Samvinnan - 01.03.1986, Side 37

Velgengni allra er verk-
efni starfsfræðslunnar
a rangursrík fræðsla og víðtæk
/\ þjálfun starfsmanna er ein
1 1. forsenda þess að samvinnu-
hreyfingin geti tekist á við verkefni
framtíðarinnar. í þessu efni hefur
Samvinnuskólinn miklu hlutverki að
gegna á næstu árum.
Með nokkurri einföldun má segja
að til þessa hafi almenn framhalds-
skólafræðsla á viðskipta- og félags-
málasviði verið meginviðfangsefni
Samvinnuskólans, en eiginleg starfs-
fræðsla og þjálfun starfsmanna sam-
vinnuhreyfingarinnar hafi verið eins
konar „aukabúgrein“ skólans. Það er
alveg ljóst að áherslur í þessum efnum
hljóta mjög að breytast á næstu árum;
athygli stjórnenda Samvinnuskólans
hlýtur að beinast æ meira að starfs-
mannafræðslunni og verkþjálfuninni.
Þetta er einmitt mikilvægur liður í
þeim breytingum sem gerðar verða á
starfsemi Samvinnuskólans á sumri
komanda, en nokkrum atriðum þess-
ara umskipta var lýst í Samvinnunni
nú í vetur.
• Sérstök starfsfræðsludeild
Til þess að starfsfræðslan nái mark-
miðum sínum þarf sérþjálfaður starfs-
hópur að helga sig henni í fullu starfi.
Þessu verður komið til leiðar nú í
sumar með því að námskeiðahaldi
Samvinnuskólans verður breytt í sér-
staka starfsfrœðsludeild með eigin
starfsliði og starfsaðstöðu á Bifröst,
en áfram verður einnig gert ráð fyrir
því að kennarar skólans ferðist um
landið og vitji samvinnustarfsmanna á
vinnustöðum þeirra.
Annað skilyrði árangurs er að
starfsfræðslan verði kerfisbundin sí-
menntun. Með þessu er átt við það að
fræðsla og þjálfun verði fastur liður á
starfsbrautum samvinnustarfsmanna,
í starfsferli þeirra og stöðugum vinnu-
viðfangsefnum, en í þessu felst m. a.
að hver starfsmaður tekur aftur og
aftur þátt í námskeiðum og námskeið-
in fylgja honum/henni eftir á starfsferl-
inum.
Þriðja skilyrðið er að starfsfræðslan
nái til allra samvinnustarfsmanna með
skipulegum hætti, að Starfsfræðslu-
deild Samvinnuskólans „þeki“ allan
fræðslumarkað hreyfingarinnar og nái
bæði til starfsmanna og reyndar einnig
til félagsmannanna.
Margir kostir eru fyrir hendi varð-
andi skiptingu fræðsluviðfangsefna
innbyrðis. Hér verður að sinni miðað
við þrískiptingu:
í fyrsta lagi eru almenn starfs-
frœðslunámskeið, m. a. fræðsla byrj-
enda og nýliða.
í annan stað eru námskeið um ýmis
sérsvið og sérstök verkefni.
í þriðja lagi er að nefna ráðstefnu-
hald og fræðslu fyrir stjórnendur,
námsstefnur svo kallaðar um nýjungar
og þróunarviðfangsefni og ráðstefnur
um þau stjórnunarvandamál sem hæst
ber hverju sinni.
• Starfsmarkmið
Nýrri Starfsfræðsludeild Samvinnu-
skólans verður að sjálfsögðu að setja
sérstök starfsmarkmið. Þau geta verið
sem hér segir:
a) Alhliða starfsfræðsla og -þjálfun
fyrir samvinnustarfsmenn, raun-
hæft símenntakerfi tengt störfum
þeirra, starfsbrautum og frama í
því skyni að búa þá sem best til
starfa, þróunar og frama.
b) Félagsmálafræðsla og -þjálfun fyrir
þá og félagsmenn samvinnuhreyf-
ingarinnar.
c) Fræðsla um samvinnumál sem
fylgja skal allri starfseminni.
d) Fræðsla og þjálfun um stjórnun-
armál, þróunarverkefni og sérsvið
og umræðuvettvangur fyrir sam-
vinnuhreyfinguna um þau efni.
e) Önnur fræðsla og þjálfun sem
stuðlar að velgengni, rétti og fram-
för samvinnuhreyfingarinnar, sam-
vinnustarfsmanna og félagsmanna
samvinnuhreyfingarinnar.
Eftir Jón
Sigurðsson
37