Morgunblaðið - 02.09.2006, Blaðsíða 6
6 LAUGARDAGUR 2. SEPTEMBER 2006 MORGUNBLAÐIÐ
FRÉTTIR
Nýtt aðsetur
Skrifstofa Samvinnulífeyrissjóðsins
hefur verið flutt úr Húsi verslunarinnar
að Stórhöfða 31 í Reykjavík.
Hún er opin virka daga kl. 8:00-16:00.
Samvinnulífeyrissjóðurinn
Stórhöfða 31, 110 Reykjavík
Sími 520 5500 - Fax 581 3642
Í RÆÐU sinni á flokksráðsfundi Vinstri grænna
í gær sagði Steingrímur J. Sigfússon, formaður
flokksins, að það væri þreyttasta klisja íslenskra
stjórnvalda þegar flokkar héldu því fram að þeir
gengju óbundnir til kosninga. „Það eru nú meiri
ósköpin hvað framsóknarflokkurinn er óbundinn
um þessar mundir,“ bætti hann við.
Flokksráðsfundurinn markar upphafið að und-
irbúningi VG fyrir alþingiskosningarnar næsta
vetur. Í gær var m.a. rætt um hvað hefði tekist
vel og hvað miður í sveitarstjórnarkosningunum
og hvaða lærdóm mætti draga af því. Ræða for-
mannsins var þó tvímælalaust hápunktur dags-
ins.
Steingrímur sagði að VG hefði einföld og skýr
markmið; skipta yrði um ríkisstjórn og um
stjórnarstefnu. Stjórnarand-
staðan stæði nú frammi fyrir
tveimur valkostum; ann-
aðhvort myndi hún stilla sam-
an strengi sína og bjóða upp á
sjálfa sig sem skýran valkost
eða kosningarnar gætu snúist
um hvaða flokkur fengi að
vera með Sjálfstæðisflokknum
í ríkisstjórn.
Það væri sjálfsagður og
eðlilegur metnaður hjá stjórn-
arandstöðu að vilja taka við
stjórnartaumunum og það þætti víðast hið sjálf-
sagðasta mál. Hann benti á að í næstsíðustu
þingkosningum í Danmörku hefði þarlendur
miðjuflokkur reynt að halda því fram að hann
gengi óbundinn til kosninga. Þetta hefði Dönum
þótt hlægilegt og á endanum hafi flokkurinn
neyðst til að gefa skýr svör.
Ekki sameiginlegt framboð
Steingrímur ítrekaði að flokkurinn réði því að
sjálfsögðu ekki einn hvernig hugsanlegri sam-
stillingu yrði háttað og auðvitað væri heilmikið
svigrúm í því hversu langt menn gætu gengið í
sambandi við málefnalega samstillingu eða yf-
irlýsingar um samstarf. „Meira verður það auð-
vitað ekki. Það er mjög mikilvægt að menn séu
ekki með einhvern ruglanda í þeim efnum. Það
stendur ekkert til að menn reyni að bjóða fram
saman eða eitthvað í þeim dúr.“
Uppgjör við stjórnarstefnuna
Í ræðu sinni sagði Steingrímur að næstu kosn-
ingar yrðu númer eitt og á undan öllu öðru að
snúast um umhverfismál. Kosningarnar yrðu að
vera uppgjör við „landdrekkingarstefnu“ Fram-
sóknarflokksins og ríkisstjórnarinnar í umhverf-
ismálum. Kosningarnar yrðu einnig að snúast
um Kárahnjúkavirkjun, ekki bara um fram-
kvæmdina sjálfa heldur einnig þau ólýðræðislegu
og ófaglegu vinnubrögð sem hefðu verið stunduð
við undirbúning hennar. Það yrði að rifja upp að
Kárahnjúkavirkjun féll í umhverfismati og að
um sama leyti og Alþingi fjallaði um málið á út-
mánuðum 2002 hefðu stjórnvöld legið á bráða-
birgðaniðurstöðum rammaáætlunar sem kolfelldi
