Morgunblaðið - 04.11.2006, Side 19

MORGUNBLAÐIÐ LAUGARDAGUR 4. NÓVEMBER 2006 19
VIÐSKIPTI/ATHAFNALÍF
hefði bæði mútað stjórnmálamönn-
um og opinberum starfsmönnum í
Suður-Kóreu til að liðka fyrir lán-
tökum Daewoo-samsteypunnar.
Dómarinn í málinu sagði engar
sönnur liggja fyrir varðandi mútur.
Hins vegar sagði hann að hrun
Daewoo-samsteypunnar árið 1999
hefði haft í för með sér mikla erf-
iðleika fyrir efnahagslíf landsins og
það verðskuldi strangan dóm. Þó
verði að taka tillit til aldurs Kim.
Daewoo var lítið textílfyrirtæki
STOFNANDI suður-kóreska stór-
fyrirtækisins Daewoo, Kim
Woo-choong, sem var fyrr á þessu
ári dæmdur fyrir fjárdrátt og svik,
hefur tapað áfrýjun á máli sínu.
Fangelsisdómur yfir honum var
hins vegar styttur úr tíu árum í átta
og hálft ár auk þess sem sekt-
argreiðslur voru lækkaðar.
Í frétt BBC-fréttastofunnar segir
að ákæruvaldið hafi farið fram á
lengri dóm yfir hinum 69 ára Kim.
Var sérstök áhersla lögð á að hann
þegar Kim keypti það árið 1967 og
gerði síðar að einni voldugustu fyr-
irtækjasamsteypu Suður-Kóreu.
Þegar best gekk störfuðu um 320
þúsund manns hjá samsteypunni í
110 löndum.
Erfiðleikar komu hins vegar upp
eftir miklar lántökur samsteyp-
unnar til að fjármagna vöxt hennar
á tíunda áratug síðustu aldar.
Útslagið varð svo þegar efna-
hagskreppan reið yfir Asíu árið
1997.
Stofnandi s-kóreska fyrirtæk-
isins Daewoo tapar áfrýjun
Reuters
Tekinn höndum Kim Woo-Choong var handtekinn þegar flugvél hans lenti
í Seoul í júní 2005. Hann mun sitja í fangelsi næsta átta og hálft ár.
YFIR fjörutíu leiðtogar Afríkuríkja
eru nú samankomnir á viðskipta-
og fjárfestingaráðstefnu í Kína.
Í frétt á fréttavef BBC-frétta-
stofunnar segir að viðskipti á milli
Kína og Afríkuríkja hafi aukist
mikið á umliðnum árum, sérstak-
lega eftir að hagvöxtur jókst mikið
í Kína. Segir í fréttinni að við-
skiptin milli Kína og Afríkuríkja
hafi numið um 22 milljörðum sterl-
ingspunda á árinu 2005, en það
svarar til um 2.850 milljarða ís-
lenskra króna.
Kínverjar kaupa mikið af olíu frá
Afríku en töluvert hefur verið um
að olía hafi fundist þar í jörðu að
undanförnu. Afríkuríkin kaupa hins
vegar ýmsar vörur af Kínverjum og
segir BBC að markaður fyrir kín-
verskar neysluvörur ýmiss konar
fari stöðugt vaxandi í Afríku. Gagn-
rýnisraddir hafi þó heyrst sem segi
að þetta sé slæm þróun fyrir Afr-
íku, því aukinn innflutningur á
ýmsum neysluvörum frá Kína
hamli þannig framleiðslu í Afríku.
Þá segir í frétt BBC að Afríka sé
eina svæðið í heiminum sem hægt
sé að leita til eftir olíuviðskiptum
því stóru olíufyrirtækin séu ráðandi
á öðrum svæðum þar sem olíulindir
er að finna.
Ráðstefnan í Kína er haldin í til-
efni af því að 50 ár eru liðin frá því
diplómatískt samband komst á á
milli Kína og Afríku. Meginefni
ráðstefnunnar er hins vegar ört
vaxandi viðskipti þarna á milli.
Í frétt BBC kemur fram að við-
skiptin á milli Kína og Afríku hafi
tífaldast á síðastliðnum áratug. Þá
segir að áætlað sé að um það bil
2.500 viðskiptasamningar verði til
umræðu á ráðstefnunni og þar af
muni margir þeirra snúast um sér-
stakan áhuga Kínverja á náttúru-
auðlindum Afríku, sérstaklega olíu.
Meðal þátttakenda í ráðstefnunni
í Kína er Obasanjo, forseti Nígeríu,
en Nígería flytur mest út af olíu
allra Afríkuríkja.
Vilja aukin viðskipti
Reuters
Markaður Viðskipti milli Kína og Afríkuríkja hafa tífaldast á síðastliðnum
áratug og fer markaður fyrir kínverskar neysluvörur vaxandi í Afríku.
HAGNAÐUR fjárfestingarfélagsins
Eyris Invest ehf., sem er stærsti
hluthafinn í Marel, nam 1.534 millj-
ónum króna á fyrstu níu mánuðum
ársins eftir skatta. Ávöxtun eigin
fjár félagsins á tímabilinu reiknast
ríflega 16%, sem jafngildir um 22%
arðsemi á ársgrunni.
