Vikan - 27.12.1991, Blaðsíða 6
Völva Vikunnar er fullorðin kona sem hefur frá barnæsku,
eins og hún sjálf segir, fundið á sér og séð fyrir ýmsa óorðna
atburði. Hún er skyggn og auk þess draumspakari en gengur
og gerist. Ef hún tekur sér penna í hönd kemur það oft fyrir
að um ósjálfráða skrift verður að ræða, samfara beinni
forspá. Kona þessi hefur áhuga á dulspeki og tengir líf sitt
þeirri fullvissu sinni að flest sé fyrirfram ákveðið. Hún heldur
fast við þá skoðun að „feigum verði ekki forðað eða ófeigum
í hel komið“. Hún býður sendimönnum Vikunnar að setjast
gegnt sér við borðið góða með þykka dúknum og biður þá að
hlusta grannt eftir því sem hún segir:
VANRÆKSLA EÐA
GLEYMSKA?
■ Árið 1992 verður að mörgu
leyti mjög frábrugðið þeim
árum sem á undan eru gengin
á minni lífsleið. Heimsmyndin
mun breytast verulega. Ekki
bara í Evrópu, þótt þar munum
við (slendingar sérstaklega
líta á sjónarsviðið, heldur líka
víða annars staðar, svo sem í
Austurlöndum nær og svo
austarlega í Asíu.
■ Satt að segja er umtalsverð
vá fyrir dyrum í Evrópu allri og
samþjöppun fólks er þar í aug-
sýn. Það veröur mikil hreyfing
á þegnunum, jafnvel þjóö-
flokkum, allt komandi ár. Áhrif
þessa alls munu snerta okkur
hér að verulegu leyti. Ég get
ekki gert að því þótt mér sé
brugðið við einstaka atburði
eins og til dæmis þegar fast
verður lagt að okkur að setja
nýjar og rýmkaðar reglur um
innflutning fólks til búsetu.
Þetta leiðir til harðvítugra milli-
ríkjadeilna en einnig til flokka-
drátta hér meðal okkar sjálfra.
■ Hér heima er margt og mik-
ið í deiglunni. Við verðum að
mestu laus við náttúruhamfarir
nema hvað við getum búist við
miklum snjóalögum og ein-
angrun af þeim sökum á Vest-
urlandi öllu strax í byrjun
ársins. Á sama tíma verða
heilbrigðismálin einnig áfram
mikið í sviðsljósinu en sú um-
6 VIKAN 26. TBL 1991