Morgunblaðið - 20.04.2007, Blaðsíða 26

|föstudagur|20. 4. 2007| mbl.is
daglegtlíf
Vínin þessa vikuna eru öll frá
Nýja heiminum, enda virðist
ekkert lát á nýjum og spenn-
andi framleiðendum þar. » 29
vín
Á vefvarpinu er að þessu sinni
kennt hvernig búa á til graflax,
enda er það nokkuð sem hver
veiðimaður ætti að kunna. » 28
netið
Þórhallur Vilhjálmsson er mat-
gæðingur sem tínir sína eigin
sveppi, en á erfitt með að fylgja
uppskriftum. » 30
matur
Ég er mikið fyrir að veraúti í náttúrunni, fara ígönguferðir eða hjóla.Ég bý í Fossvoginum og
þegar vorar er freistandi að hjóla
eftir stígnum út í Nauthólsvíkina og
þaðan út á Nes,“ segir Hrafnhildur
Sigurðardóttir leikskólafulltrúi á
Seltjarnarnesi og upphafskona að
árlegum Gróttudegi sem haldinn
verður á morgun úti í Gróttu.
„Okkur hjónunum finnst líka
gaman að ferðast innanlands og
eigum tjaldvagn sem við förum með
út á land um helgar yfir sumartím-
ann,“ segir hún, en eiginmaður
hennar er Brynjúlfur Sæmundsson
íslenskukennari við MS.
Lestur og garðvinna
„Það er auðvitað gott að hvíla sig
líka um helgar og það er ákveðin
hvíld fólgin í því að fara út í garð
og puða aðeins.
Líklega hvílist ég þó best með
góða bók í hönd og einmitt núna er
ég að lesa Fólkið í kjallaranum eftir
Auði Jónsdóttur sem er áhrifamikill
lestur.
Þegar færi gefst höfum við hjón-
in brugðið okkur yfir helgi til út-
landa. Bæði börnin eru búsett er-
lendis og sérstaklega eftir að
barnabörnin fóru að fæðast finnst
okkur freistandi að skreppa í heim-
sókn til að fylgjast með þroska
þeirra.“
Hrafnhildur fer gjarnan í leikhús
og nýlega sá hún
Sitji Guðs englar í Þjóðleikhús-
inu. „Það voru engin börn með okk-
ur, við fórum bara hjónin og það
var mjög gaman.“
En hvernig datt henni í hug að
halda árlegan Gróttudag?
„Skömmu eftir að ég fór að vinna
sem leikskólafulltrúi á Seltjarnar-
nesi áttaði ég mig á því að jafnvel
íbúar á Nesinu höfðu ekki komið út
í Gróttu og út frá því kviknaði hug-
myndin að fjölskyldudegi þar,“ seg-
ir Hrafnhildur.
Fyrsta árið var algjörlega rennt
blint í sjóinn með hversu margir
myndu mæta en þá strax mættu
um fjögur hundruð manns og
uppfrá þessu hefur deginum vaxið
fiskur um hrygg.
„Leikskólakennarar sáu svo um
dagskrá og skipulagningu dagsins,
næsta árið grunnskólakennarar, þá
tónlistarkennarar, unglingar í fé-
lagsmiðstöðinni, slysavarnadeild
kvenna og í ár verður það Selkór-
inn sem sér um skipulagningu og
dagskrá.
Ár hvert hefur dagurinn borið
keim af því hver hefur umsjónina
með höndum og í ár mun Selkórinn
skipta sér í hópa og syngja bæði úti
og inni fyrir gesti eyjunnar.“
Fjársjóðir í fjörunni
Hrafnhildur segir að bara sé
hægt að komast á fjöru út í Gróttu
og á morgun er fjara milli klukkan
eitt og fjögur. „Þá verður hægt að
kíkja upp í vitann, börnin fá poka
til að setja í fjársjóði sem þau finna
í fjörunni, og hægt verður að kaupa
vöfflur, safa og kaffi í fræðasetrinu.
Björgunarsveitin Ársæll er með bíl
og ekur þeim sem ekki treysta sér
til að ganga.“
Er hvað er svo um að vera í
Gróttu á öðrum tímum ársins?
„Í maí og júní er öll umferð
bönnuð í eyjunni vegna fuglavarps.
Í september koma nem-
endahópar og upplifa náttúruna og
lífríkið í eyjunni og vinna verkefni
út frá því.“
gudb@mbl.is
Fjársjóðsferð í fjöruna
Morgunblaðið/Ásdís
Vor Hrafnhildur Sigurðardóttir hjólar gjarnan þegar birtir og veðrið fer að batna og fer líka í langa göngutúra.
SÚKKULAÐI, súkkulaði! Bara orð-
ið súkkulaði fær mörg okkar til að
hlaupa út í búð og kaupa það sem
orðið stendur fyrir, standandi næst-
um ær yfir úrvalinu í hillunum. En
vitum við eitthvað um fyrirbærið –
annað en að það er óhemjugott? Á
vefmiðli The Guardian er að finna
allmikla uppljóstrun um leyndar-
dóma súkkulaðis og hvernig maður
virkilega á að njóta þess að borða
gott súkkulaði.
