Morgunblaðið - 30.09.2006, Blaðsíða 6

6 LAUGARDAGUR 30. SEPTEMBER 2006 MORGUNBLAÐIÐ
FRÉTTIR
EKKI voru margir á ferð á Kára-
hnjúkasvæðinu í gær, sem helgast
ef til vill af því að veður var vont,
rigning og kalt. Þeir fáu sem þar
voru á ferli voru ljósmyndarar og
kvikmyndatökumenn sem höfðu
það erindi að skrásetja þær breyt-
ingar sem nú eru að verða á nátt-
úrunni á svæðinu er gróður fer
undir vatn og fossar hverfa.
Að sögn Sigurðar Aðalsteins-
sonar á Vaðbrekku var greinilega
mun minna í ánni í gær þótt enn
hefði hún sinn fyrri jökulbrúna lit.
Segir hann rennslið núna ekki
miklu minna en á vorin þegar
minnst er í ánni, en síðasta vor var
t.d. rennsli Jöklu við Brú aðeins sjö
rúmmetrar á sekúndu.
Um kvöldmatarleyti í gær var
Hálslón komið upp í 500 m yfir sjó
og vatnið komið upp í 45 m næst
Kárahnjúkastíflu. Samkvæmt upp-
lýsingum frá Sigurði Arnalds, tals-
manni Kárahnjúkavirkjunar, mun
vatnsborðið halda áfram að hækka
um nokkra metra daglega næstu
daga, en í vetur má gera ráð fyrir
að yfirborðið hækki aðeins um tvo
metra á mánuði. Í gærkvöldi var
flatarmál hins nýmyndaða Hálslóns
1 km² af þeim 57 km² sem lóninu er
ætlað að þekja og var rúmmál þess
1% af áætlaðri lónsstærð.
Hratt hækkaði í Hálslóni næst Kárahnjúkastíflu í gærdag. Brynjar Gauti og Ragnar Axelsson voru á staðnum og fylgdust með
því hvernig gróðurinn hvarf undir vatn sunnan við stífluna á sama tíma og ganga mátti þurrum fótum í gljúfrunum.
Arnarhvoll Fjöldi gersema hefur horfið og mun hverfa á næstu dögum. Meðal þeirra er stuðla-
bergsklöppin sem nefnd hefur verið Arnarhvoll en hún maraði í hálfu kafi um miðjan dag í gær.
Gróðursæld Haustlitadýrðin í gróðrinum suður af Tröllagilslæk skammt frá Rauðuflúð var
áberandi í gær þegar vatnið sem myndar Hálslón flæddi þar yfir smám saman.
Hjalladal-
ur sekkur
Í göngutúr um Hafrahvammagljúfur Í gljúfrunum norðan Kárahnjúkastíflu gengu menn í fyrsta sinn á fimmtudag þurrum fótum og gátu þar virt fyrir sér
hinn gamla farveg Jöklu. Óhætt er að segja að skynja megi smæð mannsins í samspili við náttúruna þegar horft er upp eftir mikilfenglegum klettunum.
Flúðirnar í Sauðá Neðstu flúðirnar í Sauðá eru horfnar og gera má ráð fyrir að Sauðá sjálf hverfi að mestu á
næstu dögum og þar með hverfur fjöldi fossaraða. Vatnsyfirborð lónsins hækkar um tugi metra á fyrstu dögunum.
Skrásetning Bæði innlendir og erlendir ljósmyndarar og kvikmyndatöku-
menn keppa við tímann í skrásetningu sinni á náttúrunni sem er að hverfa.