Morgunblaðið - 30.09.2006, Side 22
22 LAUGARDAGUR 30. SEPTEMBER 2006 MORGUNBLAÐIÐ
ÁRBORGARSVÆÐIÐ
Eftir Guðrúnu Völu Elísdóttur
Borgarnes | Símenntunarmiðstöð Vesturlands
hefur vaxið og dafnað frá því hún var stofnuð
árið 1999. Inga Dóra Halldórsdóttir er nýráð-
inn framkvæmdastjóri, en Inga Sigurðardóttir
sem gegnt hefur því starfi er í ársleyfi. Í tilefni
af viku símenntunar var sl.
þriðjudag opið hús hjá Sí-
menntunarmiðstöðinni á
Vesturlandi, nýtt húsnæði
miðstöðvarinnar í Borgar-
nesi kynnt og ný vefsíða
opnuð.
Inga Dóra segir það hafa
verið ákveðin tímamót hjá
starfsmönnum þegar starf-
semin var flutt í stærra og
rúmbetra húsnæði. „Áður
vorum við hér á efri hæðinni í einu herbergi og
var farið að þrengja verulega að okkur. Þetta
endurspeglar m.a. þá gróskumiklu starfsemi
sem er hjá okkur og sýnir að þörfin er svo sann-
arlega fyrir hendi og verkefnin næg.“
Þrír starfsmenn eru í Símenntunarmiðstöð-
inni, en í byrjun ágúst var ráðinn náms- og
starfsráðgjafi. Það var gert í tengslum við
kjarasamninga þar sem samið var um að aukið
fjármagn yrði veitt til náms- og starfsráðgjafar
á vinnumarkaði. Markhópurinn samanstendur
af ófaglærðum á vinnumarkaði sem aðild eiga
að ASÍ.
Þrjár námsleiðir í boði
Fram kemur hjá Ingu Dóru að horfa eigi á sí-
og endurmenntun sem hluta af framboði
menntunar í landshlutanum. „Við gerum kröfur
um að hafa öfluga og góða leikskóla, grunn-
skóla, framhaldsskóla og háskóla og við eigum
líka að gera kröfu um að hafa aðgang að góðri
símenntunarmiðstöð sem bæði brúar bilið á
milli atvinnulífs og skóla, en er ekki síður stofn-
un sem getur skipulagt símenntun fyrir starfs-
menn og fyrirtæki á svæðinu.
Við sjáum það líka í nýundirskrifuðum Vaxt-
arsamningi Vesturlands hversu mikil áhersla
er lögð á að sjá og greina þau tækifæri sem fel-
ast í sívaxandi þekkingarsamfélagi.“
Í janúar á þessu ári var undirritaður þjón-
ustusamningur á milli Fræðslumiðstöðvar at-
vinnulífsins og Samtaka atvinnulífsins og ASÍ
um aukið fjármagn til að veita fólki á vinnu-
markaði með litla grunnmenntun, innflytjend-
um og öðrum sambærilegum hópum tækifæri
til að afla sér menntunar og styrkja stöðu sína á
vinnumarkaði. „Þetta nám er mismunandi
langt,“ segir Inga Dóra „en það er metið til ein-
inga á framhaldsskólastigi, allt eftir umfangi
námsins. Hér á Vesturlandi verður boðið upp á
þrjár námsleiðir nú í haust. Nú þegar er hafin
starfsemi Landnemaskólans í Ólafsvík sem ætl-
aður er fullorðnu fólki af erlendum uppruna
sem hefur búið hér um skeið. Námið er m.a. lið-
ur í að hjálpa fólkinu að aðlagast betur íslensk-
um aðstæðum.“
Símenntun mun einnig fara af stað með nám
á Snæfellsnesi sem ætlað er ófaglærðu fólki
sem starfar í leik- og grunnskólum. „Einnig er í
burðarliðnum að fara af stað með nám sem heit-
ir „Aftur í nám“ og er sérstaklega ætlað þeim
sem glíma við lestrar- og skriftarörðugleika.“
Einstaklingsmiðuð kvennasmiðja
„Fjórða stóra verkefnið sem við erum að
vinna að og vonumst til að geti farið af stað í
október er menntasmiðja kvenna,“ segir Inga
Dóra og leggur áherslu á að smiðjan sé opin öll-
um konum á Vesturlandi. Námið er byggt á sjö
námslotum sem dreifast á helgar, bæði á haust-
og vorönn.
„Fyrirmynd menntasmiðju kvenna er sótt til
lýðháskóla á Norðurlöndum sem og frá svoköll-
uðum kvennadagskóla í Kaupmannahöfn (Köb-
enhavns kvindedagshöjskole). Uppbygging
námsins er með öðrum hætti en í hinu hefð-
bundna skólakerfi. Námið er mjög einstak-
lingsmiðað og sniðið að þörfum nemandans.