Kárahnjúkavirkjun með þeim orðum að hún
væri ein versta virkjun sem hægt væri að ráðast
í. Kosningarnar yrðu líka að snúast um stór-
aukna misskiptingu í valdatíð ríkisstjórnarinnar,
um utanríkisstefnu sem nú einkenndist af al-
gjörri fylgispekt við Bandaríkin og við grodda-
lega atvinnu- og byggðastefnu ríkisstjórnarinnar
sem tryði á „risaverksmiðjuhlussur“ sem væri
komið fyrir á einum og einum stað. Steingrímur
sagði að VG yrði að vera tilbúin til viðræðna við
aðra flokka um hvernig koma mætti ríkisstjórn-
inni frá völdum og að kjósendur yrðu að geta
kosið hvort þeir vildi græna velferðarstefnu og
algjör umskipti við stjórn landsins. Nú væri
brýnna en nokkru sinni fyrr að koma stjórninni
frá völdum, þó ekki væri fyrir annað en til að
stöðva það sem væri í pípunum í stóriðjumál-
unum.
Gagnrýndi Davíð Oddsson
Steingrímur vék orðum sínum að ummælum
Davíðs Oddssonar um umræðuna um grein-
argerð Gríms Björnssonar jarðeðlisfræðing um
Kárahnjúkavirkjun. Steingrímur sagði að það
hefði verið tímabært að leiðrétta þann misskiln-
ing að Davíð væri hættur í pólitík. Hann teldi
það reyndar einsdæmi, a.m.k. svona vestarlega á
hnettinum, að seðlabankastjóri væri ekki aðeins
fyrrverandi stjórnmálamaður sem hefði verið
ráðinn til Seðlabankans á pólitískum forsendum
heldur væri hann, eftir allt saman, enn starfandi
stjórnmálamaður og það þrátt fyrir að í lögum
um Seðlabankann væri kveðið á um að bankinn
ætti að vera algjörlega óháður stjórnvöldum.
Bauð útvarpsstjóra í kappræðu
Í ræðu sinni gagnrýndi Steingrímur Rík-
isútvarpið harðlega fyrir að hafa leyft Valgerði
Sverrisdóttur, fyrrverandi iðnaðarráðherra, að
bola sér út úr Kastljósinu í vikunni þegar ræða
átti greinargerð Gríms Björnssonar. Ritstjóri
Kastljóssins hefði reynt að vera málefnalegur í
sínum svörum en Páll Magnússon hefði hreytt í
sig skætingi. „Og ég ætla að nota tækifærið og
bjóða Páli Magnússyni upp á kappræður, í Kast-
ljósinu ef svo ber undir, um þetta mál. Hvort að
það sé eðlilegt að Ríkisútvarpið okkar allra lúti
svona valdinu. En kannski vill Páll vera einn og
þá það,“ sagði Steingrímur og uppskar hlátur úr
salnum.
Steingrímur skaut einnig föstum skeytum að
Morgunblaðinu og sagði hann m.a. að blaðið
væri helsta stoðtæki Sjálfstæðisflokksins. Blaðið
rembdist við að skrifa um íslensk stjórnmál
þannig að þau snerust um hvaða flokkar gætu
starfað með Sjálfstæðisflokknum og síðan hamp-
aði blaðið stjórnmálamönnum eða hirti, allt eftir
því hvort blaðinu sýndist að þeir væru verðugir
til samstarfs við „stóra bróður“ þ.e. Sjálfstæð-
isflokkinn
„Óbundnir til kosninga“
er þreyttasta klisjan
Steingrímur
J. Sigfússon
Morgunblaðið/Brynjar Gauti
Hlusta Svandís Svavarsdóttir borgarfulltrúi og Kolbrún Halldórsdóttir alþingismaður hlustuðu
grannt á ræðu formannsins á flokksráðsfundinum sem hófst á Grand Hóteli Reykjavík í gær.
