Morgunblaðið - 30.09.2006, Blaðsíða 42
42 LAUGARDAGUR 30. SEPTEMBER 2006 MORGUNBLAÐIÐ
KIRKJUSTARF
Kirkjuleg sveifla í Bústaðakirkju
KIRKJULEG sveifla verður í Bústaðakirkju á sunnudag
kl. 14. Um árabil hefur Bústaðakirkja staðið fyrir fjöl-
breyttu helgihaldi. Kirkjulega sveifla er hluti af þeirri
fjölbreytni. Innan hennar rúmast ýmsir stílar tónlistar-
innar. Næstkomandi sunnudag kl. 14 kemur fram Kór Bú-
staðakirkju og stjórnandi hans, Guðmundur Sigurðsson,
ásamt hljómsveit hússins. Hljómsveitina skipa Sigurgeir
Sigmundsson, gítar, Birgir Bragason, kontrabassi, og
Guðmundur Steingrímsson, trommur. Prestur er sr.
Pálmi Matthíasson. Í sveiflunni er áhersla lögð á nýjar út-
setningar ýmissa fjörugra laga í bland við annað efni.
Fólk er hvatt til að fjölmenna í Kirkjulega sveiflu í Bú-
staðakirkju nk. sunnudag kl. 14. sem jafnframt er Kirkju-
dagur Súgfirðingafélagsins sem annast ritningalestra.
Guðrún Gunnarsdóttir og
Valgeir Skagfjörð í léttmessu
í Árbæjarkirkju
HJÓNIN Guðrún Gunnarsdóttir og Valgeir Skagfjörð
koma í léttmessu í Árbæjarkirkju á sunnudag kl. 20 og sjá
um tónlistina. Þetta er fyrsta léttmessa vetrarins, en þær
eru orðnar fastur liður í Árbæjarkirkju. Meðal laga sem
þau munu flytja eru: Litla barn með lipran fót, Ég geng til
sigurs og Ég storminn hef í fangið, sem öll eru samin af
Valgeiri.
Sr. Sigrún Óskarsdóttir og Erna Björk Harðardóttir,
háskólanemi og starfsmaður kirkjunnar, munu leiða
stundina ásamt því að flytja hugvekju.
Eftir messuna verður boðið upp á léttar veitingar og
gott samfélag í safnaðarheimilinu.
Stór dagur í Garðaprestakalli
SUNNUDAGINN 1. október kl. 14 mun biskup Íslands hr.
Karl Sigurbjörnsson vígja tvo þjóna til starfa við Vinaleið
í grunnskólum í Garðabæ og Álftanesi. Hans Guðberg Al-
freðsson verður vígður prestur og Jóhanna Guðrún Ólafs-
dóttir vígð djákni.
Fjölskylduguðsþjónusta verður í Vídalínskirkju kl. 11
þennan sama dag þar sem Hans Guðberg Alfreðsson og
Jóhanna Guðrún Ólafsdóttir þjóna ásamt Hjördísi Rós
Jónsdóttur sunnudagaskólaleiðtoga og Nönnu Guðrúnu
Zoëga djákna. Barnakór Hofstaðaskóla leiðir lofgjörðina.
Kl. 14 verður messa í Garðakirkju þar sem sr. Svanhildur
Blöndal þjónar, en hún er starfandi prestur við Hrafnistu
og Vífilsstaði. Jóhann Baldvinsson organisti og kór Vídal-
ínskirkju leiða lofgjörðina. Allir velkomnir. Sjá
www.gardasokn.is.
Kvenfélagsmessa í
Fríkirkjunni í Hafnarfirði
VIÐ guðsþjónustu á sunnudaginn í Fríkirkjunni í Hafn-
arfirði verður starf Kvenfélags Fríkirkjunnar kynnt sér-
staklega og minnt á mikilvægt framlag kvenfélagsins um
áratugaskeið.
Ef litið er á sögu Fríkirkjunnar í Hafnarfirði má ljóst
vera að hlutur kvenfélagsins hefur verið gríðarlega mik-
ilvægur. Allt frá upphafi hefur kvenfélagið fært kirkjunni
sinni stórar gjafir og stutt við starfið á allan hátt. Má geta
þess að kvenfélagið átti frumkvæðið að því á 7. áratugn-
um að hefja barnastarf við kirkjuna á sunnudags-
morgnum. Hefur kvenfélagið alltaf lagt mikið metnað í
það að styðja allt starf fyrir börn og unglinga. Auk þess að
standa fyrir skemmtilegu starfi fyrir sínar félagskonur.
Guðsþjónusta á sunnudaginn hefst kl. 13.
