Morgunblaðið - 25.10.2007, Blaðsíða 55

MORGUNBLAÐIÐ FIMMTUDAGUR 25. OKTÓBER 2007 55
X
E
IN
N
IX
0
7
10
0
17
Fataska´par
Rými sem er vel skipulagt, nýtist betur
og skapar jafnvægi í umhverfi þitt og líf.
Fataskápana frá Inn X er hægt að sníða
inn í þitt pláss, eftir þínum málum og þá
er hægt að fá í eik, hvítu, hvítu-háglans,
hlyn og kirsuber.
Þær stærðir sem til eru á lager eru,
40-50-60-80 og 100 sm.
Þín veröld - veldu Inn X
Innrettingar
Dalvegi 10-14 • 200 Kópavogur
Sími 577 1170 • Fax 577 1172 • www.innx.is
...eftir þínu máli
Nú býðst
af öllum fataskápum frá Inn X
í lagerstærðum, til 15. nóvember.
%afsla´ttur25
ÞAÐ ER verulega erfitt að fá í
hendurnar geisladisk með tónlist úr
leiksýningu sem maður hefur ekki
séð. Diskur með tónlist úr leikriti
getur nefnilega virkað á þann veg
að manni finnist maður bara hafa
aðgang að helmingnum af verkinu,
svona rétt eins og að hlusta á hljóð-
ið í einhverri kvikmynd en sjá ekki
myndina sjálfa. Jón Ólafsson sér
hér um tónlistarsköpun en Davíð
Þór Jónsson er höfundur texta og
því um afar vana menn að ræða sem
gerir nú heilmikið.
Strax frá fyrstu hlustun fer mað-
ur þó að reyna að ímynda sér sen-
urnar sem lögin eru í, og þótt
nokkrir textanna séu mjög skýrir
og flottir eru aðrir eins og gripnir
úr samhengi; samhenginu sem leik-
sýningin skapar náttúrulega. Það
má því segja að geisladiskurinn sem
slíkur nái ekki að standa einn og sér
en virki hins vegar mjög hvetjandi á
mann að skella sér á sýninguna
Óvita.
Það þarf varla að taka það fram
að bæði textar og lög eru vel samin;
lögin prýðispopp í anda hljómsveita
eins og Spilverks þjóðanna, og text-
arnir virkilega vel samdir og
hnyttnir. Best finnst mér takast
upp í laginu „Ys og þys“ en það lag
inniheldur ekki eiginlegar samræð-
ur eða „díalóg“ milli tveggja karakt-
era í leikritinu. Lagið ætti auðveld-
lega að geta spilast oft og mikið á
öldum ljósvakans án þess að vera
„lag úr leikriti“ ef svo mætti að orði
komast. Boðskapurinn í textanum
er frábær áminning um að slaka að-
eins á í neyslugeðveikinni og reyna
að minnka stressið, og sú góða vísa
er sjaldan of oft kveðin. Krakkakór-
inn í því lagi er afskaplega flottur
effekt þarna, sem og hvar sem hann
kemur fyrir á diskinum. Næstbesta
lagið finnst mér vera lagið „Stund-
um“ sem er hugljúf og falleg mel-
ódía og hefur eitthvað notalegt við
sig sem vinnur á.
Að lokum verð ég að minnast á
hlutverk Stefáns Más Magnússonar
á þessum geisladiski, en í umslagi
kemur fram að hann spili á gítar,
bassa, trommur, slagverk, mandól-
ín, munnhörpu og guð-má-vita-hvað,
og verður þetta að teljast nokkuð
gott framlag, sér í lagi þar sem öll
spilamennska er til fyrirmyndar.
Þegar upp er staðið eru á disk-
inum ellefu lög sem öðlast vænt-
anlega aukið gildi við að sjá sýn-
inguna og því held ég að fólk ætti
bara að skella sér í leikhús og kaupa
svo diskinn, því þar má finna öll lög-
in með og án söngs, fyrir söngelska.
Nokkuð góðir Óvitar
Ragnheiður Eiríksdóttir
TÓNLIST
Geisladiskur
Óvitar – Tónlist úr leiksýningu
 AÐEINS eitt verk var á dagskrá
Kristalstónleikanna þessu sinni, Ok-
tett í F-dúr eftir Franz Schubert,
sem er í sex köflum alls. Verkið er
sérstaklega falleg og vönduð smíð
með fallegum laglínum og hugvitsam-
legri nýtingu á hljóðfærunum. Til
dæmis má heyra í verkinu kafla sem
hljóma næstum eins og um stærri
sveit sé að ræða, enda ritaði Schubert
sjálfur í bréfi að hann sæi verkið sem
leið til að koma sér í sinfónískan gír,
en þá hafði hann ekki samið sinfóníu
um langt skeið. Flutningurinn var
mjög vandaður, hópurinn samstilltur,
samhljómurinn góður og nutu allir
hljóðfæraleikararnir sín á þeim stöð-
um sem verkið bauð upp á að þeir létu
ljós sitt skína, en þeir eru fjölmargir
og nokkuð jafnt dreifðir milli hljóð-
færa, sem gerir verkið einstaklega
heppilegt fyrir tónleika sem þessa.
Einstaka sinnum bar á nokkuð sila-
lega spiluðum undirleikspörtum hjá
fiðlum, en í laglínuhlutunum var
syngjandi túlkun áberandi og mætti
þar helst nefna líflegt samspil milli
Laufeyjar Sigurðardóttur, fiðlu og
Rúnars Óskarssonar, klarínettu.
Einnig var spilagleði Bryndísar
Björgvinsdóttur, selló, smitandi og
tónninn sérlega hreinn og fallegur.
Tónleikarnir voru í heildina hinir
ánægjulegustu og minntu á hversu
lánsöm við erum að búa að sinfón-
íuhljómsveit sem státar af svo góðu
tónlistarfólki.
Ólöf Helga Einarsdóttir
Tónlist
Þjóðmenningarhús
Kristall, kammertónleikar í Þjóðmenning-
arhúsinu, laugardaginn 13. október.
Fram komu: Laufey Sigurðardóttir, fiðla,
Bryndís Pálsdóttir, fiðla, Svava Bern-
harðsdóttir, víóla, Bryndís Björgvins-
dóttir, selló, Hávarður Tryggvason,
kontrabassi, Rúnar Óskarsson,
klarínetta, Brjánn Ingason, fagott,
Þorkell Jóelsson, horn.
Meðlimir úr Sinfóníuhljómsveit Íslands –
Oktett í F-dúr eftir Franz Schubert.
 Fögur
tónsmíð í
vönduðum
flutningi