Þetta er í fjórða sinn sem slík menntasmiðja er
sett á fót á Vesturlandi og er það von okkar að í
framtíðinni verði þetta nám að viðurkenndri
námskrá líkt og þær námskrár sem lýst var hér
á undan.“
Eitt af verkefnum Símenntunarmiðstöðvar-
innar er að halda utan um fjarnámsaðstöðu fyr-
ir nemendur í samvinnu við sveitarfélögin á
Vesturlandi, sem Inga Dóra segir hafa komið
myndarlega að samstarfinu. Nokkur fjöldi
nemenda stundar fjarnám á Vesturlandi og
hluti þeirra nýtir sér aðstöðu í námsverum
sveitarfélaganna sem eru á fimm stöðum á
Vesturlandi. Einkum hafa nemendur frá Há-
skóla Íslands og Háskólanum á Akureyri nýtt
sér þessa aðstöðu. Einnig hefur verið nokkuð
um það að starfsmenn fyrirtækja og stofnana
sæki styttri námskeið á fjarfundum.
Eins og fram hefur komið eru verkefnin næg
og þörfin einnig. Inga Dóra telur að Símennt-
unarmiðstöðin hafi sannað gildi sitt því sókn í
námskeið hefur farið sívaxandi frá stofnun
hennar árið 1999.
Símenntunarmiðstöð Vesturlands vex og dafnar og hefur nú flutt í nýtt húsnæði í Borgarnesi
Eðlilegur hluti af framboði menntunar
»Símenntunarmiðstöð Vesturlandsbýður þrjár námsleiðir á haustönn,
meðal annars nám fyrir innflytjendur og
ófaglært starfsfólk skólanna.
»Framkvæmdastjórinn segir áherslurtalsvert hafa breyst, fyrst í stað var
aðsókn í tómstundanámskeið mikil, en
aukin áhersla sé nú lögð á starfstengd
námskeið og námstækifæri þó að tóm-
stundanámskeiðin eigi alltaf sinn sess.
» „Símenntunarmiðstöðin blómstrarsamt ekki nema með dyggum stuðn-
ingi ríkis, sveitarfélaga, stéttarfélaga,
stofnana, fyrirtækja og einstaklinga til
að byggja hana upp og vinna sameigin-
lega að því að hækka menntunarstigið á
svæðinu, ýta undir frumkvæði fólksins og
bjartsýni.“
Í HNOTSKURN
Hveragerði | Allan Koch, garð-
yrkjumaður í Eden, uppgötvaði sér
til mikillar ánægju að eitt tréð í
garðyrkjustöðinni, ficus pumula,
hafði þroskað ávöxt. Fíkustré hefur
aldrei áður borið ávöxt í Eden, að
hans sögn.
„Ég var að sópa gólfið og rakst
þá á ávöxtinn sem ég hélt fyrst að
væri kíví en þegar betur var að gáð
þá var þetta af fíkusnum,“ sagði
Allan sem hefur verið garðyrkju-
maður í þrjátíu ár og aldrei séð
ávöxt af fíkustré.
Hann hefur nefnt þetta við aðra
garðyrkjumenn og allir verið undr-
andi yfir þessum tíðindum.
Allan ætlar að taka ávextina þeg-
ar þeir falla af trénu og gera til-
raun með að sá fræjunum sem eru
inni í aldini. Hann er spenntur að
sjá hvernig það gengur.
Morgunblaðið/Sigurður Jónsson
Óvæntur
ávöxtur af
fíkustré
Eftir Sigurð Jónsson
Selfoss | „Aðstaða og aðgengi fyrir
fatlaða hér á hótelinu er mjög gott.
Við erum með tíu herbergi sem voru
sérstaklega hönnuð með þetta í huga
og síðan erum við með sex önnur
herbergi sem við getum auðveldlega
breytt. Svo er hér líka gott aðgengi
fyrir fatlaða að öllum sölum í húsinu
þannig að þeir geta farið óhindrað
um húsið eins og aðrir gestir. Það
finnst okkur vera mikið atriði og frá-
bært að geta boðið fólki upp á þetta,“
sagði Ásbjörn Jónsson, hótelstjóri á
Hótel Selfoss, en hótelið var það eina
á landinu sem gat tekið á móti 150
manna ráðstefnu á vegum MND fé-
lagsins á Íslandi þar sem stór hópur
þátttakenda var í hjólastólum.
Núverandi eigendur hótelsins
hafa haldið áfram uppbyggingu þess
í þeirri mynd sem það var hannað og
hafa gert átak í að efla þjónustu hót-
elsins. Fram undan er síðan vinna
við 200 fermetra heilsulind sem
verður í hótelinu sem Ásbjörn segir
að verði opnuð á fyrri hluta næsta
árs.
