Morgunblaðið - 16.11.2006, Page 17

MORGUNBLAÐIÐ FIMMTUDAGUR 16. NÓVEMBER 2006 17
Fullar verslanir
af fallegum
jólafatnaði
Jólafötin sem
krakkarnir vilja!
Smáralind/Kringlunni
Verslaðu á netinu www.bestseller.is
Samkvæmisfatnaður
Dubai, Doha. AP, AFP. | Arabíska sjón-
varpsstöðin Al-Jazeera á ensku hóf í
gær útsendingar, en fréttastöðin er
sögð ná til um áttatíu milljóna heim-
ila í Mið-Austurlöndum, Evrópu,
Afríku og í Suðaustur-Asíu. Al-Jaz-
eera á ensku mun hafa útibú í Doha í
Katar, í Kuala Lumpur í Malasíu, í
London og Washington, en sent
verður beint frá fjölda staða að auki.
Al-Jazeera hefur haft mikil áhrif
síðan stöðin hóf útsendingar á arab-
ísku fyrir tíu árum. Hefur fréttastöð-
in á sér það orð meðal araba að þar
sé stunduð beinskeytt fjölmiðlun,
nokkuð sem skort hafi á í Mið-Aust-
urlöndum, en þetta hefur valdið því
að ýmsir þjóðarleiðtogar, bæði í
arabaheiminum og á Vesturlöndum,
hafa haft horn í síðu hennar.
Hægt verður að horfa á Al-Jaz-
eera á ensku í Bandaríkjunum í
gegnum tölvur en sjónvarpsrásir
munu ekki vera þar á lausu í bili.
Ýmsir þekktir sjónvarpsmenn hafa
verið ráðnir til stöðvarinnar, svo hún
eigi möguleika á erfiðum samkeppn-
ismarkaði þar sem m.a. er við að etja
BBC World og CNN. Meðal þeirra
eru Bretinn Sir David Frost.
Nær til áttatíu
milljóna heimila
Al-Jazeera á ensku hóf í gær útsend-
ingar í Evrópu, Afríku og SA-Asíu
BRESKA þingið var sett formlega í gær og kynnti
Elísabet II. Englandsdrottning þá samkvæmt venju
lagalista ríkisstjórnar sinnar vegna komandi þings.
Þetta verður a.ö.l. í síðasta sinn sem drottningin kynnir
lagalista Tonys Blair sem hyggst víkja sem forsætis-
ráðherra á næsta ári eftir tíu ár á valdastóli. Blair sést
hér ganga í þingsal ásamt David Cameron, leiðtoga
íhaldsmanna, en helstu stefnumál Blairs að þessu sinni,
ef marka má lagalistann, víkja að baráttunni gegn
hryðjuverkum, glæpum og andsamfélagslegri hegðun.
AP
Hinsti lagalisti Blairs kynntur
Moskvu. AFP. | George W. Bush
Bandaríkjaforseti og Vladímír Pútín
Rússlandsforseti ákváðu á fundi í
Moskvu í gær að undirrita viðskipta-
samning sem greiðir fyrir inngöngu
Rússlands í Heimsviðskiptastofn-
unina (WTO).
„Þeir staðfestu að bæði ríkin eru
tilbúin að undirrita WTO-samning í
Hanoi,“ sagði Dmítrí Peskov, tals-
maður rússneska forsetans, eftir að
þeir Bush og Pútín hittust á flugvelli
í Moskvu þegar vél bandaríska for-
setans millilenti þar til að taka elds-
neyti á leiðinni til Asíu.
Samningurinn verður undirritað-
ur á sunnudag þegar forsetarnir
hittast aftur á leiðtogafundi Efna-
hagssamvinnuráðs Asíu- og Kyrra-
hafsríkja (APEC) í Hanoi, höfuðborg
Víetnams.
Rússland er eina stóra landið í
heiminum sem ekki hefur fengið að-
ild að Heimsviðskiptastofnuninni.
Rússar hafa reynt að fá aðild að
stofnuninni frá árinu 1994 en banda-
rísk stjórnvöld hafa hindrað hana.
Bandaríkjastjórn lagði meðal annars
áherslu á að Rússar tryggðu hug-
verkarétt og aðgang erlendra fyrir-
tækja að fjármálaþjónustu og flug-
vélamarkaðnum í Rússlandi.
Fréttaskýrandi sagði í grein í
rússneska dagblaðinu Kommersant
að erfitt gæti reynst að fá banda-
ríska þingið til að samþykkja við-
skiptasamninginn eftir að demókrat-
ar fengu meirihluta í báðum deildum
þingsins í kosningum fyrr í mánuðin-
um.
„Umræðan á þinginu verður að
allsherjaratkvæðagreiðslu um Rúss-
land – stefnu Rússa í innanríkis- og
utanríkismálum, efnahag landsins og
ástand rússnesku þjóðarsálarinnar,“
skrifaði Dmítrí Trenín, fréttaskýr-
andi í Moskvu.
Ræddu Íransmálið
Á fundinum í gær fengu forsetarn-
ir einnig tækifæri til að ræða deiluna
um kjarnorkuáætlun stjórnvalda í
Íran og leiðir til að draga úr spenn-
unni milli ríkjanna, meðal annars
vegna stuðnings ráðamanna í
Moskvu við írönsku klerkastjórnina.
Spennuna má einnig rekja til
deilna Rússa og Georgíumanna og
ásakana um að stjórnvöld í Moskvu
hafi skert frelsi fjölmiðla.
Fallast á samning um
inngöngu Rússa í WTO
Í HNOTSKURN
» Viðræður um viðskipta-samning milli Bandaríkj-
anna og Rússlands hafa staðið
í tólf ár.
» Innganga í WTO væri álit-in mikill sigur fyrir Pútín
sem hefur lagt mikla áherslu á
að tryggja hana áður en kjör-
tímabili hans lýkur árið 2008,
en skv. stjórnarskránni ber
honum þá að láta af embætti.
AP
Leiðtogafundur Vladímír Pútín
tekur á móti George W. Bush á
flugvelli í Moskvu.
AUGLÝSINGADEILD
netfang: augl@mbl.is eða sími 569 1111