Morgunblaðið - 14.12.2007, Blaðsíða 22

22 FÖSTUDAGUR 14. DESEMBER 2007 MORGUNBLAÐIÐ
AKUREYRI
PÓSTSENDUM
www.simnet.is/heilsuhorn
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Árnesapóteki Selfossi,
Yggdrasil Skólavörðustíg 16, Fjarðarkaupum,
Lyfjaval Hæðasmára og Þönglabakka,
Lífslind Mosfellsbæ, Stúdíó Dan Ísafirði
Góður próteingjafi fyrir unga sem aldna.
Wheat grass
Eftir Skapta Hallgrímsson
skapti@mbl.is
SVIFRYK hefur mælst yfir heilsu-
verndarmörkum 28 daga á þessu ári
á Akureyri, en skv. reglum má svif-
ryk í mesta lagi fara yfir þau mörk í
23 daga á árinu. Ástandið var við-
unandi í september og október en
síðan seig mjög á ógæfuhliðina.
Svifryk hefur síðustu ár verið
meira vandamál á Akureyri en í
Reykjavík. Allt árið 2006 fór það t.d.
29 daga yfir heilsuverndarmörk í
höfbuðborginni, nákvæmlega jafn-
marga daga og leyfilegt var skv.
reglugerð Evrópusambandsins. Á
Akureyri var einungis mælt í níu
mánuði af tólf en engu að síður fór
svifrykið þar 48 daga yfir umrædd
mörk í fyrra.
Reglugerð ESB hefur breyst síð-
an og mun raunar breytast árlega á
næstunni; dögum fækkar sem svif-
rykið má fara yfir heilsuverndar-
mörk. Árið 2010 verður leyfilegur
hámarksfjöldi kominn niður í sjö
daga auk þess sem leyfilegt hámark
ársmeðaltals verður lækkað mikið.
Heilsuverndarmörkin miðast við
50 míkrógrömm svifryks á rúm-
metra að meðaltali yfir sólarhring;
það hæsta sem mældist á Akureyri í
nóvember var 238 og næsthæsta tal-
an var 190.
Meginástæður svifryks er útblást-
ur frá bifreiðum og malbik og notkun
nagladekkja, sem er mun meiri á Ak-
ureyri en syðra. Það liggur í hlut-
arins eðli að mengun er mun minni
en ella þegar snjór hylur jörð; þegar
snjólétt er og margir bílar á negldum
hjólbörðum er ástandið ekki gott.
Forráðamenn bæjarins reyna að
draga úr mengun og þess ber að geta
að ástandið í ár en töluvert betra en í
fyrra; á sama tíma á síðasta ári hafði
svifryk mælst yfir heilsuverndar-
mörkum 41 dag, en 28 nú.
Jón Birgir Gunnlaugsson, verk-
efnastjóri umhverfismála hjá Akur-
eyrarbæ, segir reynt að draga úr
sandburði eins og hægt er um þessar
mundir, en í klakatíð sé það erfitt.
Jón Birgir segir að í raun hafi verið
búist við verri niðurstöðu úr nýjustu
svifryksmælingum, en stóraukinn
þvottur á götum hafi hugsanlega
orðið til þess að ekki fór verr.
„Okkar vinnubrögð í dag eru þau
að stórauka gatnahreinsun, að draga
úr sandburði eins og mögulegt er
ásamt því að prófa saltblandaðan
sand,“ segir Jón Birgir.
Svifrykskvótinn
búinn og vel það
Morgunblaðið/Skapti
Í HNOTSKURN
»Svifryk er örsmáar agnir íandrúmsloftinu. Það er að
mestu leyti til komið vegna út-
blásturs frá bifreiðum og mal-
biks sem spænist upp vegna akst-
urs á nagladekkjum. Svifryk
getur haft slæm áhrif á fólk með
öndunarfæra- eða hjarta-
sjúkdóma, eldri borgara og börn.
