Morgunblaðið - 27.05.2007, Blaðsíða 4

4 SUNNUDAGUR 27. MAÍ 2007 MORGUNBLAÐIÐ
FRÉTTIR
Róm hefur verið nefnd „borgin eilífa“. Sögulegar minjar Rómar, listræn
arfleifð og umhverfi endurspegla rætur og sögu vestrænnar menningar
í gegnum 2500 ár. Sæktu Róm heim og láttu heillast.
Leiðsögn er í höndum Ólafs Gíslasonar sem er sérfróður um sögustaði Rómar.
www.uu.is
hin forna Vikuferðir meðÓlafi Gíslasyni
12.–19. júní
og 7.–14. ágúst
ÚRVAL ÚTSÝN ~ LÁGMÚLA 4
108 REYKJAVÍK ~ SÍMI 585 4000
FAX 585 4065 ~ INFO@UU.IS
123.990 kr. á manní tvíbýli
Innifalið: Flug, flugvallaskattar, hótel með morgun-
verði, allar skoðunarferðir og íslensk fararstjórn.
SÍÐUSTU SÆTIN
Eftir Baldur Arnarson
baldura@mbl.is
HLUTAFÉLAGIÐ Molta ehf., sem
var stofnað í kringum fyrirhugaða
jarðgerðarverksmiðju í Eyjafjarðar-
sveit, hyggst kanna fýsileika þess að
reisa lífmassaverksmiðju sem fram-
leitt geti orku úr lífrænum úrgangi.
Yrði slík framkvæmd viðbót við
verksmiðju sem framleiddi jarðvegs-
bætinn moltu á svæðinu og kosta
mun um 350 milljónir króna með vél-
um og búnaði í fyrsta áfanga.
Í lífmassaverksmiðju er úrgangur
meðhöndlaður og úr honum unnið
gas sem má nýta til orkuvinnslu.
Að sögn Sigmundar Ófeigssonar,
framkvæmdastjóra Norðlenska og
stjórnarmanns í Moltu, er áætlað að
um 250.000 tonn af búfjáráburði falli
til á Eyjafjarðarsvæðinu árlega, eða
um 23.400 tonn að þurrvigt.
Úr honum megi vinna 2,8 milljón
rúmmetra af metangasi, sem nýtist
til raforkuframleiðslu, eða sem elds-
neyti. Allt að 3.200 bíla mætti knýja
með gasinu og framleiða um 10 gíga-
vattstundir af orku á ári í tæplega
þriggja megavatta orkuveri.
Sigmundur segir slíka verksmiðju
mundu kosta um 800 milljónir króna
og því væri stofnkostnaður mikill.
Hún sé dýrari en aðrir orkukostir,
en komi til förgunargjald á allan líf-
ræna úrganginn, þ.m.t. búfjárúr-
gang, líkt og vænta megi, breytist
reikningsdæmið. Bygging álvers
fyrir norðan gæti einnig haft veruleg
áhrif hvað orkuna snertir. Hann
bendir jafnframt á að með því að
vinna allan áburðinn í slíkri verk-
smiðju væri verið að skapa ígildi
70.000 tonna Kýótó-losunarkvóta
sem væri „milljóna virði“.
Kaupa jarðvegsverksmiðju
Molta ehf. mun staðfesta kaup á
moltugerðarverksmiðju innan
tveggja mánaða sem mun framleiða
um 4.500 tonn af jarðvegsbætinum
moltu úr 9.000 tonnum af lífrænum
úrgangi og er kostnaður sem fyrr
segir áætlaður um 350 milljónir
króna. Mörg fyrirtæki og sveitar-
félög koma að verkefninu og stendur
til að hefja gangsetningu næsta ár.
Um fyrsta áfanga yrði að ræða og
er ráðgert að þriðja og síðasta
áfanga muni ljúka seint á árinu 2011
og framleiðslugetan þá verða um
11.000 tonn úr 20.700 tonnum af úr-
gangi, eða sem nemur 91% af lífræna
úrganginum frá fyrirtækjum og
heimilum á Eyjafjarðarsvæðinu.
Líkt og önnur sveitarfélög á land-
inu þurfa Eyfirðingar að draga úr
urðun lífræns úrgangs vegna tilskip-
ana frá Evrópusambandinu.
Miðast þær við að 1. janúar 2009
hafi urðun lífræns úrgangs minnkað
niður í 75% af viðmiðun árið 1995.
Rúmum fjórum árum síðar, eða 1.
júlí 2013, á hlutfallið að vera komið
niður í 50% af viðmiðunarmagninu
og svo niður í 35% sama dag 2020.
Draga kann til frekari tíðinda í
sorpmálunum fyrir norðan en verið
er að skoða hvort lífrænum úrgangi
verður safnað í sértunnur við heimili
á Akureyri.
Stór lífmassaverksmiðja til
skoðunar á Norðurlandi
 Kostar um 800 milljónir króna  Raforkuframleiðslugetan tæp þrjú megavött
Í HNOTSKURN
»Sjö stór fyrirtæki koma aðverkefninu, Norðlenska,
Samherji, Brim, Gámaþjón-
ustan, Kjarnafæði, B. Jensen
og Sagaplast, auk níu sveitar-
félaga við Eyjafjörð.
»Hugmyndin undirstrikarhversu mikil alvara er að
baki þeim ásetningi að um-
bylta sorphirðu á Eyjafjarð-
arsvæðinu og gera hana nú-
tímalegri og grænni.
»Molta ehf. mun einnigfesta kaup á 350 milljón
króna moltugerðarverksmiðju
á næstu mánuðum.
»Lífmassaverksmiðja þykirhenta einkar vel fyrir mik-
ið magn lífræns úrgangs, líkt
og búfjárúrgang, og á stórum
þéttbýlissvæðum.
„ÞETTA er í fyrsta skiptið sem
fundurinn fer fram hér,“ segir
Helgi Bernód-
usson, skrif-
stofustjóri Al-
þingis, um
ársfund þing-
mannasamtaka
Atlantshafs-
bandalagsins,
NATÓ, hér á
landi dagana 5.
til 9. október í
haust.
„Þessi samtök voru stofnuð árið
1955 og eru samráðsvettvangur
þingmanna aðildarríkja Atlants-
hafsbandalagsins. Á þinginu eiga
sæti 248 þingmenn frá 26 aðild-
arríkjum, auk 59 þingmanna frá 13
aukaaðildarríkjum. Það er búist við
að erlendir gestir verði hátt í eitt
þúsund í kringum þessa ráðstefnu.“
Helgi segir fundinn hluta af þeim
skyldum sem Ísland þurfi að axla
sem aðildarríki NATÓ, hann verði
haldinn í Laugardalshöllinni.
NATÓ-
þing í
fyrsta sinn
á Íslandi
Helgi Bernódusson
Fjöldi erlendra gesta
verður hátt í þúsund
KARL Sigurbjörnsson, biskup Ís-
lands, hvetur presta til að gera
messu hvítasunnunnar að þjóðahátíð
kirkjunnar og bjóða sérstaklega út-
lendingum og aðkomufólki að koma
og lesa texta þessarar hátíðar á eigin
tungumálum.
Í bréfi til presta segir biskup að
lexía Postulasögunnar um hvíta-
sunnudag segi frá „er andinn kom yf-
ir lærisveinana og þeir „tóku að tala
öðrum tungum eins og andinn gaf
þeim að mæla.“ Undur hvítasunn-
unnar, kraftaverkið sem hratt þeirri
hnattvæðingu af stað sem er kristin
kirkja, var í því fólgið að fólk hvaðan-
æva skildi boðskapinn, „heyrði þá
tala á sínum eigin tungum um stór-
merki Guðs.““ „Ég hef hvatt til þess
að við gerum messu hvítasunnunnar
að þjóðahátíð kirkjunnar.“
Hvítasunna
verði
þjóðahátíð
Berlín, AFP. | Spilltir dómarar og lög-
fræðingar koma í veg fyrir að ein-
staklingar víða um heim geti fengið
sanngjörn réttargjöld, að því er
kemur fram í nýrri skýrslu samtak-
anna Transparency International.
Skýrslan byggðist á spurningalist-
um sem lagðir voru fram í 32 ríkjum
og er komist að þeirri niðurstöðu að
spilling sé næst minnst á Íslandi.
Kemur þar fram að spilling í
dómskerfinu skiptist yfirleitt í tvo
flokka, afskipti framkvæmda- og
löggjafarvaldsins og svo mútur.
Argentína og Rússland eru nefnd
sem dæmi um ríki þar sem grafið
hefur verið undan sjálfstæði dóm-
stóla með afskiptum stjórnmála-
manna. Er þetta sagt hafa einkar
slæm áhrif, rödd hinna saklausu
heyrist ekki og hinir seku komist
hjá refsingu. Dæmi um það síðar-
nefnda sé þegar dómari kýs að taka
ekki til greina sönnunargögn, í því
skyni að geta kveðið upp sýknudóm
yfir spilltum stjórnmálamanni. Lág
laun dómara geti aukið líkur á mút-
um.
Spilling
talin lítil
á Íslandi


