Morgunblaðið - 06.01.2008, Blaðsíða 22

Morgunblaðið/Sigurgeir Jónasson
Knattspyrna Margrét Lára segir eðlislægt að vera á réttum stað, annað sé vinna.
Meiri keppnismanneskjur eru vand-fundnar en Margrét Lára Viðars-dóttir. Þannig er henni lýst af þeim
sem til þekkja. Og þeim sem hafa séð til henn-
ar á knattspyrnuvellinum.
„Já, það getur passað,“ segir hún hæglát.
– Á það við um allt?
„Já, rosalega margt.“
Hún færist öll í aukana.
„Ég bý til keppni úr öllum aðstæðum. Og
geri oft grín að því þegar ég fer með vini mín-
um í körfubolta, sem ég veit að ég hef ekki roð
við. Mér finnst gaman að keppa, setja mér
markmið og reyna að vinna. Ég held að það
skipti ekki öllu máli hver vettvangurinn er.
Maður getur að sjálfsögðu ekki verið 100% í
öllu, en ég reyni að standa mig í því sem ég tek
mér fyrir hendur.“
– Þú ert í námi?
„Ég er í kennslufræði- og lýðheilsudeild í
Háskólanum í Reykjavík. Það á vel við mig,
enda get ég ekki skilið við íþróttirnar.“
– Og þú passar upp á heilbrigðið?
„Ég er ekki í neinum öfgum, en legg mikið
upp úr heilbrigðu og góðu lífi – að vera fyr-
irmynd fyrir þá yngri. Það skiptir miklu máli
hvað maður lætur ofan í sig og að fá góðan
svefn. Ég veit ekki hvort ég er ströng við sjálfa
mig, myndi segja að ég væri róleg í tíðinni, en
ég reyki ekki og drekk ekki.“
– Fékkstu góðan mat um jólin?
„Æðislega góðan! Mamma er fyrirmynd-
arkokkur og ég fékk hamborgarhrygg á að-
fangadag. Svo voru veisluhöld allar hátíðarnar,
en það er alltaf góður matur hjá mömmu, sama
hvort það eru jól eða ekki.“
– Ætlarðu aftur í atvinnumennsku?
„Já, engin spurning. Það hefur alltaf verið
draumur minn að verða atvinnukona í knatt-
spyrnu. Í því samhengi er tímasetningin mik-
ilvæg. Ég er í frábæru liði sem ég ætla ekki að
fórna fyrir annað síðra – bara til að fara utan.
Það yrði aðeins til að takast á við nýjar áskor-
anir með betra liði og setja sér hærri markmið.
Ég yrði að sjá fram á að bæta mig sem leik-
mann og umhverfið og aðstæður yrðu að vera
betri en það sem ég bý við.“
– Hvers vegna hættir þú hjá Duisburg?
„Það er svo langt síðan að ég man það ekki,“
svarar hún og hlær. „Þetta var ágætur tími, ég
lærði margt, en ég taldi réttast að fara heim og
sé ekki eftir þeirri ákvörðun. Það er frábært
lið með góða einstaklinga sem eiga eftir að
geta náð langt, en á þessum tíma var ekki
hugsað nægilega vel um leikmenn og ekki farið
eftir samningi. Þess vegna taldi ég best að fara
heim. En ég bý að góðum tíma í Duisburg; ég
lærði mikið og held ég hafi orðið betri leik-
maður og persóna.“
– Hvernig samræmirðu lífið í Eyjum námi
og spilamennsku í landi?
„Ég bý að mestu í Reykjavík en fjölskylda
mín og vinir í Eyjum. Ég reyni að vera dugleg
að heimsækja þau, en það gefst ekki mikill tími
vegna leikja og æfinga. Annars er gott að geta
komið heim, slakað á með fjölskyldunni og
gleymt daglegu amstri. Þá kemur maður end-
urnærður til baka.“
– Hvernig er lífið utan fótboltans?
