Sjómannablaðið Víkingur - 01.12.1987, Síða 102

MIKILVÆGAR MARKAÐSFRETTIR UR PACIFIC FISHING

RÆKJA. Þótt verö upp úr skipi sé aðeins 53 kr/kg
er sóknin á Vesturströnd Bandaríkjanna enn mik-
il. í júlílok voru komin á land á vesturströndinni á
þessu ári alls 20.111 tonn á móti 18.155 tonnum á
sama tíma árið 1986. Óvenjulega snemma hefur
orðið vart við fyrsta árs rækju á miðunum undan
ströndum Kaliforníu, sem gæti þýtt annað gott
rækjuár. Ekki hefur þó allsstaðar orðið vart við
þessa ungu rækju.
HÁFUR. Góður markaður er fyrir háf í Kaliforníu.
Framboðið er of lítið til að fullnægja mikilli eftir-
spurn sem er prímus mótor veiðanna. Thresher
háfurinn er einkum eftirsóttur en veiðist ekki í
miklum mæli. Verð til sjómanna er að meðaltali
136 kr/kg og heildsöluverð 175 kr/kg. Barðaháfur
er seldur í heildsölu á 150 kr/kg. Líklegt er að
barðaháfurinn seljist á föstunni á 167 kr/kg sem
mundi þá vera hæsta verð sem fengist hefur fyrir
barðaháf. Eftirsþurn eftir súpuuggum hefur vaxið
verulega í sumar. Uggarnir eru á 29 kr/kg til sjó-
manna.
ÍGULKER. Meðfram allri Kyrrahafsströnd
Bandaríkjanna veiðast ígulker. í Oregon ríki hafa
að þvi er f réttir herma 96 kafarar stundað veiðarn-
ar í ár en voru aðeins 18 í fyrra. Kafararnir fá að
meðaltali 25 kr. fyrir ígulkerið.
í Kaliforníu hefur verið ákveðið að veita ekki fleiri
leyfi tii ígulkeraveiða frá og með júlímánuði en
eins og er hafa 700 leyfi verið veitt. í Norður-
Kaliforniu hafa komið á land 3.640 tonn af ígul-
kerjum, en allt árið 1986 var landað 4.323 tonn-
um. Fiskifræðingar búast við að stofninn undan
Norður-Kaliforníu þoli ekki núverandi sókn og
hefur undanfarið orðið vart við eldri og óæskilegri
ígulker. Eins og er fást á markaði í Jaþan 442-
1825 kr. á kg í 8 - 9 únsa bakka af ígulkerjahrogn-
um.
102 VÍKINGUR
SURIMI. Búist er við að Japanir framleiði á þessu
ári sama magn af surimi og á árinu 1986. 15%
minnkun á surimiframleiðslu Japana í fiskveiði-
lögsögu Bandaríkjanna hefur verið mætt með
framleiðslu í samvinnu við Rússa og veiðum á
fisktegundinni hoki við Nýja Sjáland. Birgðir af
fyrsta flokks sjóunnu surimi eru takmarkaðar. Út-
flutningur Japana á gervikraþba er minni en á
síðasta ári. í júnílok höfðu Japanir flutt 10.023
tonn af gervikrabba til Bandaríkjanna. f Japan er
1. flokks surimi framleitt í verksmiðjuskipi selt á
120 - 125 kr/kg sem er lækkun um 3,34 kr/kg.
Nýlega hefur Fiskveiðaþróunarsjóður Alaska
veitt verðlaun í framleiðslusamkeppni fyrir há-
degisverð þar sem aöaluppistaðan var surimi,
skyndibiti úr laxi, chilisúpa úr hökkuðum Alaska-
ufsa og próteinblöndu úr laxi og surimi. Heildsölu-
verð á gervikrabba er frá 150 - 246 kr/kg.
HROGN. Á heildsölumarkaði í Tókýó seldist
fyrstu sex mánuði ársins alls 3.721 tonn af Al-
askaufsahrognum á meðalverði, 342 kr/kg.
Magnið er næstum því 18% meira en á síðasta ári
sem stafar aðallega af 25% lægra verði. Verð á
laxahrognum (sem eru helsti keppinautur Al-
askaufsahrogna) frá Alaska hefur lækkað um
næstum því helming. Núverandi verð er frá 437-
729 kr/kg
LAX. Þótt birgðir af niðursoðnum laxi séu nú meiri
en á árinu 1986 er ekki gert ráð fyrir að heildsölu-
verð lækki. í byrjun ágúst voru birgðir af niður-
soðnum laxi í Bandaríkjunum og Kanada alls
1.045.512 kassar (48 stórar dósir í kassa) á móti
698.108 kössum á sama tíma árið 1986.
Markaður af frystum laxi hefur ekki róast eins og
flestir bjuggust viö. Þetta stafar af minna fram-
boði, samfara mikilli eftirspurn. Japanir kaupa nú
lax á 284 kr/kg (meðalverð) FOB Seattle.
Fiskimenn fá 167 kr/kg að meðaltali. Til Evrópu
fer laxategundin red kings á meðalverði 363 kr/kg
FOB Seattle.
SÍLD. Verð á síldarmjöli og lýsi er hækkandi á
heimsmarkaði. Ástæður fyrir jíessu er m.a. að í
sumum löndum er all mikið gert af þvi að nota
síldarlýsi til upphitunar, talið er að alls séu
200.000 tonn notuð í þessu skyni. í Perú er nú
skortur á síldarlýsi fyrir heimamarkað, en búist er
við að Perúmenn fullnægi þessari eftirspurn með
kaupum frá Japan. Einnig hefur það áhrif til
hækkunar á síldarafurðum að búist er við lítill
framleiðslu á síðasta fjórðungi þessa árs. Hins-
vegar eru takmörk fyrir því hve hátt verðið má fara
með tilliti til sojamjöls og sojaolíu. í haust hefur
hlutfall á verði þessara afurða verið 2, þ.e. síld-
arafurðir hafa verið helmingi hærri en sojaafurðir.
Þetta hlutfall er í hærri kantinum. Reiknað er með
að á fyrri helmingi næsta árs verði frekar lítil fram-
leiðsla á norðurhveli á síldarmjöli og síldarlýsi.
Hinsvegar er bjart framundan í þessu efni á suð-
urhveli. í heild má þó reikna með góðu jafnvægi
milli framboðs og eftirspurnar á fyrri helmingi árs-
ins en þó er of snemmt að spá um verðið.
LAXVEIÐAR Færeyinga í sjó byrjuðu aftur 2.
nóvember. Búist er við að 23 skip stundi veiðarn-
ar að þessu sinni, en aðeins 4 hafa enn fengið
leyfi. Hinir hafa ekki ennþá uppfyllt öll skilyrði til
að hljóta leyfi. Færeyingar mega á árunum 1987,
1988 og 1989 veiða að meðaltali 600 tonn af laxi í
sjó. Lítið veiddist í vor og því eru möguleikar á að
veiöa talsvert nú.