Morgunblaðið - 16.12.2007, Blaðsíða 40

tónlist
40 SUNNUDAGUR 16. DESEMBER 2007 MORGUNBLAÐIÐ
S
vo vill til að blaðamaður
þarf að fara í annað við-
tal eftir viðtalið við Óla,
þar sem hann er að fara
að ræða við ungan tón-
listarmann sem hefur dvalið lang-
dvölum erlendis, m.a. við nám.
Ólafur hefur reynslu af slíku en
þegar hann varð fimmtugur ákvað
hann skella sér í tónlistarnám
vestur til Bandaríkjanna. Talið
hefst því á vangaveltum um gildi
slíks, þar sem við sitjum á skrif-
stofu hans í nefndum gítarskóla.
„Það er gott að komast út, því
þá sér maður hlutina betur og
skilur þá betur,“ segir Ólafur. „Við
erum 300.000 hér á Íslandi. Okkur
finnst við vera 300 milljónir
(hlær). Út frá sjónarmiði þess sem
reynir að selja plötur væri líklega
gott að hafa þrjár milljónir hérna.
Þessi ótrúlega virkni í íslensku
tónlistarlífi þarf um leið að lúta
lögmálum lítils markaðar, eins og
við vitum. Tökum djasssenuna hér
á landi, hún er svakalega stór mið-
að við hversu margir búa hérna.
Fjöldi tónleika er með ólíkindum,
og jafnast alveg á við þann fjölda
sem er í miklu stærri löndum og
borgum. Það er einfaldlega stað-
reynd að gróskan er mikil hér á
landi í tónlist og þá er ég ekki að
tala um þessa blessuðu höfðatölu
sem útgangspunkt.“
Maður finnur strax að Ólafur er
skarplega þenkjandi maður og
fylgist vel með tónlistarumhverf-
inu hér á landi. Hann hafði á orði í
viðtali, sem Ólafur Ormsson átti
við hann í Morgunblaðinu árið
1996, að Íslendingar hafi verið
sveltir hvað tónlist varðar svo öld-
um skipti. Er gróskan tilkomin
vegna þessa? Ólafur hlær við.
„Ég veit það ekki […] kannski
brýst þetta út eins og þegar losað
er um stíflu í á, þá rennur vatnið
mjög svakalega fyrst í stað. Ég
get tekið dæmi: Frá því að ég
byrjaði að skrifa tónlist, útsetja,
stjórna hljómsveitum og slíkt hef-
ur hljóðfæraleikur á landinu batn-
að stöðugt. Hann hefur farið úr
meðalmennsku upp í mjög góðan.
Ungt fólk hefur leitað út fyrir
landsteinana til að læra full-
komlega á hljóðfærin sín og komið
svo aftur heim. Ég set saman
strengja- og blásturshljóð-
færasveitir í dag og allt gengur
eins og eftir bókinni en það var
ekki þannig þegar ég var að byrja.
Ég hef séð þessa breytingu, í dag
er fullt af úrvals hljóðfæraleik-
urum hér á landi og maður getur
leyft sér þann munað að velja úr.
Þetta sýnir ágætlega ástand mála
og hvernig hlutirnir hafa þróast.
Þegar ég var að byrja þótti einn
konsert á viku bara mjög gott.“
Heilög þrenning?
Plötur Guðrúnar Gunnars og
Friðriks Ómars eru nú orðnar
þrjár eins og segir í inngangi. Ég
skemmti mér kom út 2005, Ég
skemmti mér í sumar kom út 2006
og svo jólaplatan í ár.
„Ég veit ekki hvort að þetta á
að vera heilög þrenning,“ segir
Ólafur sposkur. „Þrenning alla-
vega (hlær). Það var hringt í mig
einn góðan veðurdag og verkefnið
var borið undir mig. Við hittumst
á fundi; ég, Guðrún og Friðrik og
kom ljómandi vel saman. Við virt-
umst hafa svipaðar skoðanir á því
hvað þyrfti að gera. Ég hef alltaf
verið á þeirri skoðun að það þurfi
að gefa hverju lagi fyrir sig sinn
lit. Það er svona starf útsetjarans,
finnst mér; og að hans handbragð
sé á þessu. Jólaplatan er í
fjörugra lagi, það var nú mein-
ingin. Enda er þetta undir þeim
formerkjum að fólk skemmti sér.
