Morgunblaðið - 27.05.2007, Blaðsíða 78

Ég hef ekki grænan
Guðmund um hvað
hefur verið selt af laginu… 85
»
reykjavíkreykjavík
Eftir Arnar Eggert Thoroddsen
arnart@mbl.is
LAGIÐ „Ekki gera neitt“ hefur
verið í mikilli spilun á Bylgjunni
að undanförnu en söngkonan,
Sigrún Vala, vakti fyrst athygli
fyrir þremur árum síðan fyrir
lagið „Því ástin“ og var þá aðeins
fimmtán ára gömul. Það lag, eins
og þetta nýja, er eftir sænska
popplagasmiði sem eins og al-
heimur veit eru með giska gott
nef fyrir því hvað virkar og hvað
ekki í þessum efnum. Stefnt er að
útgáfu þriðju „smáskífunnar“ í
sumar og svo á breiðskífu í haust.
Sungið frá blautu barnsbeini
Sigrún Vala segir að faðir
hennar hafi komið henni í sam-
band við Grétar Örvarsson fyrir
þremur árum síðan, en þá var
hún nýbúin að sigra í söngkeppni.
Lagið „Því ástin“ var í kjölfarið
tekið upp og birtist á plötunni
Jólastjörnur. Fyrirtækið sænska
sem Sigrún og hennar fólk skipt-
ir við heitir Lionheart Int-
ernational Records og er staðsett
í Stokkhólmi. Lögin voru send
þaðan fullbúin til landsins en
Grétar sá svo um lokafrágang,
tók upp söng og slíkt en Regína
Ósk sér um bakraddir í „Ekki
gera neitt“.
Sigrún segir að takmarkið hafi
verið að reyna að fá eins mikla
spilun og kostur væri, og þessi
sænsku lög hafi reynst af-
skaplega vel. Fyrsta lagið fékk
og mikla spilun og Sigrún því bú-
in að búa ágætlega í haginn fyrir
væntanlega breiðskífu.
„Við stefnum ótrauð á plötu í
haust og ég býst við því að eitt-
hvað af efninu verði eftir Svíana.
En svo verður ábyggilega leitað
til innlendra höfunda líka og ég
sjálf er þá byrjuð að semja
texta.“ Sigrún, sem er Selfyss-
ingur, hefur verið syngjandi frá
því að hún man eftir sér. Hún
byrjaði í Kirkjukór 8 ára gömul
og við tíu ára aldur var hún farin
að æfa sviðsframkomu fyrir
framan spegil með hljóðnema í
hönd. Hún kom fram opinberlega
í fyrsta skipti tólf ára gömul og
hefur síðan þá troðið upp með Á
móti Sól og Írafári m.a.. Hún
sigraði svo í Söngkeppni Fjöl-
brautaskóla Suðurlands og tók
því þátt í Söngkeppni Framhalds-
skólanna sem fram fór í síðasta
mánuði.
Aldrei neitt annað
Sigrún, sem vonast til að geta
hafið söngnám í Tónlistarskóla
FÍH næsta haust segir það rosa-
lega gaman að vera fást við þessa
hlið tónlistarinnar, þ.e. að gefa út
lög og reyna að hasla sér völl í
poppheimum.
„Ég ákvað fyrir margt, margt
löngu að ég ætlaði að vinna við
tónlist í framtíðinni,“ segir hún.
„Það hefur aldrei neitt annað
staðið til og ég er svona rétt að
byrja þá vinnu.“
Morgunblaðið/RAX
Á uppleið Sigrún Vala hefur hægt en bítandi verið að færa sig í sviðsljósið á tónlistarsviðinu.
KLÁR Í SLAGINN
Hin átján ára gamla söngkona Sigrún Vala Baldursdóttir hefur
vakið mikla athygli að undanförnu fyrir lagið „Ekki gera neitt“.
REYKJAVÍK Films undirritaði á föstu-
daginn samning við Viktor Arnar Ingólfs-
son og Eddu útgáfu um kvikmyndarétt á
bókinni Aftureldingu, en til stendur að
þróa þáttaröð fyrir sjónvarp úr bókinni
sem fjallar um æsilega viðureign lögreglu
og raðmorðingja.
Viktor Arnar Ingólfsson er einn vinsæl-
asti spennusagnahöfundur landsins.
Fyrsta bók hans, Engin spor, var fyrsta
íslenska glæpasagan sem tilnefnd var til
norrænu glæpasagnaverðlaunanna. Flat-
eyjargátan, önnur bók höfundar, fékk
sömuleiðis tilnefningu til sömu verðlauna.
Hróður Viktors Arnars hefur borist víða
og hafa fyrrnefndar bækur allar komið út í
Þýskalandi, en Flateyjargátan kemur
einnig út í Hollandi í sumar.
Edduverðlaunahafi
Afturelding kom út árið 2005 og hlaut
góðar viðtökur jafnt hjá gagnrýnendum
sem hinum almenna lesanda. Meðal annars
taldi gagnrýnandi DV, Jakob Bjarnar
Grétarsson, það afrek að láta raðmorð-
ingja leika lausum hala í íslensku sam-
félagi þannig að lesandinn viðurkenndi
það.
Reykjavík films er kvikmyndafyrirtæki
sem framleiðir efni fyrir sjónvarp og kvik-
myndahús. Meðal þess sem fyrirtækið hef-
ur framleitt er Njálssaga, sem hlaut
Edduverðlaunin 2004 sem leikið sjónvarps-
efni ársins. Reykjavík films framleiddi
einnig, ásamt Saga film, kvikmyndina Köld
slóð sem frumsýnd var í desember s.l.
Aftureld-
ing að
sjónvarps-
þáttaröð
Morgunblaðið/Árni Sæberg
Höfundurinn Viktor Arnar Ingólfs-
son er á meðal vinsælustu glæpa-
sagnahöfunda landsins.
Reykjavik films kaupir kvikmynda-
réttindi að bókinni Afturelding
www.sigrunvala.com
Eftir Jóhann Bjarna Kolbeinsson
jbk@mbl.is
GYRÐIR Elíasson rithöfundur
hefur sagt skilið við Eddu útgáfu
og gengið til liðs við útgáfuna
Uppheima á Akranesi. „Eftir
langan tíma fannst mér kominn
tími til að breyta til. En auðvitað
fer maður ekki alveg sáttur, mað-
ur breytir ekki til bara sísvona,“
segir Gyrðir, sem vill þó ekki til-
greina í hverju óánægja hans
felst.
Gyrðir hefur verið hjá Eddu
frá árinu 1984, eða í 23 ár, lengur
en flestir aðrir. „Ég held að ég sé
bara að verða einn af þeim sem
eru búnir að vera hvað lengst,“
segir hann, og bætir við að eftir
hann liggi hátt í þrjátíu bækur
hjá útgáfunni, með þýðingum.
Aðspurður segir Gyrðir það
hafa legið beinast við að fara til
Uppheima. „Það er vaxandi for-
lag og kröftugur útgefandi sem
ég hef trú á og langaði til að
reyna fyrir mér hjá,“ segir hann.
Fyrsta bók Gyrðis hjá nýju út-
gáfunni kemur út í haust, en þar
verður á ferðinni stutt skáldsaga.
Gyrðir hættur hjá
Eddu eftir 23 ár
Morgunblaðið/Einar Falur
Gyrðir Elíasson.