Eftir Rúnar Pálmason
runarp@mbl.is
ER GUÐJÓN Arnar Kristjánsson,
formaður Frjálslynda flokksins,
var spurður um ummæli Stein-
gríms J. Sigfússonar, á fundi
flokksráðs VG, sagði hann að
flokkurinn hefði
ekki tekið neina
formlega af-
stöðu til banda-
lagsmyndunar
með Vinstri
grænum. „Þeg-
ar Ingibjörg var
spurð um málið
sagðist hún
myndi bjóða
okkur í kaffi.
Ég mun þiggja
kaffiboðið enda er ég alltaf til í
að spjalla við fólk um stjórnmál,“
segir Guðjón og aftekur ekki að
hann myndi einnig þiggja slíkt
kaffiboð með forystumönnum
stjórnarflokkanna. „Ég myndi
spjalla við þá ef þeir bæðu mig
um að tala við sig,“ segir hann.
Guðjón telur hins vegar að
stjórnarandstöðunni beri skylda
til að ræða saman um stjórn-
armyndun ef að henni tekst að
fella ríkisstjórnina úr sessi.
„Flóknara er það nú ekki,“ segir
Guðjón.
Um viðræður fram að kosn-
ingum segir hann hins vegar að
margt geti gerst. „Það eru marg-
ir dagar til kosninga og flokk-
arnir eiga eftir að gera stefnu-
skrá og eflaust ræða eitthvað
saman til að bera saman mál sín,“
segir Guðjón.
Steingrímur hefur
fullt málfrelsi
Spurður að því hvort hann telji
Steingrím fara oft geyst í um-
ræðu um samstarf telur hann svo
ekki vera. „Steingrímur hefur
fullt málfrelsi og má tala eins og
honum sýnist á fundi hjá eigin
flokki. Hann orðar líka hlutina
oft skemmtilega,“ segir hann.
Spurður hvort Frjálslyndi
flokkurinn eigi margt sameig-
inlegt með Samfylkingu og
Vinstri grænum annað en að vera
með þeim í stjórnarandstöðu seg-
ir hann að flokkarnir hafi oft
verið samstiga á undanförnum
tveimur til þremur árum og nefn-
ir hann sem dæmi velferðarmál
og skattamál. „Hins vegar þarf
kannski að ræða fleiri mál en
þessi og kannski leggjum við ein-
hver mál fram sameiginlega, en
það kemur bara í ljós,“ segir
Guðjón að lokum.
„Ég mun
þiggja
kaffiboðið“
Guðjón A.
Kristjánsson
„MÉR finnst þessi hugmynd Stein-
gríms um kosningabandalag athygl-
isverð í ljósi þess að árið 1999 ákváðu
Alþýðubandalag, Alþýðuflokkur og
Kvennalisti að snúa bökum saman og
stofna kosningabandalag sem heitir
Samfylkingin. Með því töldu menn á
þessum væng stjórnmálanna að þeir
væru að láta gamlan draum rætast. Þá
ákvað Steingrímur að taka ekki þátt í
kosningabandalaginu,“ segir Ingi-
björg Sólrún Gísladóttir, formaður
Samfylkingarinnar, en bætir við að menn geti samt alltaf
haft sinnaskipti.
