Morgunblaðið - 20.04.2007, Blaðsíða 2

2 FÖSTUDAGUR 20. APRÍL 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
VILDARBÖRN afhentu í gær þrjátíu íslenskum börnum og
fjölskyldum þeirra ferðastyrki. Einnig voru í fyrsta sinn
styrkt tíu börn frá Bandaríkjunum til utanlandsferða.
Gert er ráð fyrir að Vildarbörn styrki alls 70 börn á þessu
ári í tilefni af 70 ára afmæli Icelandair, að því er fram kemur í
frétt frá Vildarbörnum. Hverju barni og fjölskyldu þess er
boðið í utanlandsferð að eigin vali til áfangastaða Icelandair.
Allur ferðakostnaður er greiddur, þ.e. flug, gisting, bíla-
leigubíll, dagpeningar og aðgangseyrir að sérstökum við-
burði sem Vildarbarnið langar að sjá. Á annað hundrað barna
og fjölskyldur þeirra hafa fengið úthlutað úr sjóðnum frá
stofnun hans árið 2003.
Sjóðurinn Vildarbörn er fyrst og fremst fjármagnaður með
framlögum farþega Icelandair sem gefa afgangsmynt í sjóð-
inn. Þá gefa félagar í Vildarklúbbi Icelandair einnig vildar-
punkta í sjóðinn. Sjóðurinn fékk auk þess eina milljón króna
frá Menningarsjóði Landsbanka Íslands á þessu ári. Eins
styrkir Icelandair Vildarbarnasjóðinn með fjárframlagi.
Ljósmynd/Halldór Kolbeins
Ferðastyrkir til 40 Vildarbarna afhentir
VÉLSLEÐAMAÐUR sem ók fram
af 10 metra hengju í í Hólsdal í
Fjörðum síðdegis í gær slapp ótrú-
lega vel og mun betur en talið var í
fyrstu. Hann er óbrotinn, var með
meðvitund allan tímann en er nokk-
uð lemstraður. Björgunarsveitar-
menn, sem voru á vélsleðum í
grenndinni, komu fljótlega á stað-
inn. Þyrla Landhelgisgæslunnar
var ræst út kl. 17.05, var tvo tíma á
leiðinni úr Reykjavík og kom á slys-
stað kl. 19.06. Myndin var tekin við
Fjórðungssjúkrahúsið á Akureyri
þar sem þyrlan lenti rúmlega 19.30.
Slapp vel úr
vélsleðaslysi
Morgunblaðið/Skapti Hallgrímsson
REYKJAVÍKURFLUGVÖLLUR í
Vatnsmýri er á góðum stað fyrir
flugsamgöngur með tilliti til flug-
samgangna og flugrekenda. Stað-
setning flugvallarsvæðisins veldur
því að það er mjög dýrmætt bygg-
ingarland. Þetta er ein helsta niður-
staða skýrslu samráðsnefndar sam-
gönguráðherra og borgarstjóra um
úttekt á framtíðarkostum Reykja-
víkurflugvallar. Skýrslan verður
tilbúin í lok næstu viku og er stefnt
að birtingu hennar þá.
Nefndinni var falið að vinna flug-
tæknilega, rekstrarlega og skipu-
lagslega úttekt á Reykjavíkurflug-
velli. Fékk hún innlenda og erlenda
aðila til að annast ákveðna þætti út-
tektarinnar. Skoðaðir voru nokkrir
valkostir flugvallar á höfuðborgar-
svæðinu. Grunnkosturinn er Reykja-
víkurflugvöllur í núverandi mynd,
nema að norðaustur/suðvesturbraut
verður lögð niður. Þá voru athugaðar
þrjár tillögur um breytta legu flug-
brauta í Vatnsmýri, sem nefndar eru
A-kostir. Talið er að nýting flugvall-
arins geti verið 98%, eða sama og nú-
verandi vallar, með tveimur braut-
um. Gert er ráð fyrir nýjum flugvelli
í Afstapahrauni sunnan Hafnarfjarð-
ar fyrir einka- og kennsluflug ef inn-
anlandsflug flyst til Keflavíkurflug-
vallar.
