Morgunblaðið - 04.11.2006, Qupperneq 10

10 LAUGARDAGUR 4. NÓVEMBER 2006 MORGUNBLAÐIÐ
FRÉTTIR
FÁLIÐAÐ hefur verið í þingsalnum
þessa vikuna m.a. vegna prófkjara
flokkanna og þings Norður-
landaráðs í Kaupmannahöfn. Ein-
stakir þingmenn hafa þó notað
tækifærið og mælt fyrir þingmálum
sínum. Sigurður Kári Kristjánsson,
þingmaður Sjálfstæðisflokks, mælti
t.d. fyrir frumvarpi sínu um hækk-
un miskabóta vegna ærumeiðinga.
Ráðherrar hafa einnig mælt fyrir
nokkrum stjórnarfrumvörpum. Siv
Friðleifsdóttir heilbrigðis- og
tryggingamálaráðherra mælti m.a.
fyrir frumvarpi sínu um heilbrigð-
isþjónustu, á Alþingi í gær. Auk
þess mælti hún fyrir frumvarpi um
embætti landlæknis og frumvarpi
um Heyrnar- og talmeinastöð.
Þorgerður K. Gunnarsdóttir
menntamálaráðherra mælti sömu-
leiðis fyrir fjölmiðlafrumvarpinu á
fimmtudag. Því frumvarpi var vís-
að til annarrar umræðu og til
menntamálanefndar þingsins, með
32 samhljóða atkvæðum í gær.
Rólegir dag-
ar á Alþingi
Morgunblaðið/Sverrir
Fylgst með umræðum Mælt hefur verið fyrir nokkrum þingmanna- og stjórnarfrumvörpum á Alþingi á síðustu
dögum. Á myndinni má sjá Sigríði Önnu Þórðardóttur, þingmann Sjálfstæðisflokksins, fylgjast með umræðum.
HEILDARÚTGJÖLD bifreiða-,
ferða og risnukostnaðar ríkisins
lækkuðu um 39,4 milljónir kr. milli ár-
anna 2004 og 2005, eða um 1%. Þetta
kemur fram í skriflegu svari fjár-
málaráðherra, Árna M. Mathiesen,
við fyrirspurn Jóhönnu Sigurðardótt-
ur, þingmanns Samfylkingarinnar.
Ferðakostnaður nam tæpum 2,3
milljörðum kr. á árinu 2005 og lækk-
aði um eina milljón frá fyrra ári. Bif-
reiðakostnaður nam tæpum 1,2 millj-
örðum kr. á árinu 2005 og lækkaði um
tíu milljónir frá fyrra ári, eða um 1%.
Risnukostnaður nam um 298 milljón-
um kr. á árinu 2005 og lækkaði um 28
milljónir króna eða tæplega 9% frá
fyrra ári.
Í svarinu er greint nákvæmlega frá
ferða-, risnu- og aksturskostnaði
æðstu stjórnar ríkisins og einstakra
ráðuneyta. Þegar litið er á forseta-
embættið kemur í ljós að risnukostn-
aður embættisins var 9,8 milljónir ár-
ið 2005 og lækkaði um 2,5 milljónir frá
fyrra ári. Aksturskostnaður var 4,8
milljónir árið 2005 og lækkaði um
rúma milljón frá fyrra ári. Þá var
ferðakostnaður um 15,3 milljónir á
árinu 2005 og jókst um 2,5 milljónir
frá fyrra ári.
Þegar litið er á Alþingi kemur í ljós
að risnukostnaður var 17,7 milljónir á
árinu 2005 og lækkaði um 1,3 millj-
ónir frá fyrra ári. Aksturskostnaður
var um 49,5 milljónir á árinu 2005 og
hækkaði um rúmar fjórar milljónir
frá fyrra ári. Þá var ferðakostnaður
um 113 milljónir á árinu 2005 og
hækkaði um átta milljónir frá fyrra
ári.
Þegar litið er á forsætisráðuneytið
og undirstofnanir þess, kemur í ljós
að ferða-, risnu og aksturskostnaður
lækkaði nokkuð á milli ára. Risnu-
kostnaður var um 14,2 milljónir kr. á
árinu 2005 og lækkaði um rúmar níu
milljónir frá fyrra ári. Aksturskostn-
aður var um 6,5 milljónir á árinu 2005
og lækkaði um rúmar þrjár milljónir
frá fyrra ári. Þá var ferðakostnaður
tæplega 26 milljónir á árinu 2005 og
lækkaði um rúmlega átta milljónir frá
fyrra ári.
Af öðrum ráðuneytum má nefna ut-
anríkisráðuneytið og undirstofnanir
þess. Risnukostnaður var tæplega 65
milljónir á árinu 2005 og lækkaði um
tæpar níu milljónir frá fyrra ári. Akst-
urskostnaður var um 33 milljónir á
árinu 2005 og hækkaði um tæpar
tvær milljónir frá fyrra ári. Ferða-
kostnaður var um 305 milljónir á
árinu 2005 og lækkaði um rúmar fjór-
tán milljónir frá fyrra ári.
Ferðakostnaður lækkar
Árni M.
Mathiesen
Í HNOTSKURN
»Ferða-, bifreiða- og risnu-kostnaður ríkisins hækk-
aði um 29 milljónir kr. frá
árinu 2003 til ársins 2004.
»Ferða-, bifreiða- og risnu-kostnaður ríkisins lækkaði
hins vegar um 39, 4 milljónir
frá árinu 2004 til 2005.
