Fálkinn - 28.06.1965, Síða 29
8EIMDIHERRA ÍSLANDS í SVÍÞJÓÐ
Nýr sendiherra íslands í
Svíþjóð var skipaður fyrir
rúmu ári. Þá tók við starfi
Árni Tryggvason, er áður hafði
verið hæstaréttardómari um
langt skeið. Þar sem hér er um
að ræða mikla breytingu á
starfi, spyrjum við Árna fyrst,
hvernig honum hafi líkað
skiptin.
— Ég verð að segja, að mér
hefur fallið vel hið nýja starf.
En þar hefur hjálpað mér
mikið, að ég var kunnugur í
Svíþjóð, áður en ég tók við
þessu starfi. Ég var búsettur
hér í Stokkhólmi á annað ár
fyrir löngu, og því sambandi,
er þá stofnaðist hafði ég haldið.
Og sannast að segja hef ég
meiri not af lögfræðikunnáttu
minni en menn gætu látið sér
detta í hug í fljótu bragði, því
það eru margvísleg lögfræði-
leg vandamál, sem að höndum
ber. Einnig má segja, að það
sé síður en svo einsdæmi, að
dómarar gangi í utanríkisþjón-
ustu, t. d. var hæstaréttardóm-
ari í Noregi fyrir nokkrum ár-
um skipaður sendiherra í
Sovétríkjunum, og nokkrir
starfsbræðra minna hér í Stokk-
hólmi eru fyrrverandi dómarar.
— Og í hverju er svo starf
yðar fólgið?
— Ég er hér opinber fulltrúi
íslands gagnvart sænsku ríkis-
stjórninni, ber upp við sænsk
stjórnarvöld öll þau mál, scm
mér eru falin af utanríkisráðu-
neyti okkar. Óhætt er að segja,
að sambandið við sænska utan-
ríkisráðuneytið er mjög gott,
öll fyrirgreiðsla af þess hálfu
með miklum ágætum. Svo
í>
Sendiherra íslands í Stokkhólmi, Árni Tryggvason, úti fyrir
skrifstofu sendiráðsins. Hann er á leið til sænska konungsins,
þar sem hann afhenti trúnaðarbréf sitt við hátíðlega athöfn. í þessum skrautvagni ók Árni Tryggvason á fund konun-’fs.
! -
's
29
FALKINN