Ætlunin var ekki að stæla gamla
tíma eða að ná gamaldags hljóm;
öllu heldur að ferska lögin upp án
þess beinlínis að reyna að vera ný-
móðins. Setja svona ljósa liti á
þetta.“
Ólafur segist alltaf hafa verið
hlynntur menntun, hann sé af
þannig fjölskyldu en auk þess ber
lífssaga hans öll vitni þar um.
„Það var ætlast til þess að ég
yrði hámenntaður maður frekar en
ég væri að spila djass á búllum
(hlær). Þú skilur? Það var nú svo.
Það þótti ekki fínt að sonurinn
væri að spila djass á búllum og
rektornum þótti það ekki heldur
og það stóð til að reka mig úr
skóla. Ætli það hafi ekki verið
þess vegna sem ég féll í latínu, að-
alfagi pabba míns. Pabbi var pró-
fessor í rómönskum málum.“
Ólafur viðurkennir að þessi
staða hafi verið erfið.
„Tónlistin togaði mikið í mig.
Litli drengurinn varð að hefna sín,
þó að hann þyrði aldrei að segja
neitt. Rektor sagði við mig að ég
yrði ekki auglýstur meir í skól-
anum og ég fór til vinar míns sem
sá um auglýsingarnar fyrir mig og
sagði: „Auglýstu mig oft!“ Þetta
var eina andspyrnan mín.“
Faðir hans lagði að honum að
sækja tónlistarnám til Kaup-
mannahafnar, taka tungumál sem
aukafag, en Ólafur tafsaði það
fram af sér.
„Ég fór í læknisfræði hér heima
og sat þar í einhvern tíma […]
sem betur fer fyrir heilsu mann-
kyns kláraði ég ekki það nám. En
ég leit alltaf á tónlistina sem ein-
hvers konar hliðarfag. En ég var
alla tíð samviskusamur, þó að
áhugann hafi vantað. En þetta var
mikil togstreita, alla tíð. Manni
var ekkert hjálpað í henni og mað-
ur var hálfráðvilltur á þessum ár-
um, verður að segjast. Ég var með
tvær brautir fyrir framan og vissi
hreinlega ekki hvora ég ætti að
feta. Þar kom að valið gerðist
sjálfkrafa. Það var nám í gangi, en
svo var ég með konu og barn og
þá fer að koma inn peningaspurs-
mál. Og þar dugði tónlistin vel. Í
henni hafði ég meira en nóg að
gera. En námið var ekki hægt að
Aldrei upplifað
meiri gerjun
Hann er jafnan þekktur, á yfir hálfrar aldar feril að baki í tónlistinni og er enn á
fullu spani. Rekstur gítarskólans fræga, þar sem margir íslenskir gítaristar hafa
rennt fingrum um hljóðfærið í fyrsta skipti, tekur sinn tíma en þá er nýútkominn
hljómdiskur sem Ólafur útsetti, Ég skemmti mér um jólin þar sem þau Guðrún
Gunnars og Friðrik Ómar syngja en þetta er þriðja platan sem þau gera ásamt
Ólafi. Arnar Eggert Thoroddsen ræddi við Ólaf um ástríðu þá sem hann hefur
aldrei getað komist undan þótt reynt hafi.
Morgunblaðið/Kristinn
Ekki hemja tónlistina Ólafur Gaukur kann að meta gerjun í tónlist: „Það á
ekki að hemja tónlistina. Það er mjög mikilvægt. Allir þessir útúrdúrar,
uppreisn ef þú vilt, eru algerlega nauðsynlegir út af fyrir sig.“
Við kynnum með stolti andlitsbað ársins. Þetta andlitsbað er
einstakt í sinni röð. Heitir og kaldir steinar eru notaðir til að
auka áhrif meðferðarinnar. Yndislegt andlitsbað þar sem
hendur og fætur fá einnig kornakrem og nudd. Þessi meðferð
er afslappandi en um leið gefur hún aukna orku.
Þetta andlitsbað sigraði í keppni sem haldin var á vegum
Samtaka iðnaðarins.
ANDLITSBAÐ ÁRSINS!
Gefðu góða jólagjöf
Gjafakort á snyrtistofu ársins