„Ég reyni að nota tímann utan æfinga og
skóla til að hvíla mig sem mest. Annars veit ég
ekki í hvað tíminn fer; mér finnst gott að vera í
góðra vina hópi eða horfa á góða mynd.“
– Svo er stefnan sett á stórmót?
„Við eigum ágæta möguleika á að komast
áfram ef við spilum eins og við gerðum í sum-
ar.“
– Hver er galdurinn við að skora mörk?
„Ég held að maður þurfi að hafa tilfinningu
fyrir því að vera réttur maður á réttum stað.
Það er fólki eðlislægt, en þess utan þarf mikla
vinnu og æfingar til að klára færin.“
Alltaf til í keppni
Metnaðurinn er mikill hjáRögnu Ingólfsdóttur, semæfir kvölds og morgna, yf-
irleitt tvisvar á dag, og þess á milli
slakar hún á og undirbýr sig fyrir
næstu æfingu.
– En hvað gerirðu utan badmin-
tonvallarins?
„Ekki mikið,“ svarar hún og hlær.
„Um helgar reyni ég að gera eitt-
hvað með vinum og fjölskyldu, fer
t.d. á kaffihús. Mér finnst það þægi-
legt, að sitja og spjalla.“
– Svo ertu í námi.
„Ég er í heimspekinámi með sál-
fræði sem aukagrein, á ritgerðina
eftir og tvö námskeið. Ég er ekki bú-
in að ákveða hvað ritgerðin verður
um, en mig langar til að reyna að
skila henni fyrir Ólympíuleika. Ég
æfi mikið mánuðina fyrir, þannig að
kannski er ágætt að hugsa stundum
um annað, t.d. að skrifa ritgerð.“
– Þetta verða þínir fyrstu Ólymp-
íuleikar?
„Ég reyndi líka fyrir síðustu, en
komst ekki inn þá. Það verður því
vonandi skemmtilegt þegar síðasti
heimslistinn kemur, en þá verður
talið. Ég er vel inni núna.“
– Hvernig undirbýr maður sig fyr-
ir slíkan viðburð?
„Ég hef lesið mikið, sæki sálfræðitíma hjá
íþróttasálfræðingum og finnst andlega hliðin
skipta mestu máli ári fyrir leikana – að tala já-
kvætt til sín og brjóta sig ekki niður. Svo æfi ég
á fullu, eins og ég hef gert alla ævi. Listinn verð-
ur birtur 1. maí, þannig að ég hef þrjá mánuði til
lokaundirbúnings. Fyrsta mánuðinn eru lyft-
ingar og hlaup, síðan léttir maður sig og loks
spilar maður meira badminton síðasta mán-
uðinn.“
– Stefnirðu á London 2012?
„Það er sagt að konur toppi í badminton um
28 ára aldurinn, en karlar nær þrítugu. Ég er
bara 24 ára, þannig að ég á nokkur góð ár inni
ennþá. Margir spyrja mig hvort ég ætli að
reyna við ÓL árið 2012. Ég ætla nú að reyna að
byrja á Peking. En jú, það væri gaman að
reyna. Þá verður maður vonandi á hátindi ferils-
ins.“
– Hvað um atvinnumennsku?
„Ég er eiginlega atvinnumaður núna, eða það
sem kemst næst því á Íslandi. Mig hefur aldrei
langað til að flytja út. Ég hef góða þjálfara og
það eina sem mig vantar eru stelpur, sem eru
betri en ég. Ég spila alltaf við strákana. Fyrir
utan það er ég í fínum málum hér heima, það er
vel hugsað um mig, og ég fengi ekki svona mikla
hjálp ef ég færi út – þá myndi ég týnast í hópn-
um. Ég er líka of lítil í mér til að búa einhver-
staðar ein, bara til að spila badminton. Ég vil
gera fleira í lífinu og flestar vinkonur mínar eru
utan við badminton.“
– Er tími fyrir vinkonur?
