Andvari - 01.01.1997, Qupperneq 19

ANDVARI
JÓN HELGASON
17
Jón Helgason og Þórunn Astríð-
ur Björnsdóttir með fyrsta barn
sitt, Björn.
settur 10. nóvember 1925. Þetta er bók sem er betra að hafa en missa,
[8] + 364 blaðsíður, mikið og traust eljuverk.
Hér heima á íslandi beið Jóns engin staða, mér liggur við að segja
sem betur fer, og ekki veit ég hvort hann hefur sóst eftir stöðu við
Háskóla íslands. Hann fór aftur utan eftir doktorsprófið og kenndi
við háskólann í Osló veturinn 1926-27, en var skipaður forstöðumað-
ur handritasafns Árna Magnússonar 1927 og fluttist þá aftur til
Kaupmannahafnar. Þar átti hann síðan heima til dauðadags.
Tveimur árum síðar, 1929, tók Jón við stöðu Finns Jónssonar og
var skipaður prófessor í íslenskri tungu og bókmenntum við Hafnar-
háskóla. En raunar tók hann þá við meiru en stöðu Finns, því að þá
höfðu þrjár stöður verið sameinaðar í eina: staða forstöðumanns
Árnasafns, prófessorsstaða Valtýs Guðmundssonar í íslensku máli og
bókmenntum og prófessorsstaða Finns Jónssonar í norrænum fræð-
um. Þessu embætti gegndi Jón síðan í fjörutíu ár.