Þrír aðrir kostir eru nefndir
B-kostir, þ.e. nýir flugvellir á Hólms-
heiði eða Lönguskerjum eða innan-
landsflug verði eingöngu frá Kefla-
víkurflugvelli.
Þjóðhagslegir útreikningar sýna
að B-kostirnir skila mun meiri ábata
en A-kostirnir. Hólmsheiði kemur
þjóðhagslega best út samkvæmt
kostnaðar- og ábatagreiningu og þar
er hagur hagsmunaaðila í allgóðu
jafnvægi þó að nokkur kostnaður
leggist á íbúa landsbyggðarinnar og
flugrekendur. Gera verður fyrirvara
um Hólmsheiði hvað varðar nýtingu
hugsanlegs flugvallar vegna 135
metra hæðar yfir sjó og nálægðar við
fjöll.
Örlitlu minni þjóðhagslegur ábati
er af því að nýta Keflavíkurflugvöll
til innanlandsflugs en Hólmsheiði.
Útkoma hagsmunaaðila er þar í
meira ójafnvægi og verða íbúar
landsbyggðarinnar fyrir umtalsverð-
um kostnaði, auk þess sem þetta er
lakasti kosturinn fyrir flugrekendur.
Þessi kostur er talinn geta valdið
19,4% fækkun farþega í innanlands-
flugi. Löngusker sýna minnstan
þjóðhagslegan ábata af B-kostunum,
eða 11–13% minni ábata en hinir.
Nefndin bendir á að brýnt sé að
marka stefnu um framtíð Reykjavík-
urflugvallar. Óvissa um framtíð hans
komi hagsmunaaðilum illa og henni
verði að eyða.
Skýrsla nefndar um Reykjavíkurflugvöll væntanlega birt í næstu viku
Flugvöllurinn vel staðsettur
á dýrmætu byggingarlandi
Í HNOTSKURN
»Starfrækja má Reykja-víkurflugvöll með góðum
árangri þó að brautum sé
fækkað úr þremur í tvær og
flugvallarsvæðið minnki nokk-
uð.
»Flugvöllur með einungiseinni braut þykir hins veg-
ar ekki nothæf lausn vegna
vindafars.
STÆRSTI steypudagur Íslands-
sögunnar, eftir því sem best er
vitað, var í gær, fyrsta sumardag.
Þá var 2.300 rúmmetrum af stein-
steypu rennt í botnplötu hins nýja
ráðstefnu- og tónlistarhússins við
Reykjavíkurhöfn.
BM Vallá útvegaði steypuna til
verksins en Íslenskir aðalverktak-
ar eru verktaki við bygginguna.
Að sögn Þorsteins Víglundssonar,
forstjóra BM Vallár, hefði þetta
steypumagn nægt í um hundrað
einbýlishús. Steypuvinnan hófst
laust fyrir klukkan sex í gær-
morgun og gekk betur en menn
höfðu þorað að vona. Síðustu
steypunni var dælt í plötuna um
kl. 16.30.
Steypan var framleidd í þremur
steypustöðvum BM Vallár á Bílds-
höfða. Notaðir voru alls 25
steypubílar til að flytja steypuna á
byggingarstaðinn og þurftu þeir
að fara um 300 ferðir fram og aft-
ur áður en verkinu lauk. Þrjár
steypudælur voru notaðar til að
dæla steypunni í mótin og sú
fjórða var höfð til vara á staðnum.
Morgunblaðið/Árni Sæberg
Mikill
steypudagur
Steypa Það voru höfð snör handtök þegar botnplata nýja ráðstefnu- og tónlistarhússins var steypt í gær. Alls fóru 2.300 rúmmetrar af steypu í
botnplötuna og þurfti þrjár steypustöðvar, 25 steypubíla og fjórar steypudælur til verksins auk fjölda starfsmanna.