Morgunblaðið - 20.12.2007, Blaðsíða 43

MORGUNBLAÐIÐ FIMMTUDAGUR 20. DESEMBER 2007 43
HJÁLPSEMI fjölmargra fyrirtækja
og félaga í mannúðarmálum og að-
stoð þar sem á bjátar ekki síst fyrir
þá sem minna
mega sín eða
sjúkdómar herja á
er ótrúlega öflug
án þess að mikið
fari fyrir slíku í
ræðu og riti. Þau
mörgu félög og
fyrirtæki sem
leggja hönd á
plóginn í þessum
efnum eiga miklar þakkir skildar og
eitt er víst að verk þeirra eru eins
mikið í anda kærleikans og hugsast
getur. Um allt land eru Lionsklúbbar,
Kiwanisklúbbar, Oddfellowbræður,
Frímúrarar, kvenfélög og marga
konar félög sem hafa það á stefnu-
skrá sinni að veita góðum málum lið-
sinni, oft málum sem maður skyldi
ætla að ættu fyrst og fremst að vera á
færi hins opinbera, en einhverra
hluta vegna hafa þau ekki notið for-
gangs eins og það er kallað á embætt-
ismáli.
Fyrir nokkru voru kvennafangels-
inu í Kópavogi færð ný rúm af bestu
gerð, en rúm höfðu ekki verið end-
urnýjuð þar í liðlega tvo áratugi, eða
frá stofnun fangelsisins. Auðvitað vita
allir hve mikils virði það er að hvílast í
góðum rúmum, hvað þá fyrir fólk sem
hefur verið svipt frelsi sínu sem þýðir
gífurlegt álag á líkama og sál.
Fyrirtækin og félögin sem stóðu að
þessari rausnarlegu og þörfu gjöf
voru Eggert og Pétur á Stokkseyri,
Ræktunarsamband Skeiða og Flóa á
Selfossi, kiwanisklúbbarnir Ölver í
Þorlákshöfn, kvennaklúbburinn Sól-
borg í Hafnarfirði, Keilir í Keflavík
og Helgafell í Vestmannaeyjum. Þá
gaf Grænn markaður blómvönd og
blómavasa með hverju rúmi og RB
rúm í Hafnarfirði veittu sérstök kjör,
en rúmin frá Ragnari Björnssyni eru
viðurkennd af alþjóðasamtökum
bólstrara. Vistmenn kvennafangels-
ins fögnuðu nýju rúmunum innilega
og þeim er þetta ritar er kunnugt um
að fólkinu líður mun betur. Það er
mikils virði að láta fólki líða betur,
hvar sem það er. Þökk sé velviljuðu
fólki í félögum og fyrirtækjum lands-
ins.
ÁRNI JOHNSEN,
alþingismaður
Sjálfstæðisflokksins.
Kvennafangelsið
naut hjálparstarfs
félaga og fyrirtækja
Frá Árna Johnsen
HEILRÆÐI lásasmiðsins eftir El-
ísabetu Jökulsdóttur er ekki saga um
ást eða fallegt samband heldur
sárlarlífið á bak við atburðarásina.
Hinn innri faldi veruleiki verður
ljóslifandi á hverri blaðsíðu.
Herbergi sálarlífsins sem hafa ver-
ið lokuð lengi opnast.
Höfundur leggur upp í sjálfskoðun
af sjaldséðri einlægni og átakanlegri
ástríðu.
Hugurinn talar án ritskoðunar, allt
skoðað og allir möguleikar rannsak-
aðir.
Við lestur bókarinnar er óhjá-
kvæmilegt að líta á sjálfa sig og lífið
út frá víðara samhengi.
Einstaklingurinn í nærsýn er töfr-
um líkur, er veröld sem virðist án
enda ef við skoðum bara dýpra.
Sagan er líka um barnæskuna, litlu
stelpuna sem er að reyna að skilja
heim fullorðinna.
Pabbastelpu með stóra hjartað
sem alltaf slær til hans og þau skynja
þar sem heimar þeirrra mætast.