„Ég er þeirrar skoðunar að það þurfi nýja ríkisstjórn
undir forystu Samfylkingarinnar til að taka á þeim
ójöfnuði sem hefur fengið að viðgangast í tíð núverandi
stjórnar, til að koma á stöðugleika í efnahagsmálum og
breyta atvinnustefnunni með því að leggja af þá stór-
iðjustefnu sem hefur verið ríkjandi. Þetta er ég tilbúin
að ræða við Steingrím. Mér finnst hann hins vegar fara
full bratt af stað og er hrædd um að leiðin til samstarfs
liggi ekki í gegnum svona fjölmiðlaleikrit,“ segir Ingi-
björg Sólrún sem telur þó flokk sinn eiga ákveðna mál-
efnalega samleið með Vinstri grænum. „Á ýmsum svið-
um höfum við fulla samleið. Ásamt Frjálslynda flokknum
erum við samstiga í því að berjast gegn ójöfnuðinum sem
er að þróast. Svo viljum við sjá öðruvísi atvinnustefnu og
eigum ákveðna samleið í umhverfismálum,“ segir Ingi-
björg Sólrún en tekur svo fram að aðrir málaflokkar
greini flokkana að. „Það má nefna afstöðuna til Evrópu-
sambandsins og landbúnaðarstefnunnar auk ýmissa at-
riða sem lúta að opinberum rekstri,“ segir hún.
Spurð um gagnrýni Steingríms á flokka sem lýsa því
ávallt yfir að þeir gangi óbundnir til kosninga segir Ingi-
björg Sólrún að Framsóknarflokkurinn hafi gefið út slík-
ar yfirlýsingar undanfarnar kosningar en endi svo alltaf
í samstarfi við Sjálfstæðisflokkinn. „Það má segja að þeir
hafi gert hugtakið innihaldslaust. Það er þjóðin sem tal-
ar og hún sendir ákveðin skilaboð. Hún hefur margoft
sent þau skilaboð að það sé tími til fyrir Framsókn-
arflokkinn að taka sér hlé, en samt situr flokkurinn við
stjórnvölinn sama hvort maður lítur til borgarinnar eða
landsstjórnarinnar,“ segir hún.
Spurð að því hvort hún telji flokki sínum ókleift að ná
fram stefnumarkmiðum sínum í samstarfi við stjórn-
arflokkana segir Ingibjörg að það hafi ekkert á það
reynt. „Flokkarnir tveir líma sig æ fastar saman og það
eru engin teikn á lofti um annað en að þeir vilji vera
áfram í samstarfi. Út frá þessu hljótum við að vinna. Það
er því mjög eðlilegt að stjórnarandstaðan láti á það
reyna hvort vilji sé fyrir samstarfi ef ríkisstjórnin fellur.
Þá hafa kjósendur einfaldlega sent okkur þau skilaboð,“
segir Ingibjörg Sólrún. Spurð að því hvort slíkar við-
ræður muni fara fram fyrir kosningar segir hún að
menn eigi ekki að fara of bratt í umræðuna en að Stein-
grími og Guðjóni Arnari, formanni Frjálslynda flokks-
ins, verði boðið í kaffi til sín á næstunni.
Athyglisverð hugmynd Steingríms
Ingibjörg Sólrún
Gísladóttir
»Steingrímur J. Sigfússon segist hafa lagttil samstillingu stjórnarandstöðunnar
fyrir alþingiskosningarnar 2003 en þá hefði
hugmyndin hlotið dræmar undirtektir hjá
Ingibjörgu Sólrúnu Gísladóttur sem þá var
forsætisráðherraefni Samfylkingarinnar.
»Flokksráð er skipað stjórn VG og vara-stjórn, þingmönnum og varaþingmönn-
um, fulltrúum flokksins í sveitarstjórnum,
formanni Ungra vinstri grænna, formönnum
kjördæmisráða og svæðisfélaga auk 30 full-
trúa kjörinna beinni kosningu á landsfundi.
»Fyrir fundinum liggur tillaga um að flýtanæsta landsfundi og halda hann í mars á
næsta ári.
»Fundurinn mun einnig taka afstöðu tilþriggja ályktana; um frestun á fyllingu
Hálslóns, um aukna misskiptingu í valdatíð
ríkisstjórnarinnar og um möguleika á líf-
rænni framleiðslu.
Í HNOTSKURN