Vikan - 09.04.1970, Page 9

uncn KvnsLóom
FULLTRÚI UNGU KYNSLÖÐARINNAR VERÐUR VALINN Á SKEMMTUN f
AUSTURBÆJARBÍÖI 16. APRÍL. ÞAR KOMA FRAM MARGAR ÞEKKTUSTU POP-HLJÖMSVEITIR
LANDSINS, SVO SEM ROOF TOPS, NATTÚRA,
ÆVINTYRI OG TILVERA. ÞEKKTASTI UMBOÐSMAÐUR SKEMMTIKRAFTA Á
NORÐURLÖNDUM VERÐUR VIÐSTADDUR. ÖLLUM ÁGÖÐA AF SKEMMTUNINNI VERÐUR
VARIÐ TIL FRÆÐSLU UM SKAÐSEMI EITURLYFJA.
Fulltrúi ungu kynslóðarinnar 1970 verður kosinn á
skemmtun, sem haldin verður í Austurbæjarbíói 16. apríl
næstkomandi. VIKAN hefur þegar kynnt stúlkurnar sex,
sem keppa um titilinn, en á skemmtuninni koma þær fram,
sýna meðal annars einhverja af hæfileikum sínum og
einnig gefst þá dómnefndinni kostur á að spyrja þær
nokkurra spurninga. Eins og áður hefur verið skýrt frá
rennur allur ágóði af skemmtuninni til að styrkja baráttuna
gegn eiturlyf janotkun. Honum verður varið til fræðslu
á skaðsemi eiturlyfjaneyzlu, útgáfu fræðslurita, sýningu
fræðslukvikmynda og fleira.
Margar af frægutsu pop-hljómsveitum landsins koma
fram, eins og til dæmis Roof Tops, Náttúra, Ævintýri og
Tilvera ásamt fleiri þekktum skemmtikröftum. Á skemmt-
uninni verður viðstaddur þekktasti umboðsmaður
skemmtikrafta á Norðurlöndum, Knud Thorbjörnssen. Þess
má geta, að strax og hann hefur verið hér, fer hann í
ferðalag um Evrópu með Rolling Stones, og má af því
sjá, hvers megnugur hann er á þessu sviði. Það gefur auga
leið, að hér er um einstakt tækifæri að ræða fyrir íslenzka
skemmtikrafta.
Skemmtuninni lýkur síðan á kjöri fulltrúa ungu
kynslóðarinnar 1970 og að síðustu verður hún krýnd.
18. tbi. vikAN 9