Morgunblaðið - 01.04.2007, Síða 67

MORGUNBLAÐIÐ SUNNUDAGUR 1. APRÍL 2007 67
Gerð myndarinnar er hafin og
vonast er til þess að hún verði tilbúin
haustið 2008.
Til að byrja með verður myndin
sýnd á hátíðum víðs vegar um heim.
Samkvæmt upplýsingum frá Zik
Zak er um dúndrandi dansveislu að
ræða.
Forðist okkur
Höfundur: Hugleikur Dagsson.
Framleiðandi: Sögn ehf.
Upphæð: 375.000.
Handritið verður að sögn Hug-
leiks byggt á samnefndu leikriti sem
Nemendaleikhúsið setti upp í fyrra
og sívinsælu teiknimyndasögunum
hans. Hugleikur segist hafa skýra
mynd í höfðinu af því hvernig hann
vilji hafa handritið en ekkert hafi
verið ákveðið í þeim efnum.
„Þetta er svo nýtilkomið að ég er í
rauninni ekki búinn að gera neitt.
Ég á alveg eftir að funda almenni-
lega með framleiðendunum,“ segir
Hugleikur.
„En ég sé ekki annað en þetta
verði bara besta mynd allra tíma.“
Draumalandið
Leikstjóri: Þorfinnur Guðnason.
Framleiðandi: Hrönn Kristinsdóttir.
Upphæð: 12.000.000.
Eins og nafnið gefur til kynna er
hér um að ræða mynd byggða á
metsölubók Andra Snæs Magna-
son. Hann er jafnframt annar
handritshöfunda ásamt Þorfinni
Guðnasyni.
Framleiðandi myndarinnar er
Hrönn Kristinsdóttir en hún segist
vilja halda fyrir sig enn um sinn
þeim aðferðum sem kvikmyndagerð-
armennirnir ætla að nota við gerð
myndarinnar, sem er heimild-
armynd.
„Myndin verður tekin á 35 mm
filmu og þetta er mjög metnaðarfullt
verkefni,“ segir Hrönn og bætir við
að myndin sé af þeirri stærðargráðu
að hún eigi sér fáa sína líka hér á
landi.
„Tökurnar eru ekki formlega
hafnar en það brestur vonandi á í
næstu viku,“ segir Hrönn og upp-
lýsir að áætlað sé að frumsýna
myndina síðar á árinu.
Skrapp út
Leikstjóri: Sólveig Anspach.
Framleiðandi: Zik Zak.
Upphæð: 3.000.000.
Stefnt er á að hefja tökur á mynd-
inni hér á landi um miðjan apríl
„Myndin fjallar um konu sem á
tvo drengi sem hún elur upp sjálf.
Hún vill hins vegar fara frá Íslandi
því henni finnst of kalt og ekki nógu
mikil sól hérna. En til þess að geta
farið þarf hún hins vegar að selja
fyrirtækið sitt,“ sagði Sólveig í við-
tali við Morgunblaðið fyrir
skemmstu.
Aðalhlutverk myndarinnar er í
höndum Diddu Jónsdóttur.
í bígerð
Andri Snær Magnason.Arnaldur Indriðason.Didda Jónsdóttir Júlíus Kemp Hugleikur Dagsson.
www.kvikmyndamidstod.is
Hrönn Kristinsdóttir.