Rykið jókst mikið með nagladekkjunum
ILMANDI pönnukökulykt lagði um
verslun Pennans í göngugötunni í
fyrradag þegar Álftagerðisbræður
sungu þar. Sævar Sigurðsson versl-
unarstjóri stóð við pönnuna og bak-
aði í gríð og erg og fórst það vel úr
hendi. Brimar Jörvi, 6 ára, var einn
þeirra sem þáðu pönnsu en hún var
dálítið heit, þannig að Ósk Jórunn,
móðir hans, kom stráksa til hjálpar.
Morgunblaðið/Skapti Hallgrímsson
Ilmandi Pennapönnsur
LÖGREGLA fann töluvert magn af
efni, sem talið er steratöflur, við
húsleit hjá ungum manni á Akureyri
í fyrradag. Í vikunni hefur einnig
fundist nokkuð af fíkniefnum í bæn-
um.
Bifreið var stöðvuð í úthverfi bæj-
arins aðfaranótt þriðjudags vegna
gruns um fíkniefnamisferli. Þrír pilt-
ar um tvítugt voru í bifreiðinni og við
leit í henni og á þeim kom í ljós að
tveir þeirra voru með nokkur
grömm af kannabisefnum í fórum
sínum auk tækja og tóla til fíkniefna-
neyslu. Þremenningarnir voru hand-
teknir og færðir til yfirheyrslu og
látnir lausir að því loknu og telst
málið upplýst.
Á miðvikudag var svo ungur mað-
ur handtekinn með 16 grömm af ætl-
uðu amfetamíni í fórum sínum. Í
framhaldi af því var gerð leit á heim-
ili hans og fundust þar 458 ætlaðar
steratöflur og þrjár ambúlur; sterar
í fljótandi formi.
Fundu
fíkniefni
og stera
SJÓPRÓF vegna óhappsins þegar
flutningskipið Axel strandaði við
Hornafjörð um daginn fer fram í
Héraðsdómi Norðurlands eystra á
Akureyri í dag.
Þá hefur verið ákveðið, að sögn
Bjarna Sigurðssonar, fram-
kvæmdastjóra Dregg Shipping, sem
gerir Axel út, að gert verði við skipið
í Slippnum Akureyri ehf. Hann
reiknar með að verkið taki einn og
hálfan mánuð.
Sjópróf vegna
Axels í dag
Egilsstaðir | Bæjarstjórn Fljóts-
dalshéraðs hefur samþykkt fjár-
hagsáætlun fyrir árið 2008. Áætl-
unina einkennir að útsvarstekjur
lækka þar sem starfsmenn við
Kárahnjúka flytjast úr sveitarfé-
laginu, auk þess sem miklar fjár-
festingar verða í sveitarfélaginu á
árinu.
Gert er ráð fyrir að útsvar-
stekjur næsta árs verði rúmlega
1200 milljónir og nemur sam-
dráttur um 200 milljónum. Þar
hefur íbúaþróun sitt að segja enda
reiknað með að með þeim fækki
frá 4644 manns í lok síðasta árs í
um 3750 nú í árslok.
Útsvarstekjur
Fljótsdalshéraðs
um 1200 milljónir
AUSTURLAND
Reyðarfjörður | Bechtel hefur nú
lokið byggingu álversins á Haga í
Reyðarfirði og afhenti Alcoa
Fjarðaáli það með formlegum hætti
í gær. Áætlaður framkvæmdatími
stóðst og kostnaðaráætlun hefur
haldið. Bechtel og íslenska verk-
fræðisamsteypan HRV hönnuðu og
reistu álverið og er það stærsta
einkaframkvæmd á Íslandi til
þessa. Skóflustunga var tekin að
framkvæmdinni 8. júlí árið 2004 og
framkvæmdir hófust í október. Ál-
verið hóf framleiðslu í apríl sl. og
það var formlega vígt í júní.
