
Ég er ekki bara að leika hryðju-
verkamanninn heldur manninn sem
passaði ekki inn í steríótýpuna og
hafði samband við fjölskyldu sína
meðan á þessu stóð. Maður hlýtur
því að gera ráð fyrir að eitthvað
hafi komið upp á, svo sem tafir eða
mótmæli. Þarna voru fáir menn
sem stóðu fyrir milljónir múslima
og ég var meðal þeirra sem þeir
rændu. En allar steríótýpur eru
rangar og þetta er mitt framlag til
að breyta því,“ sagði Abdalla.
Engir hetjustælar
„Paul tók líka strax fyrir það að
sýna einhvern hetjuskap meðal far-
þega,“ bætti David Basche við, sem
leikur einn farþeganna í myndinni.
„Hann vildi enga John Wayne-
stæla og enginn átti að skera sig
úr. Viðbrögð farþeganna voru
þannig að þeir voru allir hetjur og
hugrakkir. Þú gerir það sem þú
heldur að sé rétt og þetta
ókunnuga fólk kom saman sem einn
í hetjuskap.“
United 93 var frumsýnd í kvik-
myndahúsum í gær.
Flug United
93 sviðsett
Morgunblaðið/Halldór Kolbeins
Aðstandendur Fjölmargir ástvinir þeirra sem létust í flugvél United 93 komu til Cannes til að fylgja mynd
Greengrass úr hlaði, en myndin var unnin í náinni samvinnu við aðstandendur farþeganna.
Eftir Soffíu Haraldsdóttur
soffia@islandia.is
Kvikmyndir | Hryðjuverkin 11. september