 















 
   


   

 
 


  ! "# 
"! 
$! 




 

  
 

%&''())*+











!" #
$%&' ()
* +
,-

*&.
'/


0. *

1* 

,2345
46

, %

5
7 
,* 
8"
,9: #&
,9*
4" '
;


"

%**''())*+ 








      !" #
$ 

"
      
  
    
 

      ♦♦♦
FYRSTU síldinni á vertíðinni var
landað á Eskifirði í gær, þegar Að-
alsteinn Jónsson SU 11 kom að landi
með eitt þúsund tonn. Að sögn Karls
Más Einarssonar útgerðarstjóra
veiddist síldin norður af Rauðatorg-
inu, austur af Glettingi. Veiðiferðin
stóð yfir í viku og fer Aðalsteinn
Jónsson aftur á síldarmiðin eftir
löndun.
Síldin er í magrara lagi að sögn
Karls og kjaftfull af átu.Til stendur
að vinna síldina í samflök eða svo-
kallaða flapsa og verður hún flutt á
Austur-Evrópumarkað.
Sextán þúsund tonna síldarkvóti
er enn óveiddur hjá útgerðinni og
telur útgerðarstjórinn mjög líklegt
að það náist að veiða allan kvótann.
Síldin gengur nú vestar og vestar
og stöðugt aukast líkur á vetursetu
hennar úti fyrir Norðurlandi.
Útflutningsverðmæti síldaraflans
í fyrra var tæpir 10 milljarðar króna
og hafði aukist um rúmlega þriðjung
frá fyrra ári. Síldin er að mestu leyti
unnin til manneldis. Í fyrra voru
markaðir fyrir frysta síld ekki eins
góðir og árið áður og fór mest af
síldinni í mjöl- og lýsisvinnslu. Verð
á þeim afurðum var þá í sögulegu
hámarki.
Síldin horuð
Morgunblaðið/Helgi Garðarsson
Síldinni landað Aðalsteinn Jónsson SU11 landaði þúsund tonnum af frystri síldá Eskifirði í gærmorgun.