Morgunblaðið - 16.12.2007, Page 37

un á laxinum og fylgdi honum
hvert sporðmál sem var allt annað
en auðvelt í ströngum strengjum
og flúðum. Þetta var erfiður lax,
sem gaf sig ekki, og brátt fór leik-
urinn að berast að brúnni og þeim
hættum, sem þar lágu í leyni. Allt-
af óð Ásgeir á eftir laxinum og
beið færis að koma háfnum undir
laxinn, en allt kom fyrir ekki.
Loks var svo komið að laxinn lá
djúpt í rennu rétt fyrir ofan
nyrsta bilið. Ásgeir stóð í ánni
upp í mitti í stríðum straumi og
gerði sér ljóst að næst myndi lax-
inn æða niður, fram hjá sér, undir
brúna. Hann væri þá tapaður. Það
var því komið að úrslitastundu,
laxinum varð að ná og því dró Ás-
geir andann djúpt, hélt honum og
fór á kaf, alveg upp að öxlum og
andlitið ofaní löðrandi strauminn.
Hann taldi sig koma háfnum undir
laxinn og nú var að hrökkva eða
stökkva, hann reif háfinn uppúr
ánni og allt hafði gengið upp. Silf-
urblikandi laxinn barðist gífurlega
um í háfnum, en þessu var lokið
fyrir hann. Hann myndi ekki
sleppa úr þessu.
Það næsta sem gerðist var að
Ásgeir kom aftur niður á jörðina
smátt og smátt og hann heyrði
loks dynjandi lófatak og fagn-
aðaróp af brúnni. Hann leit upp
og áttaði sig á því, að fjöldi áhorf-
enda hafði safnast saman, án þess
að hann yrði þess nokkru sinni
var. M.a. stóð tóm rúta við annan
enda brúarinnar. Ásgeir brosti útí
eitt, hristi háfinn sigri hrósandi og
meðtók fögnuðinn. Hann leit síðan
aftur á aðstæðurnar og ætlaði að
kortleggja leiðina í land þegar
hann hrökk eilítið við. Var ekki
kunnuglegt andlit í hópnum á
brúnni. Hann leit aftur upp í fagn-
andi áhorfendaskarann og jú,
þarna var sá bandaríski. Við-
skiptavinur hans. Sá, sem hann
hélt vera að þreyta laxinn! Þegar
þeir náðu augnsambandi kallaði sá
bandaríski glaðlega til Ásgeirs:
„Thank’s a lot Ásgeir, but you rea-
lize that I lost him fifteen minutes
ago,“ sem útleggst, „bestu þakkir
Ásgeir, en þú gerir þér grein fyrir
að ég missti laxinn fyrir kortéri.“
Sumarið 1988 voru gríðarlegar
laxagöngur í Laxá í Kjós, ekki
hvað síst í Höklunum. Þar gerðist
ekki ósvipað atvik. Ásgeir var þá
að veiða í Höklunum og honum til
aðstoðar var Sigurður Hall, sem
þá starfaði sem kokkur í veiðihús-
inu. Ásgeir setti í vænan lax, sem
reif út línu og fór mikinn um
grynningarnar. Þá hljóp Sigurði
kapp í kinn, hann reif upp háfinn
og hljóp af stað og gengu gus-
urnar í allar áttir. Þarna elti Sig-
urður lax um allt og náði honum
að lokum í háfinn, eftir að laxinn
hafði eiginlega strandað sér sjálfur
á svo grunnu vatni, að það vatnaði
bara um hann miðjan. Þetta
reyndist hins vegar vera allt annar
lax heldur en Ásgeir var að þreyta
og þegar Sigurður leit hróðugur til
Ásgeirs, var Ásgeir að losa úr sín-
um laxi nokkrum metrum neðar.
Í lygnum straumi Þórður Ingi Júlísson togast á við lax á Móeyri í Bugðu.
Það var því komið að úr-
slitastundu, laxinum varð
að ná og því dró Ásgeir
andann djúpt, hélt honum
og fór á kaf, alveg upp að
öxlum og andlitið ofaní
löðrandi strauminn
Klöngurveiðar Kanadísk veiðikona
prílar ofan af kletti við Neðri-Spegil
eftir að lax tók hjá henni.
Laxá í Kjós og Bugða kemur út hjá
Litrófi-Hagprenti og er eftir Guð-
mund Guðjónsson og ljósmyndir eftir
Einar Fal Ingólfsson. Bókin er 156
blaðsíður.
MORGUNBLAÐIÐ SUNNUDAGUR 16. DESEMBER 2007 37