Gospelkvöldmessa og
fjölskylduhátíð
í Hafnarfjarðarkirkju
GOSPELKVÖLDMESSA verður í Hafnarfjarðarkirkju á
sunnudag kl. 20. Gospelsveit á vegum Fíladelfíu syngur
og leikur undir stjórn Óskars Einarssonar. Einsöngvarar
verða Hrönn Svansdóttir og Edgar Smári. Óskar Ein-
arsson leikur á píanó og Símon Hjaltason á gítar. Gosp-
elsöngvar eru hrífandi og fjörugir og glæða lífs og trúar-
gleði. Prestar eru sr. Gunnþór Þ. Ingason og sr. Kjartan
Jónsson.
Fyrr um daginn kl. 11 fer fjölskylduhátíð sunnudaga-
skólanna fram í kirkjunni. Hljómsveitin Gleðigjafar leikur
og barnakór kirkjunnar syngur undir stjórn Helgu Lofts-
dóttur við undirleik Önnu Magnúsdóttur. Eftir stundina í
kirkjunni er boðið upp á góðgæti í safnaðarheimilinu
Strandbergi.
Bangsadagur og vöfflukaffi
í Fríkirkjunni í Reykjavík
BARNAGUÐSÞJÓNUSTA kl. 14. Börnin eru sérstaklega
hvött til að koma með uppáhalds bangsann sinn eða jafn-
vel dúkku í guðsþjónustuna, því Engilráð og hinir fugl-
arnir eru spennt að hitta fleiri mjúk dýr! Ása Björk,
Nanda og Pétur leiða stundina. Eftir guðsþjónustuna fjöl-
mennum við í vöfflukaffi til hennar Lovísu í safn-
aðarheimilinu á Laufásvegi 13. Allir velkomnir að næra
bæði hug og líkama.
Máttur bænarinnar
í Fríkirkjunni í Reykjavík
KVÖLDGUÐSÞJÓNUSTA kl. 20. Þema guðsþjónust-
unnar er „máttur bænarinnar“. Bænin er samtal okkar
við Guð. Anna Sigga, Carl Möller og Fríkirkjukórinn leiða
almennan safnaðarsöng, en Ása Björk þjónar fyrir altari.
Boðið er upp á persónulega fyrirbæn uppi við altarið auk
þess sem beðið verður fyrir mönnum og málefnum sam-
eiginlega. Bænakerti tendrast á nýja fagra ljósastand-
inum.
Leikmannamessa í Selfosskirkju
SUNGIN verður messa í Selfosskirkju á sunnudag kl. 11.
Félag eldri borgara á Selfossi kemur að athöfninni, svo
sem venja er við upphaf blómlegs vetrarstarfs þess. For-
maður Félags eldri borgara á Selfossi er Hjörtur Þór-
arinsson. Kirkjukór Selfoss syngur undir stjórn organist-
ans, Jörg E. Sondermann. Sóknarprestur þjónar fyrir
altari. Ræðumaður er Kjartan T. Ólafsson frá Látrum í
Aðalvík. Lesarar eru Auður Thoroddsen, Björn Júlíusson,
Ingibjörg Kristjánsdóttir og Óskar H. Ólafsson.
Að athöfninni lokinni verður framreiddur léttur hádeg-
isverður í safnaðarheimilinu.
Landsvirkjun fræðir í
Laugarneskirkju
Í FRAMHALDI af stólræðu sr. Hildar Eirar Bolladóttur
sl. sunnudag, þar sem málefni Kárahnjúkavirkjunar voru
gerð að umtalsefni, hefur Bjarni Bjarnason, fram-
kvæmdastjóri orkusviðs Landsvirkjunar, boðist til að
greina frá skoðunum sínum og fyrirtækisins varðandi
virkjunarmálin á vettvangi Laugarnessafnaðar.
Það boð er þegið með þökkum og er því efnt til opins
fundar í trúfræðslutíma safnaðarins þar sem Bjarni mun
flytja sitt mál og svara fyrirspurnum úr sal þriðjudags-
kvöldið 3. október kl. 20:30.
Að venju er kvöldsöngur kirkjunnar kl. 20 þar sem tón-
listarmennirnir Þorvaldur Halldórsson og Gunnar Gunn-
arsson leiða safnaðarsöng og sr. Bjarni Karlsson sókn-
arprestur flytur Guðs orð og bæn. En kl. 20:30 er gengið
yfir í safnaðarheimilið þar sem trúfræðslan er jafnan í
boði.
Er ástæða til að hvetja fólk til þátttöku á þessum fundi,
sem ekki mun einkennast af karpi og deilum heldur heið-
arlegri tilraun til að skýra málstað og greina ólíkar hug-
myndir.
Lindasókn – Messa og gospelsöngur
Í LINDASÓKN í Kópavogi verður messað í Salaskóla kl.
