Vikan - 17.10.1968, Blaðsíða 23
EKKILENGIIR KAUABIR LIÍBRASVEIT
DÚMBÖ SEXTETT MEÐ NYJUM SVIP.
Dúmbó sextettinn frá Akranesi hefur um langt árabil verið meðal
vinsælustu hljómsveita hér á landi. Lengst af höfum við þekkt
þessa ágætu hljómsveit undir heitinu Dúmbó og Steini, og sem slík
naut hún fádæma vinsælda, ekki sízt eftir að plata með laginu
Angelía kom á max-kaðinn. Nú hefur Steini dregið sig í hlé, og er
raunar nokkuð um liðið síðan, en Dúmbó sextettinn er enn í fullu
fjöri, og kannski miklu meira fjöri en nokkru sinni fyrr — og er
þá mikið sagt. Sá Dúmbó sextett, sem nú er á kreiki er ekki sá
sami og fyrir svo sem einu ári. Liðsmenn eru auðvitað þeir sömu,
en efnisskráin, lagavalið er annað. Sumir álitu, að Dúmbó mundi
ekki bera sitt barr, þegar Steini hyrfi frá, en raunin hefur orðið
önnur. Nú eru fjórir þeirra félaganna virkir þátttakendur í söngn-
um í stað eins áður, og allir hafa þeir dáfögur hljóð!
Dúmbó sextettinn hefur annað veifið leikið í Glaumbæ, og þangað
brugðum við okkur nýlega til þess að sjá og heyra og spjalla við
Ásgeir Guðmundsson, hljómsveitarstjórann. Dúmbó er ein af fáum
hljómsveitum, sem hefur haldið stíft í þann sið að íklæðast ein-
kennisfötum. Eins og þeir eru klæddir, þegar þeir koma fram þessa
dagana, líta þeir út sem nautabanar: í svörtum skyrtum með blúndu-
verki og knipplingum framan á og þar yfir skærrauðum vestum
með fagurlega skreyttu mynstri. Buxur eru svartar með hvítum
strípum.
Við sáum auðvitað fleira en nýjan einkennisklæðnað Dúmbó-
manna. Við sáum, að fólkið hrúgaðist inn allt kvöldið og við sáum,
að ánægja skein úr hverju andliti. Það er alltaf líf og fjör, þar
Framhala á bls. 40
Asgeir.
Reynir
ANDRES INDRIÐASON
Dúmbó sextett í fullum skrúða.
Finnbogi.
Brynjar.
Jón Trausti.