Lifandi starf
„Þetta ár hefur verið mjög gott og
aldrei jafn mikið að gera. Það er í
raun skemmtilegt hvað haustið og
vorið er góður tími hvað aðsókn
snertir en það tengist því að við er-
um með fullkomna ráðstefnuaðstöðu
sem sótt er í. Svo erum við líka stórir
í árshátíðum en segja má að um
hverja helgi séu hérna stórar og litl-
ar árshátíðir. Síðan kemur að jóla-
hlaðborðunum hjá okkur,“ sagði Ás-
björn hótelstjóri og hefur á reiðum
höndum það sem er á döfinni í hótel-
inu sem segja má að hafi vaxið með
hverju árinu og dregur nú að fjölda
fólks sem vel verður vart við í bæj-
arlífinu á Selfossi.
„Já, það er skemmtilegt að vera
hótelstjóri. Þetta er mjög lifandi
starf. Það er enginn dagur eins og
það gefur starfinu mikið gildi. Á
svona hóteli úti á landi þarf maður að
geta farið í hvaða starf sem er og
kunna skil á öllu og geta tekið þátt í
starfinu með starfsfólkinu. Það eru
samskiptin við gestina sem er mest
gefandi í þessu, maður er alltaf með
nýtt fólk og tilbreytingin því mikil.
Það er sérstaklega gaman á sumrin
að vera með alla útlendingana og
heyra hvað það er sem heillar þá en
þeir eru mjög opnir og segja frá
hrifningu sinni á landi og þjóð. Þá
bærir þjóðarstoltið á sér hjá manni
en þeir sjá gjarnan það sem við
sjáum ekki eða erum hætt að taka
eftir.
Svo er bara gaman að reka Hótel
Selfoss. Við erum miðpunkturinn á
Suðurlandi og nærri helstu náttúru-
perlum landsins. Suðurlandið hefur
upp á svo margt að bjóða,“ sagði Ás-
björn.
Dýrmætt að hafa gott
aðgengi að hótelinu
Morgunblaðið/Sigurður Jónsson
Ráðstefnur Ásbjörn Jónsson hótelstjóri hefur unnið að uppbyggingu Hót-
els Selfoss sem ráðstefnuhótels. Hér er hann á þriðju hæð anddyris.
Í HNOTSKURN
»Þann litla frítíma sem hót-elstjórinn hefur frá krefj-
andi starfi segist hann reyna að
nýta með fjölskyldu og vinum.
»„Svo reynum við að ferðastef mögulegt er,“ segir Ás-
björn Jónsson.
Selfoss | Lögreglan í Árnessýslu
hefur gert ráðstafanir til þess að fá
til sín fíkniefnahund til að efla leit að
fíkniefnum. Embættið hefur fengið
fjölda peningagjafa til kaupanna,
meðal annars stórgjafir frá einstak-
lingum.
Í síðustu viku barst embættinu
gjöf frá eldri hjónum í Þorlákshöfn
að fjárhæð 300.000 kr. og sömuleiðis
gjöf frá Bílamálun Agnars á Selfossi.
Hjónin vilja ekki láta nafna sinna
getið, en þau kváðust hafa gefið
þessa myndarlegu gjöf af virðingu
við barnabörn sín og lýstu einlægum
áhuga á því að leggja þessu þarfa
máli lið. Hin myndarlega gjöfin, frá
Bílamálun Agnars, var einnig gefin
af góðum hug til málefnisins og þess
var sérstaklega getið að 10.000 kr.
væru gefnar fyrir hvert barn og
barnabarn hjónanna sem eiga og
reka fyrirtækið, alls 140.000 kr. Í
vikunni þar á undan fékk sýslumað-
ur afhentar 500 þúsund kr. frá bónda
sem ekki vildi láta nafns síns getið.
Ómetanlegur stuðningur
„Sérstaklega er þakkað fyrir góð-
an hug og velvilja sem sýndur er í
verki með þessum höfðinglega hætti.
Hafi gefendur þakkir fyrir sem áður
hefur verið getið auk Postulanna,
samtaka bifhjólamanna. Þessi fram-
lög hafa gert okkur kleift að gera
ráðstafanir til að fá til okkar hund
frá Noregi, en nokkurn tíma tekur
að afgreiða þessa kostagripi. Ein-
ungis vantar herslumuninn til að
átakið sem að var stefnt sé að fullu í
höfn. Lögreglunni er það ómetanlegt
að finna þennan stuðning samborg-
aranna,“ segir í fréttatilkynningu frá
sýslumanninum á Selfossi.
Hafa pant-
að fíkni-
efnahund
LANDIÐ
Morgunblaðið/Guðrún Vala Elísdóttir
Nudd Margrét Ástrós Helgadóttir nuddar
Atla Harðarson á opnu húsi Símenntunar-
miðstöðvar. Guðjón Brjánsson fylgist með.
Inga Dóra
Halldórsdóttir