11 auk þess sem sunnudagaskólinn mun fara fram þar á
sama tíma. Nýlega var söfnuðinum færð að gjöf kaleikur
og patína sem tekin verða í notkun í messunni. Kór Linda-
kirkju leiðir safnaðarsöng undir stjórn Keiths Reed. Söng-
konan Díana Lind Monzon mun auk þess syngja nokkra sí-
gilda gospelsálma. Sr. Guðmundur Karl Brynjarsson
þjónar. Allir velkomnir.
Afmæliskaffi
Safnaðarfélags Áskirkju
SAFNAÐARFÉLAG Áskirkju í Reykjavík er 30 ára um
þessar mundir. Af því tilefni býður félagið til afmæl-
iskaffidrykkju í Safnaðarheimili Áskirkju að lokinni guðs-
þjónustu í kirkjunni kl. 14 á sunnudaginn kemur, 1. októ-
ber.
Safnaðarfélagið, sem er opið öllum velunnurum Ás-
kirkju, hefur helgað krafta sína safnaðarstarfi Áskirkju
alla tíð, og verið því mikilvægur bakhjarl. Félagið hvetur
alla sem komið hafa að starfinu fyrr og síðar, svo og safn-
aðarfólk Áskirkju, til að fjölmenna til guðsþjónustu á
sunnudaginn, og njóta ánægjulegra samvista á þessum
tímamótum.
Grafarvogskirkja – Að búa einn/ein
NÁMSKEIÐIÐ „Að búa einn/ein“ er ætlað þeim sem
gengið hafa í gegnum skilnað nýlega og er markmið þess
að koma til móts við þessa einstaklinga, gefa þeim vett-
vang og tækifæri til að vinna úr erfiðum tilfinningum sem
upp koma við skilnað.
Námskeiðið verður næstu átta vikur á þriðjudögum kl.
20. Við lítum svo á að námskeiðið sé leið sálgæslu fyrir
þennan hóp fólks, því ljóst er að skilnaður hefur afleið-
ingar sem geta sett mark sitt á sálir þeirra sem ganga í
gegnum þá sáru reynslu.
Allar nánari upplýsingar eru veittar í Grafarvogs-
kirkju, sími 587 9070.
Guðrún Ásmundsdóttir á
fræðslumorgni í Hallgrímskirkju
FRÆÐSLUMORGNAR kl. 10 á sunnudögum í Hallgríms-
kirkju hafa verið fastur liður í fullorðinsfræðslu safnaðar-
ins í á annan áratug.
Á sunnudag, 1. október, hefst ný fyrirlestraröð með er-
indinu „Tukthúsið og Tobbukot“. Það er Guðrún Ás-
mundsdóttir leikkona sem segir sögur af íbúunum á
Skólavörðustíg 9 og 11, Sigurði Jónssyni fangaverði og
Þorbjörgu Sveinsdóttur embættisljósmóður, en Þorbjörg
var fyrsta konan sem lét til sín taka á mannfundum í
Reykjavík. Áður hefur Guðrún haldið erindi um Ólafíu Jó-
hannsdóttur, sem var systur- og fósturdóttir Þorbjargar,
og nú gefst tækifæri til að skyggnast inn í það umhverfi
sem mótaði þá merku konu.
Fræðslumorgnar eru átta sunnudagsmorgna í október
og nóvember og eru haldnir í Suðursal Hallgrímskirkju í
Reykjavík. Sr. María Ágústsdóttir hefur umsjá með
fræðslumorgnunum fyrir hönd Hallgrímskirkju. Allir eru
velkomnir og aðgangur ókeypis.
Morgunblaðið/Jim Smart
FRÉTTIR
HÚMOR að hausti, nefnist sam-
koma sem Karlakór Eyjafjarðar
stendur fyrir í Súlnasal Hótel Sögu
í dag, laugardaginn 30. september.
Þar koma fram auk karlakórsins
landskunnir hagyrðingar sem eru
þekktir fyrir kunnáttu og eru skot-
harðir í skeytum sínum. Þeir eru
Björn Ingólfsson, Einar Kolbeins-
son, Pétur Pétursson og Reynir
Hjartarson. Þeim stjórnar Birgir
Sveinbjörnsson sem þekktur er fyr-
ir útvarpsþætti sína og er enginn
fremri honum að halda uppi fjöri
við hagyrðingaborðið, segir í
fréttatilkynningu frá kórnum.