Nafnvirði hlutafjár Eyris var ný-
lega aukið um 10%. Eigið fé félags-
ins eftir hlutafjáraukningu og
reiknaðan hagnað fyrstu 9 mánuði
ársins er um 11,7 milljarðar. Eig-
infjárhlutfall reiknast rúmlega 47%
og eru engir framvirkir hlutabréfa-
samningar utan efnahags, að því er
fram kemur í tilkynningu frá félag-
inu.
Stærsti hluthafinn í Eyri er
Þórður Magnússon með 36,0% hlut.
Sonur hans, Árni Oddur Þórðarson,
er næststærsti hluthafinn með
28,5% hlut. Sigurjón Jónsson á
13,5%, Straumborg, félag í eigu
Jóns Helga Guðmundssonar í Byko,
á 10,9% og Arkur, félag í eigu
Steinunnar Jónsdóttur, á 5,0%.
Eyrir er stærsti hluthafinn í
Marel með 26,45% hlut samkvæmt
hluthafalista á vef Marels.
Betur í stakk búið
Árni Oddur Þórðarson, forstjóri
Eyris, segir í tilkynningu félagsins
að fjárhagur Eyris Invest styrkist
nú enn frekar með nýju hlutafé og
ánægjulegt sé að fá til liðs við fé-
lagið fleiri öfluga fjárfesta. „Af-
koma félagsins fyrstu 9 mánuði árs-
ins er jafnframt í takt við
arðsemismarkmið. Við höfum áhuga
á því að breikka hluthafahópinn
með skrefum sem þessum í framtíð-
inni. Eyrir Invest er nú betur í
stakk búið að styðja við metnaðar-
full vaxtarmarkmið Marels og Öss-
urar á sama tíma og við freistum
þess sem fyrr að auka arðsemi fé-
lagsins og draga úr áhættu með
fjölbreyttu erlendu eignasafni í
samræmi við stefnu okkar,“ segir
Árni Oddur.
Eyrir skilar hagnaði
15. nóv.ÞITT TÆKIFÆRI–ALLRA HAGUR
Ráðstefna um samfélagslega ábyrgð fyrirtækja (CSR)
• Hvernig standa íslensk fyrirtæki að samfélagslegri ábyrgð og hver er framtíðarsýn þeirra?
• Hvaða tækifæri felast í samfélagslegri ábyrgð?
Stjórnandi pallborðsumræðna Halla Tómasdóttir,
frkvstj. Viðskiptaráðs Íslands
Bjarni Ármannsson,
forstjóri Glitnis
Jón Sigurðsson,
forstjóri Össuarar
Paul Scott, frkvstj.
Next Step Consulting
Sigríður K. Hrafnkels-
dóttir, nemi í MPH
Sören Mandrup
Petersen, Þróunar-
hjálp Sameinuðu
þjóðanna
Tómas Sigurðsson,
forstjóri Alcoa
Fjarðaáls
Þorsteinn Pálsson,
ritstjóri Fréttablaðsins
og fv. forsætis-
ráðherra
Ráðstefna á vegum Háskólans í Reykjavík
og KOM almannatengsla
Nordica hotel 15. nóvember 2006 kl. 13.00-17.00
Fyrirlesarar
Ráðstefnugjald kr. 2.800
12.00 Innritun hefst
13.00 Guðfinna Bjarndóttir, rektor Háskólans í Reykjavík, býður þátttakendur velkomna
13.05 Setningarræða
Þorsteinn Pálsson, ritstjóri Fréttablaðsins og fyrrum forsætisráðherra
13.20 Hvernig skilgreinum við Samfélagslega ábyrgð fyrirtækja (CSR)?
Sören Mandrup Petersen frá skrifstofu Þróunarhjálpar Sameinuðu þjóðanna
13.40 Niðurstöður könnunar HR kynntar; Hvað er CSR í hugum íslenskra stjórnenda?
Sigríður Kristín Hrafnkelsdóttir, nemi í MPH og fyrrum gjaldkeri Einstakra barna
14.00 Samfélagsleg ábyrgð í framkvæmd hjá alþjóðlegum fyrirtækjum
Tómas Már Sigurðsson, forstjóri Alcoa Fjarðaáls
14.20 Kaffihlé
14.50 CSR Reporting
Paul Scott, framkvæmdastjóri Next Step Consulting
15.10 Hlutverk fyrirtækja í samfélaginu
Jón Sigurðsson, forstjóri Össurar
15.30 Gerum gott betur - Samfélagsleg ábyrgð Glitnis
Bjarni Ármannsson, forstjóri Glitnis
16.00 Pallborðsumræður
Stjórnandi: Halla Tómasdóttir, framkvæmdastjóri Viðskiptaráðs Íslands
17.00 Ráðstefnuslit og móttaka í boði Háskólans í Reykjavík
Nánari upplýsingar á vefsíðu Háskólans í Reykjavík, www.ru.is,
og á vefsíðu KOM almannatengsla, www.kom.is.