 Veldu hreint súkkulaði, dökkt eða
mjólkursúkkulaði. Súkkulaði með
bragðefni eða fyllingu bragðast að
mestu eins og „aukaefnin“.
 Vertu viðbúinn því að gott súkku-
laði sé dýrara en súkkulaðistykkið
sem þú kaupir venjulega. Góðar
vörur eru dýrari, sbr. vín og osta, þó
að dýrt merki ekki endilega gæði.
Gott er hins vegar sjaldnast ódýrt.
 Hollt súkkulaði er málið. Allt
súkkulaði úr grunnhráefni er hollt –
í hófi þó.
 Athugaðu hvort súkkulaðið er
nokkuð útrunnið og eins hitastigið í
búðinni sem má ekki vera meira en
23°C, allt til að komast hjá því að
kaupa skemmt súkkulaði.
 Hlutfall kakós hefur ekki áhrif á
gæði súkkulaðisins, ólíkt því sem
margir halda. Fyrir kunnáttufólk í
súkkulaði skiptir prósentutala kakós
eins litlu máli og hlutfall alkóhóls í
víni. Prósenta kakós sýnir einfald-
lega hve sætt súkkulaðið er.
 Hvítt súkkulaði er ekki „viður-
kennt“ sem súkkulaði af „súkku-
laðiheiminum“ heldur telst til sæt-
inda.
 Smakkaðu á súkkulaði – sem er
allt annað en að borða það – og til
þess þarftu að vera tilbúinn, andlega
og líkamlega. Öll fimm skilningar-
vitin, sjón, heyrn, ilman, smekkur og
tilfinning, eru kölluð til til að njóta
súkkulaðis til hins ýtrasta. Það ku
ekki virka eftir reykingar eða þunga
máltíð, né heldur hjá þreyttum og
stressuðum.
Þekkirðu leyndardóma súkkulaðis?
Morgunblaðið/Þorkell
Ómótstæðilegt Leyndardómar súkkulaðis eru margir og margvíslegir.
Sjórinn:
Fjöruferð með börnunum
Útivist: Göngutúr
Hreyfing:
Hjólatúr meðfram ströndinni
Hressing: Sundferð
Afslöppun: Einnig að gera
ekkert og æfa sig í að láta
sér leiðast – það er afar
hollt.
Hrafnhildur Sigurðar-
dóttir er mikið fyrir bæði
útiveru og ferðalög, þó
að lesturinn og garð-
vinnan heilli ekki síður.
Guðbjörg Guðmunds-
dóttir sló á þráðinn til
Hrafnhildar sem er upp-
hafsmaður Gróttudaga.
Skömmu eftir að ég fór
að vinna sem leikskóla-
fulltrúi á Seltjarnarnesi
áttaði ég mig á því að jafn-
vel íbúar á Nesinu höfðu
ekki komið út í Gróttu.
Í framhaldi af yrkingum um and-skotann áminnir Sigurður Sig-
urðarson dýralæknir hagyrðinga
um „að hinn íslenski andskoti er
sérlega skemmtileg persóna, svolít-
ið grunnhygginn og unnt að leika á
hann. Auðvelt að verjast vélabrögð-
um hans þeim sem hafa andvara á
sér. Hann er orðheldinn, en það er
meira en hægt er að segja um ýmsa
andskota hans. Auðvelt er að fá
hann til ýmissa sendiferða og við-
vika. Miðlungs hagyrðingar geta
kveðið svikk á hann og létt er fyrir
góða hagyrðinga að kveða hann
niður, ef á þarf að halda. Farið vel
að honum eins og ætíð skal gera við
minni máttar persónur. Óskið hon-
um ekki slysa og háska. Haldið hon-
um grönnum og hlaupalegum með
því að sýna hóf í háskasamlegu orð-
bragði. Hann launar það síðar.“
Davíð Hjálmar Haraldsson gríp-
ur yrkingar um andskotann á lofti:
Ég signi mig og sálma gala,
sælu í bæn til Drottins finn,
en hina skil sem hugsa og tala
helst um næsta bústað sinn.
Þá Jón Arnljótsson:
Fjöldinn hefur verið vandi,
þó vissu hafi margir skólar,
en fjárinn víst er óteljandi,
eins og bæði vötn og hólar.
Sigrún Haraldsdóttir:
Nú þanka minn ég þen og spinn,
er þetta kannski meinið?
Er ég sjálfur andskotinn
inn við fjandans beinið?
Jón Arnljótsson svarar:
Upp hefur verið mörgu mokað
og mikið spurt um andskotann,
en það er alveg útilokað
að þú getir verið hann.
VÍSNAHORNIÐ
pebl@mbl.is
Hinn íslenski andskoti
HANN er svo sannarlega óvenju-
legur hundurinn sem hér sést,
enda sjaldan sem maður sér
hund búinn til úr ávöxtum.
Kokkurinn sem á heiðurinn að
þessum ávaxta-hvutta er
að útbúa hann fyrir
jómfrúarferð
skemmtiferðaskips
sem vígt verður í
Hamborg í dag. Skip-
ið er alls 252 metra
langt og rúmar 1.025
manns í klefa.
Ávaxta-hvutti
Reuters
Hrafnhildur mælir með