Morgunblaðið - 25.10.2007, Blaðsíða 20
20 FIMMTUDAGUR 25. OKTÓBER 2007 MORGUNBLAÐIÐ
HÖFUÐBORGARSVÆÐIÐ
Öskjuhlíð | „Skólinn er 32 ára gam-
all og er einn af grunnskólum borg-
arinnar,“ segir Dagný Annasdóttir,
skólastjóri Öskjuhlíðarskóla. Skól-
inn hefur ráðgjafarhlutverk á
landsvísu og getur fagfólk komið
þangað og fengið kennsluráðgjöf
fyrir fötluð börn.
„Við fylgjum aðalnámskrá
grunnskóla, hjá okkur eru bekkj-
ardeildir, frá fyrsta og upp í tíunda
bekk og hvert barn tilheyrir
ákveðnum bekk,“ segir Dagný. Í
vetur eru 92 nemendur í skólanum
og um 90 starfsmenn, þó ekki allir í
fullu starfi.
„Skólinn er ólíkur öðrum skólum
að því leyti að hér eru mjög margar
fagstéttir starfandi,“ segir Dagný
og nefnir leikskólakennara, grunn-
skólakennara, sérkennara, þroska-
þjálfa, talmeinafræðinga, iðju-
þjálfa, sjúkraþjálfara,
félagsráðgjafa og sálfræðing. „Svo
fáum við meira að segja tannlækni
til okkar einu sinni í viku,“ segir
hún.
Einstaklingsnámskrár
Til að barn fái inngöngu í Öskju-
hlíðarskóla þarf að liggja fyrir við-
urkennd greining frá Greiningar-
og ráðgjafastöð ríkisins. Í greining-
unni þarf að koma fram að barnið
sé undir 70 í greind. „Oft fylgja
barninu einhverjar viðbótarfatl-
anir,“ segir Dagný. „Viðkomandi
getur verið hreyfihamlaður, með
skerta sjón eða heyrn, einhvers
konar ofvirkni eða athyglisbrest.“
Inntökuteymi metur hverja umsókn
fyrir sig.
Reykjavíkurborg rekur Öskju-
hlíðarskóla. Skólinn er opinn fyrir
börn úr nágrannasveitarfélögum
og utan af landi og þurfa viðkom-
andi sveitarfélög að samþykkja að
greiða með hverju barni.
Einstaklingsnámskrár eru gerð-
ar fyrir alla nemendur skólans og
námið lagað að þörfum hvers og
eins. Skólinn býr yfir 30 ára reynslu
af einstaklingsmiðuðu námi.
Í dag fer fram í Þjóðminjasafni
Íslands málþing undir yfirskriftinni
Mennt er máttur – málþing um
skólagöngu fatlaðra. Menntasvið
Reykjavíkur stendur fyrir mál-
þinginu en það byrjar klukkan 13
og stendur til 17.
Morgunblaðið/Brynjar Gauti
Skemmtilegt Dagný Annasdóttir, skólastjóri Öskjuhlíðarskóla, ásamt nokkrum nemendum í skólanum.
Einstaklingsmiðað nám
AKUREYRI
Eftir Skapta Hallgrímsson
skapti@mbl.is
SIGRÚN Björk Jakobsdóttir, bæjarstjóri á
Akureyri, segir skipulagsmál þurfa að taka
mið af þörfum samfélagsins á hverjum tíma.
Morgunblaðið ræddi við hana í gær í framhaldi
af áhugaverðum fyrirlestri Sigmundar Davíðs
Gunnlaugssonar um skipulagsmál í Háskól-
anum á Akureyri í síðustu viku. „Mér fannst
mjög gaman að hlusta á Sigmund og kynnast
sýn hans á skipulagsmál; hún er skemmtileg
og hann var gagnrýninn, sem er gott. Mér
fannst líka heillandi að heyra hann lýsa upp-
byggingunni í Austur-Evrópu,“ sagði Sigrún.
Heildarmynd
Sigmundur lýsti m.a. þeirri skoðun sinni að
bæði á höfuðborgarsvæðinu og á Akureyri
væri byggt býsna mikið og hratt, án þess að
spáð væri í heildarmynd og gæði.
