Náttúrufræðingurinn - 1956, Side 8

2
NÁTTÚRUFRÆÐINGURINN
Það var vissulega ekki í von um ábata, að hinir tveir áhugasömu
stofnendur Náttúrufræðingsins lögðu út í þetta fyrirtæki. Hitt
mun hafa vakað fyrir þeim, að veita hinni fróðleiksfúsu íslenzku
alþýðu aukna þekkingu í náttúrufræði, og kenna henni að hugsa
og tala um þessa hluti á sínu eigin máli. Raunvísindin og tæknin
voru að gerbreyta hugsunarhætti og lifnaðarháttum þjóðarinnar,
og það var nauðsynlegt að leiða hana inn á þau svið þekkingar-
innar, er þarna lágu til grundvallar.
Náttúrufræðingnum var strax vel tekið og hefur hann notið al-
mennra vinsælda alla tíð. Hann hefur flutt lesendum sínum marg-
víslegan fróðleik um náttúrufræðileg efni og vakið áhuga þeirra
og eftirtekt fyrir náttúrlegum hlutum. Hann hefur fært lesendur
sína nær veruleikanum og aukið skilning þeirra og dómgreind.
Hann hefur auk þess auðgað íslenzka tungu og sýnt, að hún er
ekki síður hæf til túlkunar á náttúrufræðilegum sannindum, en
skáldlegum liugmyndum, sögum og sögnum. Með þessu öllu hefur
Náttúrufræðingurinn leyst af hendi mjög merkilegt starf í þágu
íslenzkrar menningar.
Á síðari árum hafa vísindalegar rannsóknir íslenzkra náttúru-
fræðinga farið mjög í vöxt. Niðurstöður slíkra rannsókna þarf að
birta, svo að þær komi að tilætluðum notum, en það reynist oft
erfitt. Tímarit, sem ætluð eru alþýðu manna, eru að vonum treg
til þess að birta greinar um torskilin vísindaleg efni, sem ef til
vill aðeins einn af hverju þúsundi landsmanna liefur áhuga fyrir.
Slíkar greinar auka ekki útbreiðslu alþýðlegra tímarita, en þar
má ekki miklu muna, því að áskriftafjöldi að tímaritum reynist
hér alltaf lielzt til lítill, sem vonlegt er með svo fámennri þjóð.
Einnig á þessu sviði hefur Náttúrufræðingurinn gert ómetan-
legt gagn. Jafnframt þeim almenna fróðleik, sem ritið hefur flutt
lesendum sínum, hefur það líka birt talsvert af vísindalegum grein-
um eftir íslenzka náttúrufræðinga. Þarna hefur verið skýrt frá
niðurstöðum rannsókna, sem annars hefði sennilega ekki verið
hægt að birta, og þá ekki náð tilætluðum árangri. Þess skal getið
höfundum þessara greina til verðugs lofs., að þeir hafa jafnan lagt
sig mjög fram að greina svo frá rannsóknum sinum, að fleiri mættu
skilja, en sérfræðingar einir.
Náttúrufræðingurinn gegnir þannig nú orðið tveimur hlutverk-
um. Hann er að öðrum þræði alþýðurit, að hinum vísindarit. Með