Donald Cameron, byggingar-
stjóri Bechtel, og Warren McKen-
zie, verkefnisstjóri f.h. Alcoa, sögðu
við afhendingu álversins í gær að
vel heppnuð framkvæmdin væri því
dugmikla fólki sem kom að verk-
efninu að þakka. „Þetta hefur verið
mikið verkefni og stór áskorun,
ekki síst í hinu íslenska landslagi og
uppskeran ríkuleg.“ Tómas Már
Sigurðsson, forstjóri Alcoa Fjarða-
áls, segir væntingar bæði Alcoa og
Bechtel hafa verið miklar til örygg-
is- og umhverfisþátta við fram-
kvæmdina og þær hafi að fullu
gengið eftir.
Morgunblaðið/Steinunn Ásmundsdóttir
Að skilnaði Tómas Már Sigurðsson gaf þeim Donald Cameron og Warren
McKenzie að skilnaði ljósmynd af álverinu og bók um list Kjarvals.
Álverinu skilað
til réttra eigenda
Morgunblaðið/Steinunn Ásmundsdóttir
Verklok Byggingaraðilar glöddust
yfir verklokum við álver Alcoa.
Egilsstaðir | Í gær afhenti Skóg-
ræktarstöðin Barri Jóni Loftssyni
skógræktarstjóra ársgamlar sitka-
greniplöntur, sem verða þær fyrstu
til að fara í nýja og fullkomna 4000
rúmmetra frystigeymslu fyrirtæk-
isins í nýrri aðstöðu fyrirtækisins
skammt utan við Fellabæ á Fljóts-
dalshéraði. Skógræktarstjóri mun
sækja plöntukassann í frysti-
geymsluna í vor og gróðursetja
græðlingana. Síðustu plöntunum
var plantað í gróðurhúsi Barra á
Egilsstöðum í mars sl., en nú flyst
öll starfsemin yfir Lagarfljót þar
sem aðstaðan verður mjög fullkom-
in. Búið er að reisa þar tvö 2000
fermetra gróðurhús, frysti- og
kæligeymslu, aðstöðuhús, pökkun-
ar- og sáningaraðstöðu og skrif-
stofu- og starfsmannahús. Þrjú
rúmlega 2000 fermetra útisvæði,
hvert, eru á svæði Barra, þar af
eitt með nýtísku skyggingar- og
frostvarnarbúnaði. Því er hægt að
breiða yfir plöntur með hægu móti
til að varna skemmdum og segir
Skúli Björnsson, framkvæmda-
stjóri Barra, allan búnað vera af
fullkomnustu gerð og aðstöðu
Barra nú þá bestu í greininni hér-
lendis og þó víðar væri leitað.
Barri er nú stærsta ræktunarstöð
landsins. Að frysta plöntur í kassa
sem hægt er að planta beint úr er
nýlunda og meiningin að geyma
allt að 2 milljónum plantna í frosti
á hverjum tíma.
Fullkomnasta skóg-
ræktarstöð landsins
Morgunblaðið/Steinunn Ásmundsdóttir
Plöntur í frost Skúli Björnsson og
Jón Loftsson í frystigeymslu Barra.
Reyðarfjörður | Bechtel og Alcoa af-
hentu sl. mánudag Slökkviliði
Fjarðabyggðar búnað af ýmsu tagi
sem mun koma sér vel fyrir nýtt at-
vinnuslökkvilið Fjarðabyggð-
ar. Það er nú að koma sér fyrir í
nýrri öryggismiðstöð við Mjóeyr-
arhöfn. Húsið er tæplega 1100 fer-
metrar, nánast fullbúið og verið að
ganga frá síðustu innréttingum,
síma- og tölvukerfum. Reglulegar
vaktir hófust í apríl á þessu ári og
þjálfun starfsmanna er í fullum
gangi. Alls eru 14 slökkviliðsmenn í
atvinnuliðinu en í slökkviliði Fjarða-
byggðar eru alls 70 menn. Auk þess
eru svo 50 menn í hlutastarfi hjá
slökkviliði Alcoa Fjarðaáls en þeir fá
sína þjálfun hjá Slökkviliði Fjarða-
byggðar. Náin samvinna er á milli
þessara liða skv. sérstökum samn-
ingi sem undirritaður var á árinu.
Alcoa og Bechtel afhenda
atvinnuslökkviliði búnað
♦♦♦