Naustahverfi er það nýjasta á Akureyri og
Sigrún segist vissulega hafa heyrt gagnrýn-
israddir varðandi það. „Menn gera eins vel og
þeir geta á hverjum tíma og síðan dæmir sag-
an það hvort vel hafi tekist til eða ekki. Skipu-
lag Naustahverfis er byggt á verðlaunatillögu
arkitekta þar sem einmitt átti að leggja
áherslu á heildarmyndina; hugmyndin er að
skapa skjól og þarna eiga gangandi vegfar-
endur að hafa forgang. Mikið verður um
göngustíga, 30 km hámarkshraði í öllu hverf-
inu og hlykkjóttar götur til þess að hindra
hraðakstur. Markmiðið er sem sagt að búa til
gott hverfi.“
Hún segir að ef til vill átti menn sig ekki á
heildarmynd hverfisins fyrr en það verður full-
byggt. „Þarna eru margar blokkir og sér-
staklega ein sem stendur upp úr – en ég geri
ráð fyrir því að hverfið samsvari sér betur þeg-
ar það verður tilbúið.“
Sigmundur sagði í fyrirlestrinum að í miðbæ
Akureyrar og þar í grennd væru mikil tæki-
færi varðandi uppbyggingu og lagði áherslu á
þá skoðun sína að byggt yrði á arfleifðinni og í
samræmi við umhverfið. Sigrún segir að skipu-
lag hvers tíma þurfi að taka mið af þörfum
samfélagsins hverju sinni og nú sé unnið að því
að breyta áherslum í miðbænum til þess að
gera hann sólríkari og bjartari; miðbærinn
mun snúa í austur-vestur eftir breytingar, ekki
norður-suður eins og göngugatan gerir í dag.
„Tilgangurinn er að skapa skemmtilegri bæ,
til dæmis með hugmyndinni um síki, sem er
róttæk og kostnaðarsöm, en segja má að teng-
ist arfleifðinni; síkið á að tengja bæinn betur
við sjóinn, sem markvisst hefur verið fyllt upp
í lengi.“
Hvenær tekur nútíminn við?
Töluvert rís af nýjum byggingum í mið-
bænum, miðað við deiluskipulagið sem verið er
að vinna og byggt er á hugmyndum skoska
arkitektsins Graeme Massie. Og fljótlega
verður hafist handa við að byggja á Drotting-
arbrautarreitnum þar sem nú eru bílastæði,
sunnan við afgreiðslu leigubílastöðvarinnar
BSO. „Nýju húsin og þau sem fyrir eru eiga að
mynda það skjól sem mikið er kallað eftir. Sú
bygging sem þarna rís verður örugglega nú-
tímaleg en ég á engu að síður von á að um-
hverfið verði mjög manneskjulegt – sem er
einmitt það sem verið er að leita eftir.“
Hún segir að breytingin á miðbænum eigi að
hafa góð áhrif á svæðið sem íverustað og fjár-
festingarkost. „Við höfum séð gríðarmiklar
fjárfestingar á miðbæjarsvæðinu undanfarið.“
Hún samsinnir því að alltaf sé gott að horfa
til gamla tímans þegar arkitektúr sé annars
vegar, en spyr: „Hvenær á nútíminn að taka
við? Um þetta er dálítið tekist á. Hvenær verð-
ur dagurinn í dag að gamla tímanum? Til eru
dæmi um illa heppnaðar byggingar, eins og
húsið á milli Hótel Borgar og Reykjavík-
urapóteks – það var örugglega talið fallegt
þegar það var byggt en er nú talið slys.“
Varðandi arfleifðina nefnir Sigrún arkitekt-
inn Fanneyju Hauksdóttur á Akureyri.
„Turnana, sem einkennt hafa menningararf
Akureyrar, hefur hún mikið notað á sín hús og
þannig viðhaldið hefðinni, en á sinn hátt. Það
er mjög gaman að því.“
„Vítamínsprautuleiðin“
Eitt sem vakti athygli í máli Sigmundar var
að „vítamínsprautuleiðin“ sem hann nefndi
svo, virkaði ekki. Þegar verslunarmiðstöð væri
byggð í miðbæ til þess að lífga upp á hann.