Dásamleg ástarsaga dóttur til föð-
ur sem aldrei var til staðar í lifandi
lífi en samt eru þau órjúfanleg heild,
tilfinningarnar svo stórbrotnar að
orðin eru máttlaus verkfæri en í stað-
inn er það andinn sem svífur yfir
þessari bók sem gefur þér visku til að
skilja meira.
Ekki bókstafir einir en líf, þú finn-
ur lífið kvikna í lestri þessarar bókar
sem snertir við öllum og öllu því hún
hefur að geyma það sem við hugsum
en ekki segjum.
ÁSLAUG EINARSDÓTTIR,
Boðagranda 7, Reykjavík.
Skiptu um lás
Frá Áslaugu Einarsdóttur
ÞAÐ eru á vissan hátt forréttindi að
starfa á bókasafni. Þar bíða bæk-
urnar í löngum röðum eftir okkur les-
endum eins og vel agaðir þjónar sem
eru tilbúnir hvenær sem er, hvar sem
er og hvernig sem er að þjónusta okk-
ur.
Á vegi mínum nýverið varð ritið
Virðing og umhyggja: ákall 21. aldar
eftir Sigrúnu Aðalbjarnardóttur, pró-
fessor í uppeldis- og mennt-
unarfræðum við Háskóla Íslands. Á
bakhlið ritsins sem er vel á sjötta
hundrað síður eru tilvitnanir í um-
mæli tveggja nafnkunnra ein-
staklinga, Vigdísar Finnbogadóttur,
fyrrum forseta, og dr. Wolfgang
Edelstein prófessor. Kveður Vigdís
bókina vera leiðarljós að uppeldi og
virðingu fyrir öðrum sem er auðvitað
besta veganestið til að njóta frelsis og
jafnréttis í samfélaginu. Wolfgang
Edelstein telur bókina vera frábæra
leiðsögn um þroskaleitina á lífsleið-
inni, menntunarfræði í anda lýðræðis.
Sjaldan hefi ég rýnt í jafn efn-
ismikla, læsilega og aðgengilega bók
eftir háskólaprófessor. Flest íslenskt
alþýðufólk fær gæsahúð að lesa ít-
arlega texta eftir sprenglærða há-
skólakennara en hér er öðru nær.
Sigrún setur fram mál sitt á mjög
skýran og hnitmiðaðan hátt. Textinn
er alþýðlegur svo venjulegur lesandi
á hvorki að hnjóta um framandi orð
og hugtök né skrúfaðan texta eins og
oft vill brenna við. Sigrún spyr gjarn-
an spurninga og svörin eru byggð á
svo miklum og fjölbreyttum fróðleik
að ekki leiðist þeim sem les.
Hvaða kostum þarf góður kennari
að vera búinn? Hvað segja foreldrar?
Og hvað segja nemendur? Og ekki
síst kennararnir – hvað hafa þeir til
málanna að leggja? Fjallað er um lífs-
gildin, virðinguna, umhyggjuna og
lýðræðið svo eitthvað sé nefnt. Þá er
víða vikið að mismunandi kennsluað-
ferðum, sjálfsmati og öðrum kennslu-
fræðilegum þáttum.
Frábærar tilvitnanir í þekktar per-
sónur á borð við Nelson Mandela
krydda bókina. „Sál hvers samfélags
birtist skýrast í því hvernig það ann-
ast börnin sín.“ Verður vart komist
lengra í að minna stjórnvöld á hve
menntun og uppeldi er mikilsverð í
samfélaginu.
Wolfgang Edelstein telur bók Sig-
rúnar eiga að vera skyldulesningu
fyrir alla sem starfa að uppeldis- og
menntunarmálum. Má eindregið taka
undir þau orð en einnig má hvetja
fleiri, t.d. þá sem starfa við fjöl-
miðlum, stjórnmál og upplýsing-
armál, að lesa þessa góðu bók og til-
einka sér boðskap hennar.
GUÐJÓN JENSSON
bókasafnsfræðingur.
Frábær bók
Frá Guðjóni Jenssyni:
Mjög falleg nýstandsett 99 fm 4ra herb. íbúð á 2. hæð í litlu fjölbýli.