„Maður hefur oft fengið skot á sig í gegnum
tíðina – ætlarðu að sleppa árshátíðinni fyrir æf-
ingu? En ég hef aldrei tekið það inn á mig, alltaf
valið æfingar og keppni umfram annað. Eftir að
ég komst næstum því á síðustu ÓL hef ég mætt
meiri skilningi hjá vinum og vandamönnum, t.d.
þegar ég sleppi jólaboði fyrir landsliðsæfingu.“
– Gætirðu að mataræðinu?
„Einkum síðustu ár. Ég ólst upp við hollan
mat heima, en fór til tveggja næringarfræðinga
til að fá mismunandi ráðgjöf fyrir tveimur til
þremur árum og hef reynt að fylgja því. Ég tek
tarnir þar sem ég er mjög ströng, slaka á inn á
milli, en borða alltaf hollan mat og er ekki í
neinu sukki. Íslenskur heimatilbúinn matur er
langbestur. Ég finn mikinn mun á mér þegar ég
er á ströngu mataræði, vakna ferskari á morgn-
ana og hef meiri orku. En það er of mikið að
vera alltaf á því, ég leyfði mér til dæmis um jólin
að fá sósu á kjötið og svona. Það er annars alveg
bannað, engin sósa, brauð, pasta eða mjólkur-
vörur – aðallega grænmeti, ávextir, kjöt og fisk-
ur, mikið af bætiefnum og orkudrykkjum.
– En kartöflur?
„Já, ég hef aldrei sleppt kartöflum,“ segir
hún og hlær. „Frönskum, ég sleppi þeim.“
– Hvað um svefntíma?
„Mér líður langbest ef sofna fyrir tólf og
vakna átta til níu, þá hef ég mesta orku yfir dag-
inn og vakna hress. En um jólin ruglast allt og
ef ég ferðast mikið. Flugið frá Íslandi er
snemma á morgnana og maður sofnar aldrei þá
nótt, er stressaður fyrir flugið og yfir því að
missa af vélinni. Annars reyni ég að passa upp á
svefninn og ef ég missi úr, kannski þrjá daga, þá
reyni ég að sofa lengur fjórða daginn og ná því
upp.“
Spilar við strákana
Morgunblaðið/Golli
Badminton Ragna sleppir árshátíðum fyrir æfingar.
Morgunblaðið/Árni Torfason
Knattspyrna Margrét Lára Viðarsdóttir var kjörin íþrótta-
maður ársins, fjórða konan sem hlýtur þá vegsemd. Hún er 21
árs, varð Íslandsmeistari og markakóngur með Val og er lyk-
ilmaður hjá landsliðinu sem stefnir að lokakeppni EM 2009.
Morgunblaðið/Golli
Badminton Ragna Ingólfsdóttir er 24 ára, varð í þriðja sæti í
kjöri á íþróttamanni ársins og er í 53. sæti á heimslistanum.
Mótatörnin er stíf fram að 1. maí, en þá nægir henni líklega að
vera í 50.-60. sæti heimslistans til að komast á ÓL í Peking.
Morgunblaðið/Golli
Sund Ragnheiður Ragnarsdóttir er 23 ára og varð ein af tíu
efstu í kjöri á íþróttamanni ársins. Hún varð fyrst íslenskra
kvenna til að synda 50 m skriðsund undir 26 sekúndum og
náði ÓL-lágmörkum bæði í 50 og 100 m skriðsundi.
Afrekskonur í íþróttum
Í kjöri á Íþróttamanni ársins voru þrjár konur á meðal tíu efstu. Pétur Blöndal talaði við íþróttamann ársins, Margréti Láru Viðarsdóttur,
badmintonkonuna Rögnu Ingólfsdóttur og sundkonuna Ragnheiði Ragnarsdóttur. Þær hafa sett sér krefjandi markmið og framundan er
viðburðaríkur tími, tvær stefna á Ólympíuleika í Peking í haust og sú þriðja að lokamóti EM í Finnlandi árið 2009 með kvennalandsliðinu.
daglegtlíf
|sunnudagur|6. 1. 2008| mbl.is