Náttúrufræðingurinn - 1934, Blaðsíða 12

58
NÁTTÚRUFR.
Lýsing:
Mjög smávaxin jurt. Stönglar margir uppréttir eða lítið eitt
uppsveigðir, aldrei útstæðir eða jarðlægir, og mynda blaðhvirf-
ingar þeirra þétta þúfuhnúska. Blöðin smá, sýllaga með mjög
stuttum oddi eða alveg oddlaus og greinilegri miðtaug á neðra
borði. Blómin tiltölulega stór. Krónublöð lengri en bikarblöð.
Fræflar 10.
Vex til fjalla í lítt grónum moldarjarðvegi.
Austurfjall í Dalsmynni, Kinnarfell S.-Þing. 1926. I. Ó.
10. Ranunculus auricomus L. Sifjarsóley (Guðm. G. Bárðar-
son, Sk. 1927—28, bls. 49).
Greining:
I. Krónublöðin gul.
A. Stöngull uppréttur eða uppsveigður, aldrei rótskeytur.
a. Krónublöðin lengri en bikarblöðin. Blómin stór. Fl. ísl.,
bls. 106.
x Stöngull hærður, engin nýrlaga stofnblöð, hnetur
hárlausar. Krónublöðin miklu lengri en bikarblöð-
in. Ranunculus acer.
xx Stöngullinn hárlaus eoa gishærður. Stofnblöð nýr-
laga. Hnetur dúnhæroar. Krónublöð litlu lengri en
bikarblöð. R. auricomits.
Lýsing:
Stöngullinn ógreindur ofantil,
endar í blómi, hárlaus eða mjög gis-
hærður. Stofnblöðin stilklöng, nýrlaga
og þá heil og bogtent, en stundum eru
þau þó handskift eða flipuð með tent-
um blaðhlutum, verður þá nýrlögun-
in næsta óglögg. Háblöðin stilklaus,
skift. Blaðhlutarnir striklaga, heil-
rendir og sýnast oft kransstæðir á
stönglinum. Blómstilkur og bikar dún-
hærðir. Krónublöðin (oft vanþroska)
litlu lengri en bikarinn, eða á lengd við hann. Hnetur líkar í lög-
un og á brennisóley, en trjónulengri og aldúnhærðar. Hæð ca.
8—10 cm.
Þegar nýrlaga blöðin vantar, líkist hún mjög brennisóley, en
þá eru hneturnar bezta greiningareinkennið.
7. mynd. Sifjarsóley.
(Úr Blytt).