»Ferðakostnaður æðstustjórnar ríkisins var sam-
tals um 30,7 milljónir á árinu
2005, aksturskostnaður var
57,7 milljónir á því ári.
Jóhanna
Sigurðardóttir
VERKNÁMSKENNARAR Fjöl-
brautaskóla Norðurlands vestra
hafa sent þingmönnum kjördæm-
isins bréf þar sem því er mótmælt
að dregið sé úr fjárframlögum, í
fjárlagafrumvarpi næsta árs, til
verknáms í framhaldsskólum. Þeir
segja í bréfinu að skerðingin eigi
sér m.a. stað með því að gert sé ráð
fyrir fleiri nemendum í hópum í
iðnnámi og öðrum starfsbrautum, í
reiknilíkani menntamálaráðuneyt-
isins.
Þeir segja að iðnnám sé í eðli sínu
dýrt og að nemendur séu vegna ör-
yggissjónarmiða fáir og aðstaða og
búnaður dýr. „Á sama tíma og eft-
irspurn eftir iðnmenntuðu fólki hef-
ur aukist, er kreppt að skólunum
með þessum aðgerðum,“ segir m.a.
í bréfinu. Er í lok þess skorað á
þingmennina að koma í veg fyrir að
starfsnám verði lagt af í kjördæm-
inu.
Mótmæla
skerðingu
VALGERÐUR
Sverrisdóttir ut-
anríkisráðherra
heldur á morg-
un, sunnudag, í
fjögurra daga
opinbera heim-
sókn til Úkraínu,
í boði Borys
Tarasjúk, utan-
ríkisráðherra
Úkraínu.
Skv. upplýsingum utanrík-
isráðuneytisins eru á dagskrá
heimsóknarinnar fundir með úkr-
aínskum ráðamönnum, m.a. þeim
Viktori Jústsjenskó, forseta, Vikt-
ori Janúkóvitsj forsætisráðherra
og Borys Tarasjúk utanrík-
isráðherra auk þess sem ráðherra
fer í heimsókn í úkraínska þingið í
boði forseta þess, Oleksandr
Moroz.
Utanríkisráðherra leiðir jafn-
framt viðskiptasendinefnd sem
skipuð er fulltrúum 23 íslenskra
fyrirtækja en Útflutningsráð Ís-
lands hefur í samvinnu við utan-
ríkisráðuneytið skipulagt við-
skiptaráðstefnur og tvíhliða fundi.
Heimsækir
Úkraínu
Valgerður
Sverrisdóttir
ÓHÆTT er að segja að þingmanna-
bekkurinn hafi verið fáliðaður í vik-
unni. Skýringin er fyrst og fremst
þessi: prófkjör fara fram víða um land
þessar vikurnar og þingmenn sem
sækjast eftir áframhaldandi þingsetu
eru með hugann við prófkjörsbarátt-
una.
Þingmenn hafa því margir hverjir
staldrað stutt við í þingsalnum – ef til
vill rétt skotist til þess að taka til máls
í einstaka þingmálum – og fundir í
fastanefndum hafa fallið niður vegna
fjarveru þingmanna. Kaffistofan er
aldrei þessu vant nánast tóm, yfir
daginn. Þeir sem þangað koma ræða
þó fátt annað en prófkjörin og mögu-
leg úrslit.
Augu manna hafa m.a. beinst að
nýloknu prófkjöri sjálfstæðismanna í
Reykjavík. Endurnýjun varð á fram-
boðslistanum en sitjandi þingmenn
halda þó velli ef að líkum lætur. Í
prófkjörsbaráttunni urðu hörð átök
og ekki er víst hvort og þá hvernig
þau sár eiga eftir að gróa. Prófkjörið
kallaði fram meiri flokkadrætti í
Sjálfstæðislokknum en sést hafa lengi
vel.
Ellefu þingmenn, sem voru í fram-
boði fyrir síðustu þingkosningar, gefa
ekki kost á sér áfram. Það skapar
rými fyrir nýja þingmenn. Þrátt fyrir
það er hart sótt að sitjandi þingmönn-
um og stöðu þeirra í nokkrum kjör-
dæmum.
Til dæmis verður spennandi að sjá
hvernig prófkjör Samfylkingarinnar í
Suðurkjördæmi fer um helgina. Þar
sækjast þrír þingmenn og einn nýliði,
eftir efsta sæti listans. Allt karlmenn.
Fari svo að þeir raði sér í fjögur efstu
sætin dettur sá neðsti niður í sjötta
sætið, til að rýma fyrir konum, sam-
kvæmt reglum flokksins um kynja-
kvóta. Samfylkingin hefur nú fjóra
þingmenn í kjördæminu.
Einnig verður hart barist í próf-
kjöri Sjálfstæðisflokksins í Suður-
kjördæmi en þar sækjast fimm þing-
menn, auk nýliða, eftir þremur
öruggum þingsætum.
Ekki er á vísan að róa í þessu og
þegar þetta er skrifað bendir fátt til
annars en að a.m.k. einn þingmaður
detti af þingi í vor, þ.e. Anna Kristín
Gunnarsdóttir, þingmaður Samfylk-
ingarinnar, í Norðvesturkjördæmi.
Hún hafnaði í 3. sæti í prófkjöri um
liðna helgi og er þar með ekki í
öruggu þingsæti. Allar líkur eru á því
að fleiri þingmenn detti út og að nokk-
ur endurnýjun verði á þingliðinu í vor.
Fáliðaður þing-
mannabekkurinn
ÞINGBRÉF
Eftir Örnu Schram