Menntamál - 01.12.1942, Blaðsíða 8
70
MENNTAMÁL
of né van. 18 stig á Celsíusmæli er talinn hæfilegur hiti,
eða 16—19 stig, rýmra til tekið. Illt, að hitinn sé undir
lágmarkinu, en sízt betra, að hann fari yfir hámarkið.
Áríðandi er, að vel sé litið eftir loftræstingu í kennslu-
stofum. Innibyrgt loft verður þar fljótt daunillt og óhollt.
Gluggar verða að jafnaði að vera opnir í öllum kennslu-
stundum, nema það sé ógjörlegt vegna veðurofsa. En þá
má ekki gleyma að bæta um á milli kennslustunda.
Þá eru skólaborðin hlutir, sem vert er að gefa fullan
gaum, bæði með tilliti til heilsufars nemenda, og eins hins,
að þau séu vel fallin til þess að vinna við þau eins og vera
ber. Því miður búa margir íslenzkir kennarar við skóla-
borð, sem eru til engra hluta nytsamleg, nema að vera
eldsneyti. Þau eru svo ljót og klunnaleg, að enginn maður
mundi vilja hafa slík húsgögn á heimili sínu. Borðfletirn-
ir svo ósléttir, að hvorki er hægt að skrifa né teikna á
þeim, og stundum svo hallandi, að enginn hlutur tollir á
borðinu. Og svo er stærð og stærðarhlutföll í engu sam-
ræmi við vöxt barnanna, svo að skólabekkirnir verða þeim
sannir pínubekkir, vegna þess, hve illa fer um þau. Eiga
kennarar mikið verk fyrir höndum, að útrýma þeirri villi-
mennsku, að húsgögn skólanna séu langt fyrir neðan
lágmarkskröfur lítilþægustu heimila. Veit ég þó víst, að
um það efni er við ramman reip að draga.
Öllum kröfum til skólahúsgagna verður bezt fullnægt
með lausum stólum og léttum borðum, með lágréttri plötu,
og hillu undir plötunni fyrir bækur o. fl. Þetta fer bezt í
stofunni, við það er þægilegast að vinna allskonar skóla-
vinnu, og með því móti geta börnin hagrætt sér bezt, svo
að vel fari um þau. Þarf svo að gæta þess vandlega, að
stærðarhlutföll stóls og borðs séu rétt, og í samræmi við
vöxt nemenda. Stóllinn er hæfilega hár, ef barnið stendur
með alla ilina á gólfinu, en lærin hvíla á stólsetunni, er
það situr rétt í stólnum. Og borðið mátulegt, ef nemandinn
getur setið réttur við það áð skrift og teiknun, en þarf