„Karlakór Eyjafjarðar er ungur
kór, tíu ára gamall. Hann hefur allt-
af verið á léttu nótunum og oft flutt
lög sem ekki eru sungin af öðrum
kórum, segir í fréttinni. „Félagar
hafa verið í kringum 40 og vel skip-
að í hverja rödd. Stjórnandi kórsins
er Petra Björk Pálsdóttir. Karlakór
Eyjafjarðar fylgir hljómsveit sem í
þessari ferð er skipuð Daníel Þor-
steinssyni, Birgi Karlsyni, Hauk
Ingólfssyni og Rafni Sveinssyni.
Hljómsveitin Sex ý sveit, er skip-
uð kórfélögum og heldur uppi
miklu stuði fyrir dansfima og söng-
glaða gesti.“
Spaugað Frá hagyrðingakvöldi á Akureyri. Pétur Pétursson, Björn Ing-
ólfsson, Birgir Sveinbjörnsson stjórnandi og Einar Kolbeinsson.
Húmor að hausti
OSTADAGAR verða haldnir í Vetr-
argarðinum í Smáralind um
helgina. Á sýningunni verður ým-
islegt um að vera, m.a. verða nýj-
ungar í fjölskrúðugri ostaflórunni
kynntar til sögunnar, auk þess sem
hægt verður að smakka á úrvali ís-
lenskra osta.
Ostameistari ársins verður
krýndur og niðurstöður ostadóma
kynntar. Landslið matreiðslu-
manna stillir upp keppnisborði sínu
og ný matreiðslubók „Ostar – það
besta úr osti og smjöri“ verður
kynnt.
Ostadagar eru haldnir annað
hvert ár.
Ostadagar í
Smáralind
FINNAR hafa á undanförnum árum
vakið heimsathygli fyrir mikinn ár-
angur á mörgum sviðum, m.a. í sam-
keppnishæfni, árangri í menntun og
nýsköpun og í samanburði ESB á
framleiðni í opinberum rekstri hefur
Finnland mælst með bestan árangur.
Hinn 6. október nk. kl. 8.15–10.30
standa Stofnun stjórnsýslufræða og
Félag forstöðumanna ríkisstofnana
fyrir málþingi á Grand hóteli, sem
byggist á reynslu Finna af aðferðum
við að auka framleiðni/afurðir og
áhrif/útkomu í opinberri stjórnsýslu.
Þar verður horft til reynslu þeirra
af verkefninu „Government Producti-
vity Action 2003–2007“. Fyrirlestra
mun halda einn þeirra fremstu sér-
fræðinga á þessu sviði, Heikki Jousti,
aðstoðarforstöðumaður deildar
finnska fjármálaráðuneytisins um op-
inbera stjórnsýslu, og er hann er tal-
inn meðal fremstu sérfræðinga Finna
á þessu sviði, segir í fréttatilkynn-
ingu. Hann hefur verið einn stjórn-
enda verkefnisins „Government Pro-
ductivity Action“ fyrir hönd
ráðuneytisins og hefur í alls 35 ár
starfað sem stjórnandi og ráðgjafi við
umbætur í opinberri stjórnsýslu.
Í fyrirlestrinum mun Heikki fara
stuttlega yfir vaxandi kröfur almennt
um aukna framleiðni í opinberum
rekstri, en síðan ítarlega í aðgerðir
finnsku ríkisstjórnarinnar á árunum
2003–2007 til að auka og bæta með
samræmdum og mælanlegum hætti
framleiðni í allri opinberri stjórnun og
þjónustu í Finnlandi.
Að loknum hans fyrirlestrum og
fyrirspurnum til hans munu íslenskir
stjórnendur og sérfræðingar ræða í
panel um það hvernig bæta megi
framleiðni í íslenskri stjórnsýslu,
þ.á m. árangursstjórnun og eftir-
fylgni hennar hér á landi með hliðsjón
af aðferðum og reynslu Finna.
Málþinginu stýrir dr. Anna Lilja
Gunnarsdóttir, framkvæmdastjóri
fjárreiðna- og upplýsinga hjá LSH,
en panelumræðum, sem verða á ís-
lensku, stýrir Óli Jón Jónsson, skrif-
stofustjóri stjórnsýslusviðs Ríkisend-
urskoðunar. Meðal þátttakenda í
pallborði verða Arnar Þór Másson frá
fjármálaráðuneytinu og fulltrúi frá ís-
lenskri stofnun sem nýtt hefur árang-
ursstjórnunarsamninga með virkum
hætti.
Skráning fer fram á veffanginu:
http://stjornsyslustofnun.hi.is/page/
framleidnieða netfanginu stjornsysla-
ogstjornmal@hi.is
Þátttökugjald með morgunverði er
3.800 kr.
Aukin framleiðni
og gæði í opin-
berum rekstri
Fyrirlestur Heikki Jousti, aðstoð-
arforstöðumaður deildar finnska
fjármálaráðuneytisins.