Sjómannablaðið Víkingur - 01.04.1989, Blaðsíða 58

MIKILVÆGAR MARKAÐSFRÉTTIR ÚR PACIFIC FISHING
TIL LESENDA: Frá og meö þessu tölublaði
verður gerð breyting á Ratsjá. Fram til þessa
hafa upplýsingar eingöngu verið fengnar úr
bandaríska blaðinu Pacific Fishing og hefur sú
gagnrýni komið fram að þær væru íslenskum
sjómönnum að miklu leyti óviðkomandi. Nú
hefur verið ákveðið að reyna þess í stað að
veita yfirsýn yfir það sem gerst hefur á helstu
mörkuðum fyrir íslenskan fisk í mánuðinum
fyrir útkomu blaðsins. Verður síðan bætt við
því úr Pacific Fishing sem þykir helst snerta
íslenskan sjávarútveg. Ekki er við þvíað búast
að upplýsingarnar verði tæmandi og væntan-
lega þróast þessi þjónusta með tímanum.
Væri gott að fá ráðleggingar frá lesendum um
það sem betur mætti fara eða þeim finnst
vanta í þessa pistla.
ÞORSKUR Marsmánuður var gjöfull víðast hvar
um land. í marsmánuði var landað 2.564 tonnum
af þorski á íslensku fiskmörkuðunum þremur og
var það helmingur alls afla sem þeim barst. Mark-
aðirnir þrír tóku á móti talsvert meira magni af
þorski en í mánuðinum á undan og kom það fram í
verðinu sem var nokkru lægra en í febrúar. Með-
alverðið sem fékkst á mörkuðunum var 43,30 kr.
fyrir kílóið af þorski. Hæsta meðaiverðið fékkst
hjá Fiskmarkaði Suðurnesja, 44,45 kr., í Hafnar-
firði var meðalverðið 43,54 kr. og á Faxamarkaði í
Reykjavík fengust að meðaltali 41,49 kr. fyrir kíló-
ið af þorski.
( Grimsby og Hull var landað 3.281 tonni af
þorski úr fiskiskipum og gámum í marsmánuði og
fengust að meðaltali tæpar 70 kr. fyrir kílóið.
Framboð var töluvert meira en í febrúar, þá var
landað 1.810 tonnum og meðalverðið var vel yfir
90 kr. fyrir kílóið.
ÝSA 750 tonnum af ýsu var landað á íslensku
fiskmörkuðunum þremur í mars og reyndist með-
alverðið 53 kr. fyrir kílóið. Hæsta meðalverðið
fékkst í Hafnarfirði, 56,67 kr., en á hinum mörkuð-
unum fengust rúmlega 51 kr. fyrir kílóið að meðal-
tali.
í mánuðinum var landað 1.958 tonnum af ýsu
úr gámum og fiskiskipum í breskum höfnum.
Þetta var helmingi meira magn en í febrúar og
meðalverðið í mars var líka töluvert lægra, tæp-
lega 85 kr. á móti 115 kr. fyrir kílóið í febrúar.
58 VÍKINGUR
KARFI953 lestir af karfa bárust fiskmörkuðunum
íslensku í marsmánuði og var meðalverðið 25,75
kr. kílóið. Lægst var meðalverðið á Faxamarkaði,

25,30 kr. fyrir kílóið, 25,70 kr. í Hafnarfirði en
26,50 kr. á Fiskmarkaði Suðurnesja.
3.567 tonnum af karfa var landað úr gámum og
fiskiskipum íhöfnum íVestur-Þýskalandi og hefur
aldrei verið landað jafnmiklu af íslenskum karfa á
einum mánuði þar í landi. Verðið sem fékkst að
meðaltali var þó ekki teljandi lægra en í mánuðin-
um á undan eða rúmar 76 kr. fyrir kílóið á móti
rúmlega 82 kr. í febrúar.
UFSI Alls var landað 544 tonnum af ufsa á ís-
lensku fiskmörkuðunum í marsmánuði. Meðal-
verðið í mánuðinum var 19,56 kr. fyrir kílóið, lægst
í Hafnarfirði, 18,50 kr., en liðlega 20 kr. á hinum
mörkuðunum.
í vestur-þýskum höfnum var landað 460 tonn-
um af ufsa í mars. Meðalverðið sem fékkst fyrir
kílóið var rúmar 50 kr. og hefur farið lækkandi frá
áramótum en í janúar fengust yfir 80 kr. að meðal-
tali fyrir ufsakílóið.
FRYSTAR AFURÐIR Framleiðsla og útflutningur
SH hefur verið meiri það sem af er þessu ári en á
sama tíma í fyrra. Munar þar mest um frysta loðnu
og loðnuhrogn en hefðbundin frysting á botnfiski
hefur einnig gengið vel. Talsvert meira hefur
verið fryst af loðnu en í fyrra en verðið sem fæst
fyrir hana er svipaö í erlendri mynt.
Á markaði fyrir frystan fisk í Bandaríkjunum
hafa orðið litlar verðbreytingar að undanförnu.
Markaðsverð á þorskblokk hefur verið 1,45 doll-
arar fyrir pundið og hækkaði síðast um áramótin.
Blokkin hefur heldur verið að styrkjast að undan-
förnu og er frekar búist við að verðið þokist upp á
við á næstunni. Hærra verð fæst fyrir þorskflök
eða um 2 dollarar fyrir pundið og hefur það verið
óbreytt um langt skeið. Framleiðsla og sala hefur
gengið vel á Bandaríkjamarkaði í marsmánuði.
JAPANSMARKAÐUR Eftir óvenjugott ár fyrir
flestar fiskafurðir á Jaþansmarkaði dróst neysla
og sala verulega saman um síðustu áramót. Staf-
aði það einkum af veikindum Hirohitos keisara
sem lést 7. janúar eftir langa banalegu. Meðan á
henni stóð héldu Japanir veisluhöldum í skefjum,
til dæmis var nýársveislum víðast hvar slegið á
frest eða aflýst. Þetta hafði áhrif á fisksöluna,
einkum,, gjafapakka" ýmiss konar sem njóta mik-
illa vinsælda í Japan. Þegar leið á janúarmánuð
fóru tignarmennin að streyma til landsins hvaða-
næva úr heiminum til þess að vera við jarðarför
keisarans og elti þá hjörð af fréttamönnum. Þá
fóru hótelin að auka pantanir sínar og eftir jarðar-
förina færðist markaðurinn í samt lag.