Vikan - 27.12.1991, Blaðsíða 86
TEXTI: JÓHANN GUÐNI REYNISSON MVNDIR: BJÖRGVIN PÁLSSON
„Ónix er einn af uppáhalds-
steinunum mínum,“ segir
Hrafnhildur Konráðsdóttir,
eigandi hársnyrtistofunnar
Ónix. Steinninn er mikið
notaður f herraskartgripi,
þessi svarti sem sjá má í
mörgum hringum. Þar með
er komin skýringin á nafn-
inu og blaðamaðurinn upp-
lýstur um tilurð þess, ann-
ars fáfróður um uppruna
skarts úr steinaríkinu.
Hrafnhildur tók við stofunni
fyrir um það bil einu og hálfu
ári en hún er siður en svo ný-
græðingur í faginu. Námi i
háriðninni lauk hún fyrir þrjátíu
árum og hefur verið nánast ó-
slitið við sérgrein sína síðan. í
þessum orðum, nánast óslitið,
felst einungis svar lífsins;
barneignarfrí. Hrafnhildur hef-
ur einnig kennt við hár-
greiðsludeild Iðnskólans í
Reykjavík.
Það er ákaflega þægileg til-
finning að ganga inn á þessa
björtu og snyrtilegu hársnyrti-
stofu. Hrafnhildur segir stof-
una innréttaða af Krosshamri,
fyrirtæki sem flytur inn sér-
stakar innréttingar og vörur
fyrir hárgreiðslustofur. Stofan
er skemmtilega staösett að
Grandavegi 47 og býður þeim
sem í stól sest hvort heldur
sem er spegilmynd af starfi
meistarans Hrafnhildar, Hel-
enar Hólm eða Ásgerðar Fel-
ixdóttur eða útsýni yfir hafið,
Esju, Skarðsheiði og Akrafjall.
Eftir að hafa hnotið um
86 VIKAN 26 TBL 1991
sérstakt tilboðsverð fyrir ellilíf-
eyrisþega spyr blaðamaður
hvort einhver sérstök ástæða
sé fyrir því. „Já, hér í nágrenn-
inu er stofa sem rekin er af
Reykjavíkurborg og hún býður
ellilífeyrisþegum þjónustu á
hálfvirði. Þetta er mitt svar við
því. Samt sem áður eru flestir
viðskiptavinir okkar ungt fólk
enda er það í miklum meiri-
hluta hér í hverfinu."
Hrafnhildur sinnir fleiru en
hárgreiðslu viðvíkjandi fagi
sínu. Hún hefur skipulagt ferð-
ir á námskeið hjá mjög virtum
og margverðlaunuðum hár-
greiðslumeistara í Belgíu,
William De Ridde. William er
vel þekktur meðal íslensks
hárgreiðslufólks en hann þjálf-
aði meðal annars íslenska
hárgreiðslulandsliðið.
„Ég held góðu sambandi við
William og fylgist meðal ann-
ars þannig með því sem er að
gerast í hárgreiðslustefnum,"
segir Hrafnhildur en hún hefur
hingað til sent tvo hópa hár-
greiðslufólks á námskeið Will-
iams og til stendur að senda
þann þriðja fljótlega á næsta
ári. Hrafnhildur hefur auk
þessa sótt fjölmörg námskeið
sem haldin hafa verið hér á
landi enda mjög mikið atriði að
vera í takt við tímann og tísku-
sveiflur samtiðarinnar.
„Aðalatriðið er að við bjóð-
um upp á greiðslur fyrir öll
tækifæri," sagði hinn geðþekki
hárgreiðslumeistari, Hrafnhild-
ur Konráðsdóttir, við blaða-
mann Vikunnar að lokum. □