Morgunblaðið - 20.12.2007, Blaðsíða 4

4 FIMMTUDAGUR 20. DESEMBER 2007 MORGUNBLAÐIÐ
FRÉTTIR
Eftir Sunnu Ósk Logadóttur
sunna@mbl.is
MÓÐIR stúlkunnar, sem missti fing-
ur eftir að hafa krækt honum fyrir
slysni í vír á bakka Laugardalslaug-
ar sl. helgi, segir rangt sem komið
hafi fram í máli forsvarsmanna laug-
arinnar í fjölmiðlum að á vírnum hafi
hangið viðvörunarskilti. Ekkert slíkt
skilti hafi verið á vírnum. Þetta stað-
festa vitni að atburðinum sem og
stúlkan sjálf. Í gærmorgun varð ljóst
að stúlkan mun missa fingurinn.
Ragnar Karl Ingason, sem var í
sundi ásamt unnustu sinni og stjúp-
dóttur og var ábyrgðarmaður stúlk-
unnar sem slasaðist, sendi í gær
borgarstjóra bréf þar sem hann m.a.
óskaði eftir fundi vegna málsins. Var
hann í kjölfarið boðaður á fund í dag.
Segir hann að slysið megi rekja til
þess að skilin var eftir vírfesting fyr-
ir skilti á handriði við laugina. Vírinn
hafi verið mjór og sterklegur, en
skiltið hafi verið fjarlægt.
Dapurlegar útskýringar
„Það hefur verið dapurlegt að
fylgjast með útskýringum forsvars-
manns Laugardalslaugar í fjölmiðl-
um um hvað varð þess valdandi að
stúlkan missti fingur,“ segir hann
m.a. í bréfinu sem má lesa í heild á
mbl.is.
Útséð er um að stúlkan haldi vísi-
fingrinum sem flæktist í vírnum og
mun hún gangast undir aðgerð nk.
föstudag þar sem hann verður fjar-
lægður við hönd. Stúlkan fór í átta
klukkutíma aðgerð á Landspítala sl.
laugardag en allt kom fyrir ekki,
enda áverkarnir mjög slæmir, bæði
taugar og æðar í sundur. Fingurinn
hékk á hendinni á einni taug eftir
slysið. „Þetta var verulega ljótt,“
segir móðir stúlkunnar. „Vírinn reif
og tætti fingurinn í sundur í orðsins
fyllstu merkingu.“
Móðirin segir stúlkuna hafa það
ágætt miðað við aðstæður. „En hún
er enn í hálfgerðu losti og gerir sér ef
til vill ekki alveg grein fyrir alvör-
unni. Hún fékk taugaáfall eftir slysið
og talaði nánast ekkert í tvo daga.“
Hélt í handrið í hálku
Stúlkan, sem er átta ára, hefur út-
skýrt fyrir móður sinni hvað gerðist,
en móðirin var ekki á staðnum er
slysið varð. „Hún segist hafa verið að
fara upp úr lauginni og að það hafi
verið mikil hálka. Hún hélt í hand-
riðið og svo allt í einu lenti hún á
vírnum, sem hún sá ekki, en hélt
áfram að ganga.“ Fingur stúlkunnar
flæktist hins vegar í vírnum við
þetta, án þess að hún gerði sér grein
fyrir því, og hún datt aftur fyrir sig
með þeim afleiðingum að vírinn skar
fingurinn í sundur. „Hún hefur sagt
mér þessa sögu hvað eftir annað,“
segir móðirin.
Athygli starfsmanna laugarinnar
var vakin á vírnum strax í kjölfarið
og þeir sóttu klippur og fjarlægðu
hann. „Klippurnar voru til á staðn-
um, það hefði algjörlega verið hægt
að koma í veg fyrir þetta slys hefði
vírinn verið klipptur í burtu fyrr,“
segir móðirin.
Móðirin segir að eftir aðgerðina
nk. föstudag taki endurhæfing við
hjá stúlkunni. Hún þurfi t.d. að læra
að skrifa án fingursins.
Rannsókn málsins hjá lögreglunni
er ekki lokið en m.a. hafa verið tekn-
ar skýrslur af vitnum að atburðinum.
