Vikan - 17.12.1987, Qupperneq 20

Úr hinum eina sanna
Seppa: Magnús
Mæjor (Þráinn
Brjánsson) gefúr
Spóa (Magnúsi
Sigurólasyni) vænt
trukk í afturendann
með þeim afleiðing-
um sem sjá má á
myndinni.
AKUREYRI:
Öflug starfsemi
unglingaleikhúss
Á Akureyri er starfandi ansi sérstæð-
ur leikhópur sem gengur undir nafn-
inu Leikklúbburinn Saga. Klúbburinn
er nú á ellefta starfsári sínu og firum-
sýndi fyrir skemmstu leikritið Hinn
eini sanni Seppi (The Real Inspector
Hound) eftir Tom Stoppard undir leik-
stjóm Skúla Gautasonar, en hann leik-
stýrði hópnum líka síðastliðið vor þeg-
ar hann setti upp leikritið Pæld’íðí.
Sérstaða þessa leikhóps er einkum fólgin
í því aó hann er unglingaleikhópur og var til
skamms tíma sá eini hér á landi sem ekki var
í tengslum við félagsstarf í skólum. Hópur-
inn var stofnaður árið 1977 eftir að hjónin
Þórir Steingrímsson og Saga Jónsdóttir
höfðu haldið leiklistarnámskeið í æskulýðs-
miðstöðinni Dynheimum.
Krakkarnir á námskeiðinu urðu svo upp-
fúllir áhuga að þeir stofnuðu klúbbinn og
skírðu hann í höfuðið á Sögu Jónsdóttur.
Fyrsta leikritið sem leikklúbburinn Saga
setti á svið var svo Fáránleikur eftir Dario
Fo og síðan hefur að minnsta kosti eitt verk
verið sett á svið á hverju starfsári.
Starfsemi hópsins hefttr alla tíð verið með
ólíkindum ef miðað er við að öll starfsemin
hvílir á herðum unglinga. Stórhugurinn hef-
ur verið látinn ráða og það er óhætt að full-
yrða að flestir sem með klúbbnum hafa
starfað hafi gefið sig að fúllu í þau verkefni
sem þeir hafa tekið að sér.
Leikklúbburinn hefúr tvisvar sýnt leikrit
sem voru sérstaklega samin fyrir hann af
einum fyrrverandi félaga, hinum velþekkta
útvarpsmanni Helga Má Barðasyni, og var
farið með það fyrra, önnu Lísu, til Dan-
merkur í leikferð sem tókst með ágætum. í
þeirri leikferð komst klúbburinn svo í sam-
band við danskan unglingaleikhóp sem
hann hefur haldið sambandi við síðan. Þess-
ir tveir hópar stóðu svo fyrir nokkrum árum
að samnorrænu verkefni unglingaleikhúsa
sem kallaðist Ragnarock og samanstóð af
því að hopar frá öllum Norðurlöndunum
æfðu hluta sýningar hver í sínu lagi og
komu svo saman í sex vikna sýningarferð
um öll Norðurlöndin.
Nú er í undirbúningi að endurtaka þetta
ævintýri árið 1989, en næsta sumar stefnir
Leikklúbburinn Saga að því að fara á leiklist-
arhátíð í Þýskalandi með verkið sem æft
verður eftir áramót. Auðséð er á þessu að
ekki vantar leiklistaráhuga hjá ungu fólki á
Akureyri og mega bæjarbúar vera stoltir af
því að eiga þennan öfluga hóp unglinga.
AE.
Úr hinum eina sanna
Seppa: Elskhuginn í
leikritinu, Símon Graf-
stein (Haraldur Graf-
stein), gerir sér dælt við
þjónustustúlkuna (Þóru
Jósefsdóttur).
20 VIKAN