Náttúrufræðingurinn - 01.03.1973, Blaðsíða 1

Nállúrufr. — 42. árgimgur — 4. liefti — 145.—200. siöa — Reykjavik, marz 1973
Guðmundut Kjartansson Minningarorð
Guðmundur Kjartansson, jarðfræðingur, lézt í Borgarspítalanum
í Reykjavík að kvöldi íöstudagsins 7. apríl 1972. Banamein hans var
æxli á heila. Sjúkdóms þessa kenndi Guðmundur fyrst haustið 1971,
og í byrjun nóvember lagðist hann inn á Landsspítalann. Kom þá í
ljós, hversu alvarlegs eðlis sjúkdómurinn var. Það varð því að ráði,
að hann gengi undir uppskurð á Ríkisspítalanum í Kaupmannahöfn
í desember. Guðmundur kom síðan heim í lok desember og lagðist
á ný á Landsspítalann. Með nýju ári virtist sem hann hefði fengið
nokkurn bata, þótt ávallt lægi hann rúmfastur. í febrúar tók heilsu
hans síðan mjög að hraka, og var auðséð að hverju fór. Hann hélt
þó fullri rænu fram í byrjun apríl, er hann var fluttur á Borgar-
spítalann, þar sem hann lézt. Andlát hans kom því ekki á óvart þeim,
sem til þekktu.
Guðmundur Kjartansson var fæddur að Hruna í Hrunamanna-
hreppi 18. maí 1909, og var hann því á 63. aldursári, er hann and-
aðist. Foreldrar hans voru þau hjónin Kjartan prófastur í Hruna (f.
20. okt. 1865, d. 5. apríl 1931) Helgason bónda í Birtingaholti Magn-
ússonar og Sigríður (f. 20. okt. 1864, d. 26. marz 1947) Jóhannes-
dóttir sýslumanns í Hjarðarholti í Dölum Guðmundssonar. Guð-
mundur var yngstur 8 systkina.
Guðmundur ólst upp í foreldrahúsum og naut barnafræðslu
heima fyrir. Árið 1924 settist hann í Flensborgarskóla í Hafnarfirði
og lauk þaðan gagnfræðaprófi utanskóla vorið 1926. Þá um haustið
settist hann í Menntaskólann í Reykjavík og lauk þaðan stúdents-
prófi vorið 1929. Um haustið mun hann hafa ætlað utan til náms, en
ekki varð af því. Kom þar einkum tvennt til, annars vegar fjár-
skortur og hins vegar, að hann átti við vanheilsu að stríða. Um
haustið innritaðist hann í Háskóla íslands og tók próf í forspjalla-
vísindum vorið 1930. Þennan vetur fékkst hann auk námsins nokkuð
við kennslu.
Áhugi Guðmundar á náttúrufræði mun hafa vaknað snemma,
10