Stæði í bílageymslu fylgir. Íbúðin skiptist m.a. í stofu, sjónvarpshol og þrjú
herbergi. Tvennar svalir. Sjávarútsýni. Laus strax.
Magnea fasteignasali sýnir íbúðina s: 861-8511.
Sverrir Kristinsson, löggiltur fasteignasali.
Keilugrandi – laus strax
M
bl
9
51
81
9
Nýr grunnskóli
í Færeyjum
Bæjarstjórn Tórshavnar býður upp á hæfnismat
í sambandi við tilboð sem aðalverktaki byggingar
nýs grunnskóla á Hamrinum á Argjum.
Byggingarfyrirkomulagið er samvinnufyrir-
komulag.
Upplýsingar í sambandi við
byggingaráætlunina og tilboðs-
fyrirkomulagið
Bygginagaraðili
Bæjarstjórn Tórshavnar
Vaglið · Postsmoga 32
FO-110 Tórshavn
Byggingaráætlun
Bæjarstjórn Tórshavnar hefur samþykkt byggingu
nýs grunnskóla á Hamrinum á Argjum. Í skólanum
verða tvær bekkjardeildir í hverjum árgangi 1.-9.
bekkjar auk skólavistunar fyrir nemendur fyrsta
og annars bekkjar. Nemendafjöldin er um það bil
500.
Stærð hins nýja skólahúss er 6.400 m² og fyrsti
hluti byggingarinnar, sem er um það bil 1200 m²,
verður tekinn í notkun 1. júlí 2009. Byggingu alls
skólans skal vera lokið 1. júlí 2010.
Tilboðsfyrirkomulag
Eftir fyrrnefnt hæfnismat, verður þeim fyrir-
tækjum, er hæf teljast, boðið að gera tilboð í
framkvæmd byggingarinnar. Þrjú til fimm
fyrirtæki fá tækifæri til að gefa endanlegt tilboð.
Tilboðin eiga að vera samkvæmt tillögu um
heildarbyggingaráætlun. Verktakinn mun síðan
taka þátt í endanlegri áætlanargerð í samvinnu
við aðra aðila.
Umsóknin skal berast Bæjarstjórn Tórshavnar
ekki síðar en 14. janúar 2008.
Umókninni eiga að fylgja upplýsingar um
verktakafyrirtækið, svo hægt sé að meta um
fjárhagslega og tæknilega hæfni.
1. Upplýsingar um fyrirkomulag og tilhögun
fyrirtækisins, þar á meðal mögulegt samband
fyritækisins við önnur og stærri fyrirtæki.
2. Reynsla í sambandi við svipaðar framkvæmdir
3. Vottorð um árlegan meðalfjölda starfsfólks
fyrirtækisins.
4. Ferill starfsmanna, er hafa mest að segja í
sambandi við framkvæmdina.
5. Upplýsingar um gæða-, öryggis og umhver
fisþætti fyrirtækisins.
6. Upplýsingar um eignir og fjárhagsafkomu
fyrirtækisins ásamt vottorði um heildarveltuna
síðastu þrjú árin.
7. Vottorð, er sýnir, að um sé að ræða traust og
heiðarlegt fyrirtæki.
Sé svo, að fyrirtækið fái önnur fyrirtæki að sinna
hluta verkefnisins eða öllu verkefninu, er nauð-
synlegt að skila sams konar upplýsingum um þau.
Umsækjendaval
Hagkvæmasta tilboðinu verður tekið.
Tilboðstilhögun
Tilboðsefnið verður sent út 28. janúar 2008.
Aðrar upplýsingar
Verkefnið verður boðið út á Norðurlöndum.
Öll skjöl, nöfn og útskýringar eru á færeysku, og
öll framkvæmdin hefur færeyska löggjöf og
færeyskt réttarkerfi sem grundvöll.
Hægt er að beina spurningum til Eivinds Dan-
ielsen, er sér um heildarskipulag framkvæmdar-
innar, sími. +298 21 40 37, netfang:
eivind@torshavn.fo
Bæjarstjórn Tórshavnar