Náttúrufræðingurinn - 1934, Blaðsíða 23

NÁTTÚRUFR.
69
sáust stöðugt eldblossar og um morguninn virtist öskufallið
berast austur. Þann dag virtist mökkurinn öðru hvoru heldur
hærri en daginn áður. Þegar fór að líða á daginn virtist draga
úr gosinu annað slagið, en þess á milli rauk mökkurinn upp
með miklum krafti og jafnframt heyrðust dunur og hvellir
frá gosinu (það heyrðist ekki fyr en um hádegi þann 3.).
Um kl. 6 e. m. var gosið mjög farið að dvína, en rétt á eftir
steig mökkurinn upp með miklum hraða. Heyrðust þá jafn-
framt miklar dunur. Yirtist þá gosið mjög ákaft um stund, en
svo fór mökkurinn að hallast til austurs og kl. 7 e. m. leið
hann burt eins og stórt ský, og síðan hefir ekkert sézt til
gossins héðan.
Einu sinni í vetur sá eg og fleiri eldblossa í sömu stefnu
og þetta gos. Líklegast er að þeir blossar hafi stafað af eld-
gosi, því heiðríkt var og hvergi ský á lofti. Þetta sá eg aðeins
eitt kvöld.“
Frá Gunnólfsvík sást eldroði í stefnu á Vatnajökul og
truflanir urðu á viðtöku útvarpsins. Frá Grímsstöðum á Fjöll-
um sáust eldblossar öðru hvoru á mánudagskvöld (2. apríl)
og nóttina eftir í stefnu á Herðubreiðarfjöll, og fylgdu því
allháar dunur og dynkir. Frá Möðrudal sást gosið á páska-
dagskvöld og voru fram eftir nóttu stöðugir blossar með stuttu
millibili, í stefnu syðst yfir Herðubreiðartögl.1)
Frá Akureyri sást annan páskadag, þegar dimmdi um
kvöldið, hvert leiftrið á fætur öðru og gosblossar, sem báru
yfir f jallið milli Eyjafjarðardals og Garðsárdals.1)
Frá Sauðárkrki sást eldgosið greinilega í þrjár nætur sam-
fleytt og var stefnan yfir Silfrastaðaöxl. Oftast sáust þar leift-
ur, en stundum rauðir logar hátt á loft upp.2)
4. Athuganir austanlands:
Laugardaginn 31. marz sáust frá Vopnafirði eldblossar í
VSV átt.3)
Frá Hólum í Vopnafirði sást all-þykkur öskumökkur yf-
ir Vatnajökli á þriðjudaginn 3. apríl. og frá Djúpavogi sást
1) Morgunblaðið 5. apríl.
2) Morgunblaðið 4. apríl.
3) Morgunblaðið 5. apríl.