Rangt að viðvörunar-
skilti hafi verið á vírnum
Stúlkan sem slasaðist á vír í sundi mun missa fingurinn
Í HNOTSKURN
»„Í dagblöðunum undanfarnadaga var mynd af skilti og
viðtal við forstöðumann Laug-
ardalslaugar þar sem hann gefur
í skyn að fingur barnsins hafi
krækst í lykkju sem á var viðvör-
unarskilti,“ segir í bréfi ábyrgð-
armanns stúlkunnar til borgaryf-
irvalda. „Það sem kemur þar
fram er rangt, það var ekkert
skilti … Það eru nokkur vitni
sem geta sannað mitt mál og
einnig er stúlkan meðvituð um
hvað orsakaði slysið.“
Eftir Rúnar Pálmason
runarp@mbl.is
ÁRNI Sigfússon,
bæjarstjóri í
Reykjanesbæ,
segir að skýra
þurfi betur til-
gang og verkefni
Suðurlinda en
komi í ljós að
starfsemi félags-
ins gangi gegn
hagsmunum
Hitaveitu Suðurnesja (HS), sé ljóst
að viljayfirlýsing um samstarf
helstu hluthafa í HS frá því í sumar
sé marklaust plagg.
Í viljayfirlýsingunni var kveðið á
um að hvorki Reykjanesbær né
GGE myndu nýta sér forkaupsrétt
að hlut Hafnarfjarðar í HS sem yrði
seldur Orkuveitu Reykjavíkur, líkt
og nú hefur verið ákveðið (þ.e. allt
að 95% hlutur Hafnarfjarðar í HS
verði seldur til OR). Árni sagði að
misvísandi upplýsingar hefðu komið
fram um tilgang og fyrirhugaða
starfsemi Suðurlinda og vísaði m.a.
til viðtals við Gunnar Svavarsson,
bæjarfulltrúa Samfylkingarinnar í
Hafnarfirði sem birtist í 24 stund-
um í gær en þar var m.a. haft eftir
honum að HS hefði hingað til geng-
ið að því vísu að virkjun á auðlind-
um innan sveitarfélaganna væri al-
farið hennar. Stofnun Suðurlinda
sýndi að sveitarfélögin horfðu á
málið í öðru samhengi.
Árni sagði að þessa afstöðu yrði
að skýra betur og málið yrði rætt
meðal hluthafa HS.
Hann benti á að grundvöllur
viljayfirlýsingarinnar frá því sumar
væri að áfram yrði unnið að hags-
munum HS, sbr. eftirfarandi
ákvæði í yfirlýsingunni. „Aðilar eru
sammála um að tryggja áfram
framtíð Hitaveitu Suðurnesja hf.
sem sjálfstæðs og öflugs orkufyr-
irtækis og vinna að vexti þess og
viðgangi á öllu starfssvæðinu og eft-
ir atvikum víðar.“ Aðspurður sagði
Árni ljóst að starfssvæði HS næði
til sveitarfélaganna þriggja sem
standa að Suðurlindum.
Gætu nýtt forkaupsrétt
Falli viljayfirlýsingin úr gildi geti
Reykjanesbær nýtt sér forkaups-
réttinn. „Viljayfirlýsingin byggist á
því að menn standi við það sem í
henni stendur. Ef það er ekki gert
er hún marklaust plagg og þá gilda
samþykktir Hitaveitunnar, sem eru
að menn geta nýtt sér forkaups-
rétt,“ sagði Árni. Hann væri þó ekki
á því að þessi staða væri komin upp,
en skýra yrði málið betur.
Aðspurður hvort til greina kæmi
að Reykjanesbær nýtti sér for-
kaupsréttinn en seldi síðan hlutinn
áfram til GGE, sagði Árni að ekkert
hefði verið rætt um það og hann
hefði ekki fundið fyrir áhuga hjá
GGE á að eignast ráðandi hlut í HS.
Viljayfirlýsing
um HS marklaus?
Suðurlindir mega ekki ganga gegn
hagsmunum Hitaveitu Suðurnesja
Árni Sigfússon
Í HNOTSKURN
» Suðurlind er félag Hafnar-fjarðar, Voga og Grindavíkur
um náttúruauðlindir innan sveit-
arfélaganna. Stofnfund félagsins
á að halda í dag.
»Árni Sigfússon segir að efSuðurlindir ganga gegn
hagsmunum HS sé viljayfirlýsing
um samstarf helstu hluthafa HS
frá því í sumar marklaust plagg.
» Viljayfirlýsingin var und-irrituð af hálfu stærstu hlut-
hafanna í HS, þ.e. Reykjanes-
bæjar, Orkuveitu Reykjavíkur
(OR), Geysis Green Energy
(GGE) og Hafnarfjarðarbæjar.
