Náttúrufræðingurinn - 1980, Síða 17

lokar sveitin einnig flóðasvæðinu
fyrir ónauðsynlegri umferð.
d) Björgunarsveitir og sjúkraliðar. Um
starf þeirra verður ekki fjallað hér.
Loks má nefna að víða erlendis eru
sérþjálfaðar sveitir manna, er hleypa
niður hættulegum snjóhengjum með
einhvers konar sprengingum, t. d. er
skotið á þær með sprengivörpu og fall-
byssu eða dýnamit er grafið í fönn og
tendrað úr fjarlægð. Við þessi störf þarf
að gæta mikillar varúðar og aldrei
skyldi sprengja niður hengjur yfir byggð
því að mjög erfitt er að dæma um hve
stórt snjóflóð kann þá að falla.
Varnaraðgerðir til frambúðar
Á þéttbýlissvæðum, þar sem íbúðar-
hús standa inni á hættusvæðum, er
eðlilegt að fram komi óskir um varnar-
aðgerðir til frambúðar í stað þess að
grípa þurfi til rýmingar í hvert sinn sem
snjóflóðahætta vofir yfir. Sama gildir
um fjölfarna vegi. Menn sætta sig aðeins
við að þeim sé lokað í skamman tíma.
Þegar velja skal milli skammtímavarna
og varna til frambúðar koma hins vegar
inn margvísleg vandamál, sem eru ekki
síður pólitísks en tæknilegs eðlis. Taka
þarf ákvörðun um hve mikla áhættu er
unnt að sætta sig við og ákveða aðferðir
til þess að meta þörfina fyrir varnar-
virki, auk þess sem meta þarf kostnað.
Varnarvirki eru i mörgum tilfellum
mjög dýr en þau geta dregið afar mikið
úr hættu þótt ekki sé ráðlegt að reikna
með því að þau geti komið algerlega í
veg fyrir hana. Ekki ætti þó að hika við
að leggja í mikinn kostnað ef þörf krefur.
Ofullnægjandi varnarvirki geta valdið
stórskaða. Þau skapa falskt öryggi og
9. mynd. Grindur ofan við bæinn Davos í Sviss. (Frá M. Schild 1972).
271