Áhrifin væru oft þveröfug, slík miðstöð eyði-
legði frekar götulífið í kring og nefndi hann
sem dæmi Oxford í Englandi, þar sem hann
bjó um tíma; þar á að fara að rífa versl-
unarmiðstöð sem reist var í miðbænum fyrir
nokkrum árum.
Hugmyndir hafa verið uppi um það að reisa
verslunarmiðstöð á svæðinu þar sem íþrótta-
leikvangur bæjarins, Akureyrarvöllur, er nú
og stundum haft á orði að tilgangurinn væri sá
að styrkja miðbæinn.
„Menn hefur greint dálítið á um það. Ég hef
til dæmis verið efins um að stór versl-
unarmiðstöð á vellinum myndi styrkja miðbæ-
inn. Í bæjum og borgum erlendis eru slíkir
verslunarkjarnar yfirleitt í jaðri byggðarinnar
og ég efast um að einhver fari til stórinnkaupa
á íþróttavallarsvæðinu og svo gangandi inn í
bæ.“
Sigrún upplýsir að nú séu uppi hugmyndir
um að styðjast við fyrsta aðalskipulag Ak-
ureyrar, frá 1926, þegar byggð verður skipu-
lögð á svæðinu þar sem Akureyrarvöllur er nú;
að þar verði lágreist íbúðabyggð í samræmi við
byggðina á Eyrinni, eins og Guðjón Sam-
úelsson gerði ráð fyrir í þessu fyrsta að-
alskipulagi bæjarins.
„Viljum skapa skemmtilegri bæ“
Morgunblaðið/Skapti Hallgrímsson
Uppbygging Horft frá menningarhúsinu Hofi, sem nú er í byggingu. Á svæðinu handan göt-
unnar verður fljótlega hafist handa við framkvæmdir í samræmi við nýtt miðbæjarskipulag.
Í HNOTSKURN
»Þróunarfélagið Þyrping vill fá aðbyggja verslunarhúsnæði þar sem
Akureyrarvöllur er en ólíklegt er að af
því verði. Sigrún segir bæjarbúa greini-
lega vilja að þar verði grænt svæði sem
nýta megi til samkomuhalds og sér lítist
vel á það ásamt lágreistri byggð.
Bæjarstjórinn: Sagan
dæmir hvernig til tekst
Eftir Silju Björk Huldudóttur
silja@mbl.is
EF SPÁR skipulags- og bygginga-
sviðs Reykjavíkurborgar ganga eftir
verða 430 nemendur við Vesturbæj-
arskólann árið 2011, en þetta er 65%
fjölgun frá þessu ári, því í dag eru
um 260 nemendur í skólanum. Þessi
fjölgun skýrist af því að ráðgert er að
byggja samtals 623 nýjar íbúðir í
hverfinu á næstu fjórum árum. Hefði
þessi fjölgun íbúða í hverfinu ekki
komið til gerðu spár menntasviðs
borgarinnar ráð fyrir að nemendur
yrðu samtals 355 árið 2011.
„Ég á nú hins vegar eftir að sjá að
þessi spá um svo mikla fjölgun nem-
enda gangi eftir,“ segir Hildur Haf-
stað, skólastjóri Vesturbæjarskóla,
og bendir á að reynsla síðustu ára
sýni að barnafjölskyldum og þar með
börnum í hverfinu hafi verið að
fækka. Segir hún þetta stafa af því
að barnafjölskyldur virðist eiga erf-
itt með að stækka við sig í Vestur-
bænum í réttu hlutfalli við stækk-
andi fjölskyldur.
Að sögn Hildar hefur um nokk-
urra ára skeið verið fækkun í skól-
anum. „Núna eru um 260 börn í skól-
anum, en þau voru þegar mest var
árið 1989 um 330. Skólinn er byggð-
ur fyrir um 280 til 300 nemendur,
þannig að við getum ennþá tekið við
börnum. En það fer m.a. eftir dreif-
ingu í bekki og annað,“ segir Hildur.
Aðspurð segir hún ljóst að gangi spá
byggingasviðs eftir þurfi að stækka
Vesturbæjarskólann fljótlega.
Spá fjölgun
skólabarna
Barnafjölskyldum fækkar í Vest-
urbænum Fjölga á íbúðum um 623
Morgunblaðið/Jim Smart
Kátir krakkar Nú stefnir í að þeim fari fjölgandi í Vesturbænum.