ÁSGEIR Margeirsson, forstjóri
Geysis Green Energy (GGE), segir
ekki útilokað að fyrirtækið geri
kröfu til forkaupsréttar á hlut Hafn-
arfjarðarbæjar í Hitaveitu Suður-
nesja, þar sem vafi leiki á að vilja-
yfirlýsing frá í sumar, þar sem
fyrirtækið féll frá forkaupsrétti sín-
um, sé í fullu gildi. Þar að auki gætu
Grindavík, Sandgerði, Garður eða
Vogar nýtt forkaupsrétt sinn í Hita-
veitunni, sem þau hafi fulla heimild
til, sem hluthafar í henni.
Mörgum spurningum ósvarað
Hafnarfjörður á nú rúmlega 15,4%
í Hitaveitu Suðurnesja en á fundi
bæjarstjórnar Hafnarfjarðar í fyrra-
dag var samþykkt að selja OR allt að
95% af þeim hluta. Þar með yrði
hlutur OR um 32%. Reykjanesbær á
nú tæplega 35% og GGE á 32%.
Ásgeir vildi
ekki tilgreina
hvaða ákvæði í yf-
irlýsingunni það
væru sem hann
teldi að hefðu
hugsanlega ekki
verið uppfyllt og
gætu gert það að
verkum að
ákvæði um for-
kaupsrétt GGE
og annarra sem að henni stóðu, gæti
orðið virkt. Þar fyrir utan væri
mörgum spurningum varðandi varð-
andi fyrirhugaða sölu Hafnarfjarð-
arbæjar til Orkuveitu Reykjavíkur
ósvarað. „Það er ýmislegt í þessu
máli sem á eftir að skoða og á eftir að
koma í ljós. Það er ekkert sjálfgefið
að Orkuveitan geti eignast þennan
hlut,“ sagði hann.
Morgunblaðið/Helgi Bjarnason
Orka „Það er ýmislegt í þessu máli sem á eftir að skoða,“ segir forstjóri GGE.
Yfirlýsingin hefur
ekki verið uppfyllt
Ásgeir
Margeirsson
MANNRÉTTINDADÓMSTÓLL
Evrópu í Strassborg hefur komist
að þeirri niðurstöðu, að brotin hafi
verið mannréttindi íslenskrar konu
þegar hún fékk ekki að koma með
munnlega greinargerð fyrir Hæsta-
rétt í skaðabótamáli.
Konan seldi hús í Reykjavík árið
1999 en kaupandinn fór síðar í
skaðabótamál vegna þess að þak
hússins lak. Konan var dæmd bóta-
skyld í héraðsdómi og þann dóm
staðfesti Hæstiréttur.
Fram kemur í tilkynningu frá
Mannréttindadómstólnum, að kon-
an hafi kvartað til dómstólsins
vegna þess að hún fékk ekki að
leggja skriflegar eða munnlegar
greinargerðir fyrir Hæstarétt þar
sem kaupandinn lét málið ekki til
sín taka fyrir Hæstarétti. Þetta
taldi dómstóllinn brjóta gegn 6.
grein mannréttindasáttmála Evr-
ópu sem kveður á um réttláta máls-
meðferð fyrir dómstólum og dæmdi
að íslenska ríkið skyldi greiða kon-
unni 2500 evrur auk 18 þúsund evra
í málskostnað.
Vann mál í
Strassborg
Enn betra golf 3
Enn betra golf
Eftir
Arnar Má Ólafsson
landsliðsþjálfara og
Úlfar Jónsson
margfaldan
Íslandsmeistara
og golfkennara
Eftir Arnar Má Ólafsson
landsliðsþjálfara og
Úlfar Jónsson
margfaldan Íslandsmeistar
a
GOLF
ENN BETRABETRA
G
O
LF
A
rnar M
ár Ó
lafsson og Ú
lfar Jónsson
11/20/07 11:46:42 PM
Jólabók golfarans!
Borgartúni 23 · 105 Reykjavík · Sími: 512 7575 - www.heimur.is
eftir Arnar Má Ólafsson og Úlfar Jónsson
Fæst í helstu bókabúðum og víðar!
Verð kr. 3.490,- m/vsk
SLÖKKVILIÐ höfuðborgarsvæð-
isins var kallað út vegna elds sem
kom upp í timburhúsi við Hverfis-
götu í Reykjavík í gærmorgun. Vel
gekk að ráða niðurlögum eldsins og
var komið í veg fyrir að mikið tjón
yrði á húsinu. Grunur leikur á að
kveikt hafi verið í húsinu, en rann-
sókn á eldsupptökum er ekki lokið.
Morgunblaðið/Kristinn
Grunur um íkveikju í timburhúsi