Andvari - 01.01.1953, Blaðsíða 20

16
Sigurjón Jónsson
ANDVARI
hafði fengið GuSmund Bjömsson landlækni til aS skrifa um
útfararkostnaS og útfararsiSi í Reykjavík. „Bálfarir og jarðarfarir1'
hét bæklingurinn. Og þó að litlar sögur fari af viðgangi málsins
næstu árin, er það víst, að dr. Gunnlaugur aflaði því fylgis í
kyrrþey og gerði ítrekaSar tilraunir til að fá bæjarstjórn Reykja-
víkur til að reisa bálstofu í Reykjavík. En er sýnt þótti, að engrar
forgöngu væri þaðan að vænta, gekkst hann fyrir því, ásamt
nokkrum áhugamönnum öðrum, að Bálfarafélag íslands var stofn-
að 1934. Var hann einróma kjörinn formaður þess þegar í upp-
hafi og var það til dauðadags. Varð það brátt að ráði, að Bálfara-
félagið skyldi sjálft hafa forgöngu um að koma upp bálstofu, og
var sú ákvörðun tekin á stjómarfundi 13. marz 1935. Það ár
kom út grein um bálfarir eftir dr. Gunnlaug í Almanaki Þjóð-
vinafélagsins og árið eftir fluttu þeir Björn Ólafsson, gjaldkeri
félagsins, og hann sitt útvarpserindið hvor um þetta efni. Arið
1937 lofaði bæjarstjóm Reykjavíkur 10000 kr. árlegu framlagi
úr bæjarsjóði til bálstofubyggingar gegn tvöföldu framlagi ann-
ars staðar að, og árið eftir var jafnlrá styrkveiting frá ríkinu tekin
upp í fjárlögin fyrir árið 1939. Var búizt við, að bráðlega mætti
hefjast handa um byggingu bálstofunnar, en þá kom ófriðurinn
og olli afturkipp í þeirri framkvæmd sem mörgum öðrum fyrstu
árin. En fræÖslustarfsemi um það var haldið áfrarn, rneðal ann-
ars með útvarpserindum, er þeir fluttu sitt hvor, formaður Bál-
farafélagsins og gjaldkeri, í sept. 1940 og prentuð voru aftan við
skýrslu félagsins það ár. Og haldiÖ var áfram söfnun fjár til
að leggja fram til bálstofunnar móti tillögum ríkis og bæjar. Bár-
ust félaginu stundum gjafir í þessu skyni, sumar rausnarlegar.
Upphaflega gerði bæjarstjórnin ráð fyrir, að bálstofan yrði i
kirkjugarðinum við Ljósvallagötu, þeim hluta hans, sem ekki
var farið að jarðsetja í, þegar bálstofumálið kom þar fyrst á dag-
skrá. En það dróst og dróst að semja við kirkjugarðsstjómina,
þangað til orðið var um seinan: allt orðið útgrafið þar, sem bál-
stofunni hafði veriÖ hugaður staður. Var þá bálstofunni ákveð-
inn staður á Sunnuhvolstúni og henni mæld út lóð þar (1936).